ankawa
منتدى الهجرة واللجوء => الهجرة و واللاجئين => الموضوع حرر بواسطة: lisaa في 22:14 09/07/2009
-
مرحبا اخوا ن شلونكم انشالله بخير بس عندي استفسار عن الطيارة فمثلا اذا الواحد ميكدر يكعد هواية لازم يتمدد لانوا رجلي تورم ايضا بسبب مشاكل بالكلية وعندة مشاكل بالعمود الفقري يعني اكثر من 2 ساعة ميكدر يكعد فشلون 12-14 ساعة طيران؟؟؟؟؟
على الاقل هل الكراسي تكون مريحة يعني تتنزل و الرجل تصعد او لا كرسي طيارة عادي؟؟؟؟؟
مممكن الاخوان الي سافروا من سوريا يساعدوني بهاية المسألة اكون ممنونة
اختكم
lisaaaaa
-
اختي اول شي سلامتج وماعندج الا العافية
بالنسبة للطيران الطويل لازم تتحركين شوية واكيد المضيفات عدهم خبرة بهيج امراض فراح يساعدوج بالموضوع
-
شكرا اخي حيدر على الرد بس هي امي مو اني المريضة
تحياتي
-
اختى اني لكيت حالات هوايه الاي او ام مطلعين وياهم ممرض او ممرضه يساعدهم بهاي الشغلات
و بالنسبه للحركه تكدرين بكل بساطه تطلبين هالشي من المظيفه وهمه راح يساعدوج و يختارون مكان بالبدايه لان الكرسي بالسره الاول دائما المسافه بينه وبين الحايط اطول يعني تكدر الحجيه تمدد رجليه و طبعا تكدر تتمشه بين مده و مده وهذا مسموح عادي مدامت الطياره مو بوضع اقلاع او نزول
الموضوع كله ان شاء الله يتيسر و متحسون بشي و هي تقريبا 8 ساعات بالطياره على ما اذكر بس فرق التوقيت بين اوربا و امريكا يمكن تصير 14
وتكدرين تاخذيني اي شغله بسيطه لرفع الرجل تكون مخصصه لرفع الرجل تكدر تممدد رجله عليه
-
تحية طيبة .. من تجربتي وانه حين سفري كنت احتاج مساعدة طبية لابني ابلغت الاي او ام وقامو بتبليغ شركة الطيران لتوفير مستلزمات الراحة خلال السفر .. وقامو بتحقيق المطلوب .
يارب تتسهل الامور
-
لازم اتبلغون الاي او ام بهاي الحالة
وما بيها الا العافية
-
الاخت العزيزة ليزا
اول شيء نقول للوالدة انشاء ما عندج الا العافية و انشاء الله تكون سفرة مريحة. السفر من سوريا الى الولاية اللي راح تستقرون بيها 3 مراحل. المرحلة الاولى من دمشق الى احد البلدان الاوروبية قد تكون فرنسا او هنكاريا او المانيا او انكلترا و هذه حسب الخطوط الجوية اللي حجزت الاي او ام عليها و اكثر هذه الرحلات عادة ما تكون اكثر من خمس ساعات و خلالها الواحد يكدر يتمشى بالطائرة و يروج للحمام ( يعني اذا انلاصت شلون يسويها على روحه؟) ههههههههه. و بعدين المرحلة الثانية من الطيران راح تكون بعد فترة انتظار تقريبا بين 5 الى 7 ساعات بمطار الدولة الاوروبية و تقدم خلالها الاي او ام وجبة اكل و مشروب غازي او صحن فواكه حسب ما يرغب الشخص المهم هو المجموع 2 اكل و مرطبات. الطيران الثاني هو صحيح ممل لانه ذو وقت اطول لكن نوع الطائرة اكبر مخصصة لعبور المحيطات لذلك الحركة اسهل. المرحلة الاخيرة تعتمد الى اي ولاية راح تكون نقطة الوصول اكو ناس بنفس اليوم كانت رحلتهم و اكو ناس الى اليوم الثاني و في كل الاحوال لا تشيلين هم لانه الاي او ام راح يرتبون كلشي لكم. بس لسهولة الحركة داخل الطائرة من تروحين على مكتب الخطوط داخل المطار عند وزن الحقائب راح يعطوكم رقم المقاعد اطلبي من السؤول ان يخليكم معا واحدة يم الاخرى و بالطرف مو بالداخل حتى الحركة تصير سهلة. و انشاء الله توصلون بالسلامة و ما عندها الوالدة الا العافية
-
شكرا لجميع الاعضاء على الردود الطيبة وانشالله الموفقية للجميع