ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي محتاج جواب في 14:56 10/07/2009
-
السلام عليكم
اخواني اخواتي اني اخوكم عراقي محتاج جواب اكيد تذكروني جنت حاير بين تركيا ولبنان المهم قررت الذهاب الى لبنان وعندي طلب الي يكدر ايساعدني اكون ممنون منه طول العمر
1ـ اكو احد يعرف شقة رخيصة في لبنان اتمنة يرسلي عنوانه وشكد ايجارهة علمود لمن اوصل اتوجه على العنوان على الفور وااجره واندعيلة عند رب العالمين وانشاء الله يستجاب طبعا اني شاب وبدون عائلة ومجبور على الهجرة وهل معاملة الايجار صعبة
2ـ اني اريدااجر لمدة شهر لانه خلال هذا الشهر لحدور على شغل قبل مينتهي الشهر باسبوع سوف اروح للامن العام اللبناني علمود اجدد المدة حسب ماعرفت لازم انطيهم عنوان سكني هذا الي راح ينتهي بعد اسبوع لو لازم ااجر لشهر ثاني علمود ايجددولي المدة اتمنة افتهمتوا الي اريد اوصلة
3ـ الغرامات اريد رقم يعني اشكد بالشهر بالسنة الغرامة لليمتجاوزين
4ـ بالنسبة للارقام والايميلات والفاكسات وعناوين البنايات لليوان وللمنضمات الي اتساعدنة مثل الكاريتاس منضمة الكنائس وغيرها
بصراحة هذا كل الي ينقصني من معلومات الي يكدر ايساعدني اكون ممنون منه واسف عن الازعاج
-
اخى العزيز سوف احاول ان اساعدك قدر الامكان انا اعيش فى لبنان من اكثر من سنه ونص حاليا لبنان فى موسم السياحة وكلشى غالى لكن اكو مكانات اسعارها مناسبة واغلبيتها عراقيين سوف اتصل بيهم اليوم وباجر واحاول ان ارد الك خبر على سكن مناسب وممكن تشارك السكن مع مجموعة حتى يكون الايجار عليكم جميعا مناسب وبالنسبة للسوال الثانى انت اول ما توصل اكيد تعرف لازم معك حجز فندق ورح تاخذ فيزا بالمطار لمدة شهر وخلال هذا الشهر نحاول نرتب الك السكن ومن تروح تجدد الشهر تنطى العنوان الجديد بس وراها شلون رح تدبرها مت تخلص الشهرين وبالنسبة للغرامات ماكو شى اسمه شهرى او يومى او سنوى شوكت ما تتجاوز على الاقامة المبلغ هوة خمسين الف ليرة ما يعادل 34دولار فقط بس وراها تصير ممنوع او صعبة عليك دخول الاراضى اللبنانية والسوال الرابع انطيك عنوان اليو ان بيروت الرملة البيضةبناية خاطر خلف سوبر ماركت سبينس الجناحورقم الهاتف 01849201 ورقم الفاكس 01849211 اما بالنسبة للمنظمات مثل كاريتاس او الكنائس هاى جدا سهلة ومن تجى حاول ان تتصل بى واخذك بيدى وهذا رقم الكاريتاس حاليا 01466470وانى حاضر لمساعدتك
-
بارك الله بيك أخ باسل على روح المساعده الرائعه
-
اخي باسل اني ممنون منك اكيد انت منبعك اصيل والضاهر انت عندك كمية من الشهامة عالية جدا جدا اتنمالك التوفيق الدائم بس اكو شغلتين اشوية مافتهمته
1ـ حسب معلوماتك اخي اكدر الكة شغل بي سكن مو مهم نوع الشغل لانه لازم خلال شهر لازم الكي هيجي شغل حسب معلوماتك الكة بلبنان
2ـ اكو اهواي عراقيين يشتغلون وهمة متجاوزين على المدة وبنفس الوقت امقدمين على un اكو هيجي شي
2ـ بلنسبة للغرامات الي يتجاوز مثلا اكثر من سنة على المدة يدفع 34 دولار فقط لعد الناس مخبوصة مبلغ الغرامات اهواي اشلون لحندبره ارجو التوضيح
اتمنة ان لا اكون ثكيل عليكم بصراحة اني حريص على الهجرة لانه هي الحل الوحيد الى مستقبلي ومااريد اي غلطة اتخرب كل هذا الجهد وتحياتي للجميع
وتحية خاصة للاخ البصير
-
اخي عراقي محتاج جواب اهلا و سهلا بيك في لبنان
اذا تقديمك علا الهجره لازم عندك اقامه لان من تحصل علا الفيزه لازم مقيم في لبنان
من تخلص 3 اشهر من دخولك بعد لازم تخرج من لبنان الى اي بلد وترج وتحصل علا 3 اشهر اخره
اما القامه في لبنان صعبه محتاجه امكنيه ومعارف وخاصه انت هجره لازم اوراق مضبوطه
الشغل في لبنان اخي لازم تحجينا عن وضعك مثل عند مهنا او شهاده لو شنو
اخي واذا تقديمك لجوء تختلف الشغله كليا,,,,
تحياتي لك اخوك الشذر من لبنان
-
