ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 11:46 07/07/2009
-
السلام عليكم اخواني ،
اليوم صديقي استلم نتيجة المحلفين وهوة كان المفروض يستلمه يوم 4-7 في عمان ولكن تم تأجيله الى اليوم والنتيجة كانت الرفض مع العلم انه مترجم عمل مع القوات الامريكية فترة اقل من سنة مما لا يسمح له بالتقديم على اي برنامج اخر وبلغني ان الجميع استلموا رفض ولم يكون هناك اي موافقة على الاطلاق ، يبدو ان الثلاثاء اصبح يوم الرفض الجديد ، الله يكون بعون اخوانه وايصبرهم
بالمناسبة سبب الرفض كان عدم المصداقية مع العلم صديقي قصته موثقه بشهادة وفاة لاخوه لن انقتل في بغداد على ايدي المليشيات ، وايضا صديقي مصاب باطلاقه في قدمه اليسرى وعنده كتاب من المستشفى العسكري الأمريكي بانه اصيب وتم عمل جراحة في هذا المستشفى الموضوع غريب جداً جداً جداً
-
لا حول ولا قوة الا بالله العلي العظيم... الله يكون بعونهم ان شاء الله يتغير الحال بالاستئناف
-
الظاهر الجماعة يريدون يجيبلهم شهادة الوفاة مالتة حتى ينطو قبول لا اله الا الله حتى البارحة بسوريا كانت احدى العوائل مرفوضة ما عدا ابنهم و السبب انه الوالد رايح للعراق و طبعا عائلة ثانية مسوين فحص و مقبولين و ابوهم يومية رايح لبغداد يعني ماكو اي اسس يستندون عليهة انت و حظك
-
تحياتي لكم
بصراحة هو الموضوع من ساسة عجيب غريب.. لأن لحد هسه ما أحد عنده أي علم في كيفية التعامل مع الملفات..
يعني مثلا ً انا شخصيا ً بيدي هاي وديت ناس قبل سنتين وثلاثة لليو أن.. ودليتهم الدرب وعلمتهم شنو يسوون وشنو يقولون وهم عوائل كبيرة .. سافروا صار سنة ونص هم في تكساس واريزونا وهسه يتصلون علي ويدعون لي لأن امورهم كلشششششش مشت وتعدل كلشي اغبر بحياتهم في عمان..
بينما انا بعدني معلقة بين السماء والارض والمصير مجهول لحد هاي اللحظة انا ما عندي ثقة بيهم على كثر ما شفت من بلاوي مصخمة!!
السؤال الي يطرح روحه:-
على يا أساس يتم القبول؟ على يا أساس يتم الرفض .. ما أحد يعرف
انا بالنهاية حسيت ان المسألة بيها مزاج.. يعني حسب الحالة النفسية للمحلف.. اذا كان ضايج تاخذ رفض بغض النظر عن تشعبات معاملتك حتى لو قال لك Good luck
واذا كان سعيد ومبسوط ومرتاح تاخذ لجوء فوري وتمشي امورك بأقل من شهرين حتى لو ما كان عندك أي خلفية تستاهل!!
أما بالنسبة لعزل ناس وناس.. انا متأكدة مية المية أن اللي يستلمون أول شي هم المقبولين .. واللي يأجلوهم هم المرفوضين.. وانا كنت متأكدة من رفض الأخ النرجس.. لكني قلت ربما يحدث أمرا ً في نهاية المطاف.. لكن صدق ظني .. هم يعزلون المقبولين عن المرفوضين لأسباب امنية وكفا ً للمشاكل!!
صدقوووووووووووووووووووووووووووووووووووووووووني
هاي امريكا ما عدها صاحب صديق ولا عدها شي يعلو على مصالحها.. فقط للعلم
أختكم
أم يلدا
-
والله اخواني تريدون الصدك وبدون زعل من احد اني بديت أؤمن بشيء اسمهة((الامريكان مصلحجية درجة اولى )) يعني الظاهر خبزتهم بالعراق انتهت وعلى هذا الاساس راح ايديحونهة كلنهة!!!!!!!!!!!!!
