ankawa
منتدى الهجرة واللجوء => الهجرة و واللاجئين => الموضوع حرر بواسطة: لوتس في 10:33 08/07/2009
-
السلام عليكم
احببت ان انقل ماحصل معي حتى يستفاد منه الاخرون , ولكي يحاولوا مساعدتي اذا امكن , قضيتي في مرحلة الموافقة الامنية , وقد اخترت ولاية انديانا لان لي زميل امريكي بالعمل يعيش هناك وقد وعدني بالمساعدة لانني كنت قد قدمت له بعض المساعدات البسيطة في العمل عندما كان يعمل في العراق .
وعندما اتصلت المنظمة التي تخص اللاجئين هناك انكر معرفته بي بالرغم انني قبل ايام قلائق ارسلت له اميل وقلت له انني اريده كفيل معنوي ولااريد اي مساعدة من ناحية مادية او سكن او شيء اخر .
بصراحة انصدمت كثيرا , اولا لانني لم اكن اتوقع هذا الشيء كونه زميل وصديق عمل , وثانيا انني لااعرف احد بهذه الولاية وكنت اامل مساعدته لي بايجاد عمل ولو بسيط وحسب علاقاته ومعارفه .
انا الان حائرة لاعرف اذا كان بامكاني تغيير الولاية , واذا احد منكم يستطيع ان يتكفلني كفالة معنوية فقط ك اكن له شاكرة , صدقوني لااريد اي مساعدات فقط توجيه وارشاد وعلى الاقل تحس ان شخص من وطنك قريب يمك تستشيرة اذا واجهتك مشكلة . وخصوصا انا امراة وسوف اسافر وحدي .
ولكم مني كل الشكر
-
الله يساعدج اختي والله لو بيدي شي جان ماقصرت
-
اختي انتي اذا مشتغله وية الامريكان شعجب ما مقدمه SIV وبهالحالة مراح تحتاجين كفيل ووين متريدين تروحين
بالنسبة للكفيل دزيتلج عالخاص عنوان منظمة ممكن يفيدج
-
اخي vincenzo
حتى برنامج IOM مايجبروك ان تنطي كفيل لكن اني بوكتها انطيت عنوان هذا الكفيل كلت ولاية تعرف بيه احد احسن من ماكو وربما يساعدني بايجاد عمل .
المهم اخي اني ردت فقط شخص يدليك , يعلمك , يعرفك على قوانين البلد , وبوكتهة من انطيت عنوان هذا الشخص ماجان عندي اي فكرة انه لازم يوقع على اوراق , اظاهر هذا الشخص خاف انه يدفع فلوس او يستظيف المكفول او يوفرة طعام مثل مامكتوب بالاوراق اللي المفروض يوفع عليه لهذا تهرب من الكفالة والله اعلم مااعرف بعد ضروفه .
-
اختي الكريمه لاتستغربي من الغرباء اني اعرف جماعة الاخت نكرة اخوها ومااتريده يجي يمه وهو صاحب عائلة وعنه بنت مريضة معوقة فعادي هاي الدنيا كلشي بيها بس لاتهتمي بسيطة ان شاء الله والدليل الاخ Birj
الله يسهل امرك
-
اختي العزيزة
عسى ان تكرهوا شيئا وهو خير لكم..انشاءالله الاخوان اللي بالمنتدى واللي ساكنين بامريكا يقدمون المعونة ومحد ايقصر انشاءالله
تحياتي
-
الاخت لوتس،،
ولايهمك واحد رفض يكفلج بامريكا،،راح تلكين 10 يكفلوج بمنتدى الهجره،،
واني اولهم،،ولو كافل عدد اشخاص،،بس هم ميخالف تدللين،،
ارسلي معلوماتج الي على الخاص؟؟؟
وارجوا من الاخوه الاعضاء الي عايشين بولاية انديانا بان يعطونا فكره عنها،،
مع خالص احترامي.
دومك سباق للخير الله يبارك بيك
اتمنالك التوفيق اختي لوتس
-
والله اخواني خجلتوني بردودكم اللطيفة وطفرت الدمعة من عيني .
