ankawa
منتدى الهجرة واللجوء => الهجرة و واللاجئين => الموضوع حرر بواسطة: Safaa Alkhrkhy في 11:44 07/07/2009
-
كشفت نتائج دراسة اعدتها جماعة حقوقية ان آلاف اللاجئين العراقيين الذين اعيد توطينهم في الولايات المتحدة يعيشون في فقر ويواجهون خطر التشرد في ظل كدحهم لإعادة بناء حياتهم وسط حالة الركود الاقتصادي. وذكرت هيئة المواطنة والهجرة الامريكية ان اكثر من 19 الف عراقي اعيد توطينهم في الولايات المتحدة منذ عام 2007 وفقا لبرنامج يضع الاولوية للاجئين الاكثر احتياجا ومنهم الموظفون السابقون بالحكومة الامريكية والاقليات الدينية.
جاء في الدراسة التي اعدتها لجنة الانقاذ الدولية ونشرتها الثلاثاء ان برنامج اعادة توطين اللاجئين التابع للحكومة الامريكية "يفتقر على نحو خطير إلى الاموال اللازمة" ولم يعد يفي بالاحتياجات الاساسية للاجئين الجدد. ووفقا للنظام الحالي فإن راتبا اتحاديا يدفع مرة واحدة لكل لاجيء قدره 900 دولار حسب ما تقول الدراسة. ولا تفي المنحة بتغطية الاحتجاجات العاجلة ومنها الاقامة والملبس واحتجاجات السكن.
وذكر التقرير الذي استند الى مقابلات مع عراقيين ومسؤولي رعاية صحية وموظفين ومدرسين ومسؤولين حكوميين في فينيكس واتلانتا خلال ابريل نيسان الماضي ان مشكلات اللاجئين تفاقهمت بسبب الازمة الاقتصادية التي صعبت المسألة عليهم في ايجاد فرص عمل.
وقال بوب كاري نائب رئيس لجنة اعادة التوطين وسياسة الهجرة "اكتشفنا انه مع الاتجاه النزولي للاقتصاد اننا عاجزون عن توفير وظائف بسيطة للاجئين وحتى لو تمكنا فإنها تستغرق وقتا طويلا."
وابلغ كاري "العديد منهم على شفا التشرد. لقد تلقوا اخطارات تحذرهم من الطرد من مساكنهم. لقد تخلفوا عن دفع اجور مساكنهم لشهور." وشرد الغزو الذي قادته الولايات المتحدة على العراق في عام 2003 اكثر من اربعة ملايين عراقي. وبينما عاد العديد الى بلادهم فإن المفوضية العليا لشؤون اللاجئين التابعة للامم المتحدة ذكرت هذا الشهر ان البلاد لا تزال عاجزة للغاية لاستيعاب 1.5 لاجيء عراقي لا يزالون خارج الحدود.
http://iraqi-refugees.org/index3.php?do=article&id=7695
-
تحياتي لكم
انا بس أسألك سؤال عابر سطحي ..
ليش هي امريكا كان عدها برنامج لما بعد سقوط صدام وتغيير النظام؟؟
اقسم لك بالله.. لو كنت انا بمكان امريكا ما كنت ارتكب هاي المجازر والمآسي كلها.. وكان لا بد ان يكون عندي برنامج ومخطط وستراتيجية في كيفية ادارة امور البلاد بعد صديم ابن صبحة.. فإذا مسألة عملاقة مثل تدمير دولة وتأسيس دولة من جديد في بلد يحتوي على ثلاثين مليون نسمة ومن مختلف الأديان والأطياف ويحيطه دول سرطان وعكارب – ما كان عدها أي برنامج سياسي ولا عدها ناس وطنيين تعتمد عليها.. بربك اتريد اتدير بالها على كم مكموع سافر لاجئ على حسابها صار عالة عليها؟؟ شنو وين كاعدين بالسويد؟؟
هاي امريكا ما عدها صاحب صديق ولا عدها شي يعلو على مصالحها.. فقط للعلم
أختك
أم يلدا
-
لا والله أخي الكريم كل نية سوء ما عندي
بعدين كلمة مكموع كلمة محببة تقال بس للعزاز ما بيها أي اساءة!! :(
انا اقرا كثيرا ً للناشر (امير المكاميع) وما شفت بيها شي اذا كتبتها وقلت عن اللاجيء مكموع
انا صار لي من سنة 2006 اقرا بالمنتدى - اليوم يلا قررت اسجل وأشارككم الأفراح والأحزان :(
هو اللي ما عنده حظ وين ما يروح منحوس
أم يلدا
-
اخواني الله الشاهد عليهة ترة اني قصدي من نقل الموضوع هوة تعميم الفائدة على الاعضاء وانني متعود على نقل الاشياء السلبية والايجابية في المنتدى لتعم الفائدة ليس الا فأرجوكم دعونا من كل التصعيدات مهما كانت واشكركم
-
اخي العزيز بيرج توضيح بسيط المكموع هو المقموع اي المضطهد المظلوم اللي ما عنده حظ واعتقد توصيف الاخت ام يلدا ما بي اي اهانه ابدا ;D تحياتي للجميع اخوكم زونا
-
هههههههههههه ما احلاكم اعضاء عنكاوا هسة انكلب موضوع لغة عربية عمي احنة كل الاوصاف اللي بيهة شلعان الكلب و الاظطهاد و النحس بينة فمكموع منحوس كلهة نتقبلهة بروح رياضية بس الاخ بيرج كلنة نعرفة حريص على مشاعر الاعضاء وكلنة نعرف كلبة جبير و مصار شي كلنة اخوان
تحياتي لكل الطيبين
-
اللي ميعجبه براثن الفقر خلي يرجع لبلده
التهديدات خلصت والوضع الامني تغير
واحنه جنا نبيع فرارات من جنا زغار لان احنه عراقيين
-
السلام عليكم
شكرا للاخ صفاء على نقل الموضوع وهو وصف حقيقي لحال نسبه لابأس بها من العراقيين الموجودين هناك.