-
صفاء الشكرجي على بختك مروتك فدوة
جا انا صار لي من سنة 2005 أمقدمة على اليو أن يعني يجوز اكثركم خضرمة ومخضرمة من الدرجة الاولى
وين يديحونا بربك انا مالي كل رجعة للعراق بعد خلالالالالالالالالالالالاص
شوفوا لنا حل الظاهر منا ورايح كلها راح تاخذ رفض على هيجي وضعية
الله يستر
أختكم
أم يلدا
-
الله يجازيهم على لعبهم باعصاب البشر ...............
هو العراقي ناقص تلف اعصاب .....ليش هو اللي شفناه قليل ......اذا انتو رافضين من البدايه ليش هالتاخير ...........
حسبي الله ونعم الوكيل
-
يا جماعة انا معنوياتي صفر ... شنو صفر بالناقص صايرة بعد رفض اليوم لهواية ناس .......... انا باجر موعدي والمفروض كان يوم 11/7 بس قدموه وصار 8/7 ....... قللللللللللللللللللللللللق قلللللللللللللللق
-
الله واكبر.................. حسبي الله ونعم الوكيل
-
اخواني الاعزاء ان واحد من المرفوضين اليوم بس حصل معي شيء غريب وهو
نصحني الموضف الذي سلمني الظرف بعدم الاستئناف وقال لي نصيحه لله لا تستئنف لا اعرف ما الذي يقصده بعدم الاستئناف وقال ارجع الى un افضل لك اختصارا للوقت والله على ما اقوله شاهد0
اخوكم المرفوض
79 النرجس
-
الله يكون بعونكم اخوان وصبركم حسبي لله ونعم الوكيل ..........ايات
-
صحيح كلامك اخي النرجس نفس الموضوع حدث مع احد اصدقائي وكال الموضف لاتستأنف لأن موضوع امريكا ميأوس منه ارجع على اليو ان بلكي يحولوك على دولة اخرى ، واني قبل اسبوع نشرت موضوع كلت بيه ان الرفض راح يزداد وخصوصا الي محولين عن طريق ال UN والي استلموا الضرف اليوم 95% منهم تحويل من اليو ان ، بس حالتين او ثلاثة تقديم مباشر وحدة منهم رفض واثنين قيد الدراسة ، والبقية رفض ، اني دا انتضر الي يستلمون ساعة 2 اليوم وانشوف النتيجة ، بس اخي يعني انته روح على اليو ان وشوف شيكولون
-
لاحول ولاقوة الا بالله
-
و الله يا إخوان الموضوع فعلاً غريب عجيب
و أكيد الأمريكان عدهم شروط و مقومات للاجئ تختلف تماماً عن كل ما هو معلن ، و طبعاً مصلحتهم فوق كل شيء، و أكيد أيضاً أن مزاج المحلف يلعب دور بارز بالموضوع.
حسبنا الله و نعم الوكيل
المؤلم بالموضوع انه الصادق يطلع مو ثقة عدهم ، و الكذاب يسافر و يستقر ، أنا عندي 3 من أصدقائي ، عمرهم محد هددهم و لا تعرض لهم بأي سوء ، و كل قصصهم مفبركة 100% ، و هم الآن في أمريكا.
المؤلم أيضاً ، أنه الأمم المتحدة رفضت أن تحول كثير من اللاجئين إلا إلى أمريكا حصراً، و تاليها بعد الإنتظار و المعاناة و التأخير و حرق الأعصاب ، تجي النتيجة رفض.
الحمد لله على كل حال
و الله يسترنا من النتيجة ، و هي الآن بدأت تتوضح مع الأسف :(
الله يفرج الكرب عن كل اللاجئين ، يا رب.
أخوي النرجس هذا الشخص نصيحته غريبة فعلاً ، و الله ما أعرف شكلك، يجوز كلامه صحيح ، بس هذولا إخواننا الأردنيين أغلبهم مو ثقة أبداً ، فكن حذر منهم.
يمكن الأفضل أن تقدم إستئناف في الIOM ، و بعدين ترجع للأمم المتحدة كما ذكر الأخوة، و الله يقدم اللي بيه الخير.