اخي العزيز الشذر اشكر وممنون منك الي اقصدة هو اللجوء في الامم المتحدة اليو ان وبعدين انشاء الله توطين هذا الي اقصدة بس وضحلي لمن اخلص الثلاث اشهر وين اسافر اكدر احصل فيز واسافر هاي بالنسبة الي مكلفة لانه اني لحدخل الى لبنان وعندي 3500 دولار فقط هاي الصاية والصرماية علمود تتكون عدكم فكرة صدكوني اني شاغول الى درجة ماتتوقعوهة ومشتغل اهواي اما كمهنة فلا اني جان عندي مطعم بس شنو جاااان وراح كلشي وي الجان طبعا اني شاب وعندي لغة انكليزية ومثل الطماطة ارهم على كلشي ههههه يعني اني مجبور يعني مو مسالت مزاجية واتمنة الخير يعم على الجميع تحياتي للكل
-
اخي العزيز طماطه ههههههههههه
اكثر العراقين يجون الى لبنان ويقدمون الى un ويشتغلون ويعيشون الى سفرهم
واذا يردون رجعون الى العراق طيارات المالكي موجوده مجرد يروح الى السفاره
العراقيه راح يرجعوهم بدون كلش يعني بلاش/ لعد جكد يحبنه المالكي والله خلفله عليه
واذا لغت هاي الشغله بلمستقبل يرحون الى الئمن البناني ويتفع غرامه
432 دولار ودكوله مغداره خلال اسبوع ومنع 5 سنوات اذا مجاوز اكثر من سنه
ولعراقين اهنا يمشون شويه بحذر يعني موكلش خطره المهم الشخص مومشكلجي
ويكدر الشخص من يشتغل يكدر يطلع اقامه بلمستقبل لان كل فتره يصير عفاء
من الحكومه البنانيه مجرد عند كفيل وعادتن ابو الشغل يتكفلك اذا محتاجك
ومصاريف القامه يساعدوك الكريتاز و un ولدنماركيه هاي منضمه انسانيه
زين نجي الى الشغل الشاب يكدر يشتغل وعيش اهنا انشاءالله
زين نجي علا سكن وهنا المشكله اذا عزب صعبه جدا
ليش اذا سكنت مع شباب صعبه يعني مثل العسكريه يعني انت طبعك شكل وذاك طبع شكل؟وصلت؟
زين اذا سكنت وحدك لازم تفع يجار فد 200 $ واكل بلمطعم يعني بقت بكيف الواحد
زين نجي علا un لازم القصه مضبوطه تمام لان هسه مشددين شويه وانت وحضك
اذا حصلت توطين امك داعيتلك بليلت القدر . تحذير لتسالني علمده انت وحضك
تالي كفيت وفيت لو بعد اكوش والله شلعت كلبي طافيه الكهراباء ودائكتبلك
حته الشحن مل الابتوب خلص اخي العزيز اني بلخدمه وايش تحتاجه
راسلني علا المنتادى وتصبح علا الف خير اخوك الشذر من لبنان الساعه/ 15 :4 صباحا
-
حبيت اشكر كل من((( باسل بلالو))) والاخ العزيز ((( الشذر )))) على كل ماقدموه للاخ العراقي
وان شاء الله دائما هذه الروح الطيبة موجودة بينا وتبقى للابد
اخوكم ابو محمد
-
اخى العزيز انت مقرر تهاجر وحسب ما تفضلت انه الحل الوحيد الك اخطو الخطوة الاولى وتعال الى لبنان بعدين مسالة الشغل حسب التساهيل والعلاقات وبالنسبة للسوال الثانى نعم اغلب العراقيين مقمين على اليو ان ومتجاوزين على الاقامة لان اول ما يوصل يكون عنده فيزا وثانى يوم يروح يقدم ويبقى متجاوز الى ان يحصل على النتيجة ويسافر وبوكتها يدفع الغرامات وبالنسبة الى مبلغ الغرامة انى جاوبتك حسب مكعلوماتى الدقيقة لان انى تجاوزت بس فى 2006 ودفعت على كل جواز الى ولعلئلتى 50000ليرة اما اذا اختلف الان ما عندى علم ورح ابعث الك ايملى على الخاص اذا تريد معلومات اكثر وشكرا
-
السلام عليكم والله ماادري اشلون اجازيكم
الى الاخ الشذر اخي انت تستاهل كل ماهو خير الك والى عائلتك اني جدا اشكرك ويديمك الله لفعل الخير
الى الاخ باسل اخي لالا اخي اني الممنون اتمنة اتمنة من الله ان يجي اليوم واخدمك فيه الضاهر عندي خلل ابايميلي الياهو كلما اريد اضيفك مايقبل هسة احاول مرة ثانية او اسوي ايميل جديد على العموم هذا ايميلي الثاني thelife112@windowslive.com او اراسلك على الخاص
بس اريد توضيح على الكاريتاس و اليوان والدنماركية وغيرها وغيره من منضمات هل اتقدم مساعدات للشاب واكدر اعرف شنهية المساعدات يعني اتفيدني هاي المنضمات
بس اذا تكدرون ترسلولي عنوان شقة رخيصة علمود لمن اوصل راسا ااجره
والله اهواي نورتوني وسهلتوا علية اهواية امور ايسهل الله اموركم