الأخت ام يلدا متحامله على السياسه الاميريكيه وتريد تطلع توطين ما اعرف شلون رح أتدبرها.
كلنا عايشين الوضعيه ونعرف شنو القصه.
تقبلوا مروري
عيني بغداد
-
العزيز زاونا – شكرا ً لك لمساندتي
الأخ صفاء الشكرجي الموضوع مفيد وفي صلب واقعنا المرير ولدي الكثير من الناس اعرفهم دخلوا امريكا ورجعوا عمان بعدين بسبب صعوبة التأقلم والمعيشة وهم عوائل وليس عزاب
عاشق تراب العراق : والله انا كنت ناوية بعد فلا ادخل ولا اشارك بس انا قلبي رجيج وما احمل حقد وهو العراق كله مسلوب ظلت على هاي؟ والا انا كنت ناوية اسويها كعدة عشاير وفصل ودي الطلي وجيب الجمس.. بس مشيتها لأن مالي خلق
عيني بغداد .. انا ماخذة توطين واموري ماشية كاعدة بس انتظر التجييك الأمني وكلشي بيد الله
أم يلدا
-
مشكور الاخ صفاء على نقل الموضوع لما به فائدة في توضيح الامور هناك وهنا استغرب من موضوع واحد, لماذا لا يرد الاخوان الموجودون في امريكا وابداء ارائهم حول هكذا مواضيع كونهم الاعلم والادرى بالوضع الاقتصادي وفرص العمل وسير الحياة بصورة عامة..والا ستكون الامور مبهمة وسنظل نبدي اراء لا تستند الى واقع بقدرما تستند الى اخبار من هنا وهناك وتقبلوا تحياتي
بغدادي
-
يعني اخواني اني بامريكا اريد استحلفكم بالله
اذا اني هسه كتبت موضوع و كلت بيه شباب الوضع مو زين بامريكا
و لا تجون شنو راح اتسون ولو فد 5 من اعضاء المنتدى نفس الشي كالوا شنو راح اتسون هم مراح تجون
فالافضل و خلال اطلاعي على معظم المواضيع الي تنتقد الحياة بامريكا تم التقليل من شئنها و عدم اخذها على محمل الجد
لانوا الكل ما عدهم غير هل الطريق يمشون بيه
يعني العدو من امامنا و البحر من ورائنا
فاني انصح كل واحد اذا طلعتهله الموافقات و كلوله سافر يسافر افضل و الاهم انوا يخلي اباله خط رجعه
يعني متعرف شنو يصير
ممكن الحظ يكعد ويا واحد ويشتغل شغله زينه اول ما يروح يمكن بالعكس واحد جاي وسنه ميشتغل
و بعد المنظمه تشيل ايده منه و تلاص عليه
اخوان الشغله الوحيدخه الي اريد اكوله انوا امريكا ما ترحم يعني احنا مصاريفنه بالعراق اذا انته بيته ملك و المملك لله على كد الاكل هنا اذا شهر تكعد بالبيت بدون شغل 1500 دولار لازم تدفعه مصاريف و انته مكايل يا الله
-
اخواني اعضاء المنتدى الموقر السالم عليكم جميعا
لا اعرف ماذا اقول تعقيبا على موضوع الاخ صفاء لكن استوقفني رد الاخت ام يلدا والرد المقابل من الاخ بيرج ولا اعرف الى متى تبقى لغه التهديد والوعيد لكل من يصرح ما بداخله من افكار او حتى يعبر او يعقب عن موضوع في هذا المنتدى الجميل فيا اخواني المراقبين والمشرفين والاعضاء جميعا رفقا بأخوانكم ولا تكونو متشنجين بالرد والتهديد المباشر بالطرد تحلو بالصبر قليلا وتعالو على انفسكم خدمتا لاخوانك المتعبين من الانتظار والضغوط النفسيه ولا تكونو انتم و الزمن وامريكا وحكومه بغداد عليهم وشكرا اخواني على سعه صدركم وعذرا على الاطاله
اخوكم البصري
-
اخي العزيز hussein5582
تحية طيبة
طبعا ان تتكلم وتكول ان الوضع بامريكا مو زين متكفي ولكن المقصود هو ان تعطي معلومات وحقائق حتى اذا كانت سلبية ولا تعجبنا المهم ان تكون حقيقة واقعة وليست تهويل او تضخيم وبالعكس اذا فدتنا بمعلوماتك وان كانت قاسية حتى نعرف ماذا ينتظرنا ولو بالحد الادنى وتقبل مروري
بغدادي