تحياتي
-
اخوان السؤال الي يطرح نفسة شلون جانت المحلفة او المحلف وياكم يعني جانو تيسألوكم بدون استفزاز لو جانو عادين ديضحكون وكل اسألتهم برود ارجو الرد والي الثاني الي نريد نفتهمة هل اكو واحد من الي انرفضو سوة فحص طبي لو لا وشكرا
-
السلام عليكم اخواني ،
اليوم صديقي استلم نتيجة المحلفين وهوة كان المفروض يستلمه يوم 4-7 في عمان ولكن تم تأجيله الى اليوم والنتيجة كانت الرفض مع العلم انه مترجم عمل مع القوات الامريكية فترة اقل من سنة مما لا يسمح له بالتقديم على اي برنامج اخر وبلغني ان الجميع استلموا رفض ولم يكون هناك اي موافقة على الاطلاق ، يبدو ان الثلاثاء اصبح يوم الرفض الجديد ، الله يكون بعون اخوانه وايصبرهم
بالمناسبة سبب الرفض كان عدم المصداقية مع العلم صديقي قصته موثقه بشهادة وفاة لاخوه لن انقتل في بغداد على ايدي المليشيات ، وايضا صديقي مصاب باطلاقه في قدمه اليسرى وعنده كتاب من المستشفى العسكري الأمريكي بانه اصيب وتم عمل جراحة في هذا المستشفى الموضوع غريب جداً جداً جداً
اي شخص خلفيته الامنيه بيها شك ينرفض حتى لو كان اخو بوش ومنكدر نحكم على هذه الحاله بالرغم من الافضليات الي عنده لان منعرف خفايا الموضوع لان اكيد يوجد سبب جعل المحلف يتخذ هذا القرار
-
حسبنا الله ونعم الوكيل ولاحول ولاقوة الابالله العلي العظيم وحده لاشريك له..
الاخ العزيز wingo كلامك هو الوصف الدقيق للوضع الحاصل تماما..
توكلوا على الله سبحانه وتعالى وقدموا استئناف وفي نفس الوقت قدموا الى دولة اخرى ( وهذا الموضوع اطلعت عليه من خلال احد الاعضاء في المنتدى ذكر انه قدم استئناف وفي نفس الوقت قدم طلب الى دولة اخرى في اليو ان).. دعائنا من الله سبحانه وتعالى ان ييسر لكم امركم لمافيه مرضاته ويجعل لكم فيه خيرا كثيرا .. انه نعم المولى ونعم المجيب.
-
السلام عليكم ورحمة الله وبركاته انا اخوكم غريب اني صحيح انا ليس ظمن مجموعة اليوم ولاكن حزنان عليكم كثير لان كل هذه المجموعة جائها رفض ماعده كم عائلةوكان ظمن مجموعتكم شخص عزيز وغالي على قلبي كنت ادعو له ليل نهار ولاكن هذه ارادة الله سبحانه وتعاله على كل حال لاتياسو من رحمة الله ان الله على كل شي قدير عسى ان تحبو شيا وهو شرا لكم وعسى ان تكرهو شيا وهو خيرا لكم هذه ارادة الله عزوجل دعائي لكم الله يصبركم على هذه البلوة
اخوكم غريب اني
-
اخواني الاعزاء ان واحد من المرفوضين اليوم بس حصل معي شيء غريب وهو
نصحني الموضف الذي سلمني الظرف بعدم الاستئناف وقال لي نصيحه لله لا تستئنف لا اعرف ما الذي يقصده بعدم الاستئناف وقال ارجع الى un افضل لك اختصارا للوقت والله على ما اقوله شاهد0
أخي العزيز النرجس
قلوبنا جميعا ً معك ومع مجموعتك – خصوصا ً احنا وراكم وما ندري وضعنا ومصيرنا شنو
كنت اريد أن أقول لك شيء
هذا الشخص اللي نصحك ما نصحك حبا ً بيك وبالنرجس
هذا موصى من قبل المحلفين في اسداء النصيحة أو لا
وخصوصا ً هو في موقع العمل
يعني يومية يقابل ناس ويعرف الحالات كلها وصارت عنده خبرة من كثر الممارسة
-
من جانب آخر السيدة المحلفة اللي قابلتك
تقول انها رفضت 80% من اللي كانت هي مقابلتهم
هاي لو تسوون عليها حملة شكوى مثلا ً ربما تنفع
