السلام عليكم
اخواني اخواتي الكرام .
تكلمت مع الاخت ديما من شيكاغو وشرحتلي اسعار السوق بشيكاغو .وكانت نادمه جدآ لانها اخذت معها ملابس من مصر وتكول حسن تيشرت ب5$ والجينز من 10 الى 30 $ والاحذيه (تكرمون ) من 10$ الى 30$ شي راقي واكو ب50$ و60$ بعد ارقى . واكوا محلات الحاجه ب1$ كلشي بيها , .واكوا حاجه بنص دولار وربع دولار والكيبورد يبدي من 20$ وانت صاعد والمايكات من15$ وانت صاعد . وتكول كلشي رخيص ومتوفر ..وزاروا ولمارت وشافوا اشياء رخيصه وتكول ارخص من مصر والاردن هوايه ونوعيه جيده . اما اسعار الشقق للمنطقه الساكنين بيها وهي راقيه وجيده تبدي من 700 اذا ارضي والباقي من 800$ وانت صاعد وهمه اجروا شقه غرفتين وصاله وبيها ثلاجه و طباخ وكاونترات ب865$ .. والمنظمه انطتهم اول يوم 2125$ من ظمنها ايجار شهر وتأمين شهر . وبعد 4ايام اجت موظفة المنظمه وجابت سراير ودواليب وكم حاجه . وانطتهم مصرف جيب 500$ لكل شهر والفود ستامب لعدد5 افراد 792$ ووعدتهم على الاسبوع القادم تكمل لهم بطاقة الضمان الاجتماعي . وراح يسجلون اولادهم بالمدرسه الاسبوع القادم ... وهناك كنيسه قدمت لهم مبلغ 500$ هديه لوصولهم وبعدها تقوم باعطائهم مساعدات .. وهناك الكثير من الكنائس تساعد اللاجئين . وكان لاخوانه العراقيين دور كبير بالمساعدات مشكورين . وان شاء الله اي تفاصيل جديده ازودكم بيها قريبآ .
ابو انس