ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو سالم في 17:12 09/07/2009
-
السلام عليكم الاخوة والاخوات بالمنتدى الرائع
عفواَ ردت اسئل عن ولايه شيكاغو لان عندي صديقي هناك وصارله تقريباَ سنه من طلع عن طريق اليو ان من سوريا . فأني بدوري سئلته لان انطيت رقمه بالهجرة وكلتلهم ماعندي احد هناك بس صاحبي وكالو ميخالف . فالبارحه چنت احجي وياه على النت وسئلته على الشغل بالولايه بما انه بعد عمراَ طويل اذا الله سهل نسافرلها لان لحد الان ممسوي مقابله وفد وجاي افكر (بربكم هسه مو تكولون هذا تعبان من هسه جاي يفكر بالشغل وهو بعده ماواصل هناك ) المهم كلي خويه لا تعب نفسك هنا كل الناس كاعده عطاله بطاله كتله يعني شلون كال 3ايام عطاله و3ايام بطاله والجمعه عطله المسلمين كتله هاي شنو معقوله كلي اي والله والناس هنا يمكن عايشه على الفوح . والفوح طبعا الكل تعرفه يسوة من التمن يعني المي مال التمن. فمعقوله اكو هيجي شي بشيكاغو الناس ضاربها الهبري وماكو احد يشتغل
ارجو من الاخوة والاخوات الي يعرفون اي معلومه ينطوني جواب ولو بسيط واكونلكم ممنون
اخوكم ابو سالم
-
الاخ ابو سالم .....
اولا هي شيكاغو مو ولايه هي مدينه بولاية illinois العاصمه مالتهه
ثانيا هي مدينه صناعيه قبل ميصير الركود الاقتصادي كان الشغل كلش قوي بيهه بس هسه ما اعرف
ان شاء الله الاخوان اللي بامريكا يجاوبوك بتفاصيل اكثر
تقبل مروري toofy
-
شيكاغو مدينة و ليست ولاية
و هي من أعظم المدن الأمريكية و أجملها
إلا أنها في هذه الأيام من أشد المدن الأمريكية تأثراً بالأزمة الإقتصادية
و على ما يبدو فإن فرص العمل فيها محدودة
-
اخويه سالم شيكاغو من المدن الرخيصه باسعارها والايجارات زينه وجنوب شيكاغو افضل من باقي الاماكن وكما قال اخي العزيز وينكوو من أشد المدن الأمريكية تأثراً بالأزمة الإقتصادية والشغل صعب بالشهاده ولكن الاعمال البسيطه متوفره جوها بارد جدا لحد هذه اللحظه الناس تلبس جاكيتات وتوصل بالشتاء الى 30 تحت الصفر يعني اذا تريد تفتح معمل ثلج ميفيد واي سؤال عندك ممكن استفسرلك واردلك الخبر
تحياتي
-
الاخوة الاعزاء
عكعك التطوي
Wingo
toofy
شكرا جزيلا على الردود وممنون منكم حيل وبارك الله بيكم
اخوكم ابو سالم
-
اخي العزيز
لدي اقاربي في شيكاغو ويقولون الشغل متوفر وخاصة في المعامل والمنظمة هي اللي وجدت لهم العمل والساعة ب 8$ والشفت الواحد 8 ساعات وتقدر اداوم شفت ثاني وثالث اذا اردت والعطلة يومي السبت والاحد فقط مع انه اقاربي مسلمين لكن لايوجد عطلة يوم الجمعة
-
مشكورة اختي العزيزة على الرد وان شاء الله يفتحها بوجهكم
ابو سالم
-
السلام عليكم
اخويه العزيز اليوم نزلت موضوع للاخت ديما وعسى ان يفيدك .. واني مسافر لشيكاغو وانتظر مني الاخبار قريبآ .
ابو انس
-
ممنون اخويه العزيز والله يفتحها بوجهك وتكون رحله سهله عليك ان شاء الله
اخوك ابو سالم
سوريا
-
اخي خليني اكلك اولا سواء بشيكاغو قصدي النوي او بغير ولايه فالركود متواجد لكن بصوره متفاوته
بس بصوره عامه الشغل موجود مو مفقود لكن نسبه قليله لكن للاسف الي اكتشفته هنا همين اكو شغله اسمها واسطه
يعني اذا عندك جماعه يشتغلون يكدرون يدبرولك شغل لكن اذا ماكو فتقديم المعامله للشغل نايمه عليها طابووووووووووكه
مثل ماصار وياي اني لحد الان خلال اسبوعين قدمت للاكثر من 20 كان ولحد هسه اني ع الشحن ومااكول انه الله كريم
تحياتي الاشوريه