ankawa
منتدى الهجرة واللجوء => الهجرة و واللاجئين => الموضوع حرر بواسطة: alprince1980 في 20:49 09/07/2009
-
مرحبا
بس اريد مساعدتكم بالنسبة للاقامة بسوريا
اني بسوريا وكان عدنا اقامة مرضية وكل 3 اشهر انجددها والي صار انو من رحنا انجددها ما قبلوا وقالوا الامن السياسي رافظ الاقامة فقدمنا على ورقة الحماية مال (يو ان) فالعميد الي بالمرجة كمان رفضها وختمولنا مغادرة خلال اسبوع واش راح اسوي ما اعرف محتار كلش
اخواني شنو الحل اذا احد صارت ويانوا يقلي اش سوى دخيلكم
علما انو ما قدروا يدقولي المغادرة على الجواز لان بس شفت كن كتب على المعاملة مغادرة خلال اسبوع شلعت وقلتلهم ما جايب الجوازات معاي
انتظر نصائحكم حبايبي
-
اخويه العزيز موضوعك جدا مؤثر لكن تكدر ترتبها بمبلغ مالي بسيط يعني تعيد المعامله مالتك من اول وجديد وابوك الله يرحمه والله يسهل امرك
اخوك ابو سالم
-
حسبي الله عليهم
اخي كلشي بسوريا يمشي بالفلوس مثل ماكلك الاخ ابو سالم
وانشالله محلولة .. تحياتي
-
اخي مثل ماكلولك الجماعة كلشي بسوريا يمشي باليرات واذا اتريد ابقى من غير اقامة ومن تتطلع انشاء الله ادفع غرامة اني عندي صديقي اساسا صارلة 3 اسنين من غير جواز لان جوازة انباك وعايش وكاعد يطب ويطلع من غير جواز مع تحياتي اخوك جوزيف
-
اخوية اذا تريد وضع قانوني صحيح اتصل بالمحامي مال يو ان و قول له ان دائرة الاقامة ما قبلت الورقة مالكم و هم راح يخبروك شنو الاجراء اللي تعمله. و اذا تريد تختصر اللغوة و ما تتعب روحك مثل ما كالوا لك الاخوان بكم ليرة كلشي بسوريا يصير قانوني و صحيح.
-
اخوية الكريم كلش بسيطة ورق مصاري للامن السياسي حتى رئيس جمهورية اسووك
-
اخي العزيز روح لمقر اليو ان بكفر سوسة وهم يدلوك شلون تتصل بالمحامي. ارجو المعذرة لانه ما اعرف كيفية الاتصال به
-
أخوية العزيز alprince1980 أولاً لتضوج نفسك ولاتهتم ;D ;D ;D
الامر بسيط كلش لكن حقك تضوج ... حبيبي روح للمرجة واخذ جوازك وورقة الحماية وراح تلكة عرضة حجي بالباب راح يكملك الطلب وبعدين روح سوي الاشعة بباب مصلى وبعدين روح لزبلطاني علمود الإيدز ( ويمكن هاي كلهة تعرفهة ) بعدين تروح لدائرة الهجرة بدوما وراح تلكة المفوض وراح يكبرهة ويعرضهة بالبداية ( علمود تدفع مبلغ اكبر ) ولكن كلهة إنشاء الله بالزايد 1000 ليرة وإذا هاي كلهة مفادت ( وهذا شي مستحيل ) لأن بسوريا لفلوس موبس تجيب العروس وجيرانهم كذلك ... فروح لليوأن يوم الاربعاء وأطلب موعد أستشارات قانونية، ونصيحة لتظل بدون إقامة لأن بعدين يضوجوك إلا إذا طلعلك لجوء إنشاء الله ...
وعلى كل حال أطمان وحط بطنك بطيخة صيفي