او على الأقل ما تتجرأ انها تجازف بمستقبل عراقيين يجون وراكم
لا أدري فيما لو كان واحد بيكم يعرف رواتبهم هذول أشقد
عايشين احسن عيشة ورواتبهم فوق النخل
يعني لا تتصور يجيك واحد يشعر بمعاناتك ويقدر ظروفك ويثمن تضحياتك ويشوفك اشبيك ما بيك
انا ادعي لك الله يسهل لك امورك ويوفقك لما فيه الخير والسلامة والنجاح
لك
ولكل المرفوضين والمظلومين العراقيين
أم يلدا
-
[color=black]يا جماعه والله انا البارحة شخص صديق عرفني على الموقع ..... واتشرف انه عرفت بيه كل هذه الناس الطيبة ....وحزنت للي جاهم رفض اليوم ......... وباجر اني عندي موعد استلام المغلف وطبعا معنوياتي دووووووووووون الصفر من اللي شفته اليوم بالموقع والله يستر من باجر .....مع العلم اني جان موعدي الرئيسي يوم 11/7 بس بلغوني بعد اتصالي معهم انه صار 8/7 قلللق انا والعائلة والله يسترنا من باجر ............[/color]
-
أبو أيمن ظل بالي يمكم والله
بس بصراحة الوضع كلش صار ما يطمن
وأولاً وأخيراً الأمر بيد الله
يعني يا خبر بفلوس باجر ايصير أبلاش
وحط عينك بعين الله وذبها علساطور
كلنا بنفس المركب وداعتك
أم يلدا
-
تسلمين ام يلدا ..... ذابيها على الساطور ...ومثل ما يقولون المصريين اللي مكتوب على الجبين لازم اتشوفه العين .....
-
اخي ابو ايمن
والله مو كل الي يستلم الاربعاء قيد الدرسه او قبول او اكيد مو رفض لئن لو رفض كان اليوم استلمت ويا الاخوان الي مع الاسف مرفوضين بس حبيت اكلك انو اني استلمت الاربعاء او كنت قيد الدراسه
تحياتي
-
السلام عليكم
والله يا جماعة الواحد ميعرف شيكول.
شنو هسه طلعت الناس كذابه ومتستحق توطين؟
لو هسه طلعت الناس عدها مشاكل أمنيه؟
وين جانوا لمن اعداد من الناس كذبوا عليهم وهسه همه بأميركا.
الله يسهل امر الجميع ويطمن بالهم.
تقبلوا مروري
عيني بغداد
-
الاخ jafarmaysam بعد التحية
احنا عملنا فحص مرتين و عدنة ظرف موافقة و المحلف كان كلش حباب و متعاطف معانة و بعد سنة و نص من الانتظار انطونة ظرف ثاني بالرفض بدون مقابلة اخرى مع المحلفين
-
اخت اسيل الله يكن بعونج بس ممكن اعرف انتي مقدمة من اي دولة وشوكت استلمتي الظرف وهل انت متحولة من اليو ان لو جاية مباشر على الاي او ام وشكرا
-
والله يأخوان منكول غير الله أيكون أبعونكم ويسهل أمركم
الشغلة صارت مو واضحة .. تحياتي للجميع
والله يبرد كلبكم ويساعدكم يارب .. تقديراتي
أخوكم أبن خير
-
السلام عليكم
والله مو خوش خبر والله يكون بعونهم ويساعدهم على هذه المحنه ...بس ان شاء الله الكل يقدم استئناف وينقبلون من جديد . ارجوكم اخواني ادعو لهم بالخير .
ابو انس
-
الاخ jafarmaysam بعد التحية احنا مقدمين من سوريا بتحويل من اليو ان لان ماكو تقديم مباشر هنا على الاي او ام و استلمنة اول موافقة صار سنة و نص و ظرف الرفض صار اسبوع
-
الله يصبركم يارب وتجون وتخلصون .. والله دا أقره الموضوع ودا أتذكر الايام ...
شبيدنا عليكم غير الدعااااااااااء من الرب ان يسهلها ....
ويخلصكم من كل المشاكل يا أهل ديرتي الغاليه ..... العراق ...
-
اله يقوي ويصبر كل مرفوض
وان شاء الله تنفتح امامه ابواب احسن
سلام الله معكم
اخوكم يوجد امل