انشاء الله ربنا يفتحهة عليكم ويسهل امركم يارب
-
لوتس ...
طبعا اكيد المسالة مزعجة جدا لمنا ينكر الكفيل علاقته بيج ..لكن لا تخافين ..المسالة ما تحتاج اي كفيل ...وتكدرين تكوليلهم بالملاحضات مال الاستمارة ds234 بالخانة بالورقة الاخيرة اريد اروح للولاية الفلانية واني ما عندي كفيل و خلص ..
لكن مثل ما كالو الاخوة اكو ناس خيرين هواي راح يتكفلون بالمسالة ...من المنتدى ...اني لو بامريكا جان اتكفلتج بس بعدني بالعراق وموعد سفري يوم 21 بهذا الشهر ..
دعواتي لكم بالموفقية
بلاك ووتر
-
و الله بيرج هاي مو غريبة عليك و بارك الله بيك على هاي الروح الطيبة
-
اختي لوتس لا تشلين هم الدنيا بعدها بخير 0 اذا خليت قلبت وربك هو المعين واني مستعده ان اكون كفيلة اذا تريدين راسليني على الخاص 0
-
الله يكون بعونج اختي
ولا يهمج ان شاء الله الي صار بي صالح لان احنه منعرف شنو الصالح النه ورب العباد هو الاعلم
وشفتي من خلال الردود اجاج بدال الكفيل اثنين الله يسهل طريقج اختي اتمنى لو اكدر اساعدج باكثر من الدعاء والكلمات لكن مابيدي شي ان شاء الله تفرج على كل المنتظرين وانتي منهم وترتاحين وتستقرين باذن الله
احب اشكر بيرج والاخت انجي دائما سباقين للخير جزاكم الله الصحه والخير ويسر امركم امين رب العالمين
اخوج كمال من مصر
-
الله يساعدج اختي لوتس .وان شاء الله اخوانة واخواتنة ميقصرون وياج اني ان شاء الله مسافر يوم 20|7|2009 وما عندي كفيل ولا صديق بالولاية الرح اروحلهة بس اكول يا الله واتوكل (الله موجود) مثل ما رزقنة ببلدنة يرزقنة بغير بلد والحمد لله عندي امل ابدي حياة جديدة .الله يوفق الجميع يا رب ..تحياتي للكل ..هشام
-
اختي انتي اذا مشتغله وية الامريكان شعجب ما مقدمه SIV وبهالحالة مراح تحتاجين كفيل ووين متريدين تروحين
بالنسبة للكفيل دزيتلج عالخاص عنوان منظمة ممكن يفيدج
هو سؤال هنا انا مشتغل وية الامريكان وقدمت بس مااعرف ممكن انا اختار البرنامج
بس الي اذكره من البرنامج اسمه دايركت اكسس بروكرام للعاملين مع الامريكان سالوني
بس ايضا سالوني اذا كان عندي شخص بامريكا !!
ارجو الاستفهام من الاخوة اصحاب الخبرة خصوصا اخونا عكعك ..
-
صديقي فريمان
صراحة كلشي ما افتهمت منك
بلكي توضح وانشاء الله منقصر وياك
يعني انته وين؟؟ وعلى شنو مقدم؟؟ ووين واصله شغلتك؟؟ وشنو سؤالك او مشكلتك بالضبط؟؟
-
شكرا اختي انجي والاخوان وكمال وبيرج ووبلاك ووتر وبقية الاخوان اللي ابدوا المساعدة والله فعلا الدنيا لسة بخير , وردوردكم فعلا ريحتني , الله يوفقكم ويباركلكم .
-
كلش طبيعي.....وصايرة اكثر من مرة......اذا انتي الامريكي نكر معرفته بيج..اعرف اشخاص اقاربهم كالو للمنضمه ما نكدر نستقبلهم....المهم هاي مو نهاية الكون وبسيطة كلش والاخوان الموجودين بالمنتدى ما يقصرون ان شاء الله