ankawa
منتدى الهجرة واللجوء => الهجرة و واللاجئين => الموضوع حرر بواسطة: رامي سلام في 15:40 11/07/2009
-
السلام عليكم احبائى:
انى عندي طفله معوقه شلل دماغي عمرها 7 سنوات هل تحصل على راتب تقاعدي اوسكن مجاني؟؟حتى شويه تساعدنا ماديا لان امها ما مخلصه دراسه وما تكدر تشتغل ولا طكه بالانكليزي ملتهيه بامور البيت وتربية الاطفال واذا بس انى اشتغل اشراح اصير اسدد الايجار المعيشه لو راح اركض والعشاء خباز ؟
-
اخي العزيز اتنمى من الله العزيز المشافي ان يشفي بنتك ويعافيهوالله يخليك اله انشاء الله
اخويه انشاء الله راح تحصل على رعايه طبيه وتقاعد كما في المعلومات الي رسله اخونه سلاما ياعرق
تقبل مروري والشفاء العاجل انشاء الله
اخوك همر
-
ادعوا من الله الشفاء العاجل لفذه كبدك والله يجازيك على هذا الابتلاء
http://www.ankawa.com/forum/index.php/topic,317345.0.html
-
ان شاء الله الشفاء العاجل والله يساعدك وان شاء الله الاخوان ميقصرون في مساعدتك ......اختك ايات
-
انشاء الله الشفاء العاجل لابنتك ويارب تفرح بيهة وتتربة بعزك حسب ماسمعت بصراحة الي عندة اطفال تكون المساعدات احسن من الي ماعندة بينما انتة عندك طفلة مريضة فة اكيد رح تنشمل من ضمن هذة الفئة من الناس ويارب الموفقية للجيمع
-
اخي رامي سلام اكو مساعدات كثير عن طريق المنظمات وخصوصا انت عندك معاقه المنظمه تعطيك راتب وانت تكفل بنتك
-
اخوان شكرا جزيلا على اجاباتكم على سؤال الاخ رامي سلام
انا كنت بحاجه ماسه الى هذه الاجابة لان عندي صديق مقدم على IOM وهوا لديه كساح ولادي وعنده اربع اطفال معوقين نفس اصابه الاب اسال الله ان يشافيهم ويشافي كل مريض يالله
هوا الان كمل المقابله وانشاء الله راح تتم الموافقه عليه ويسافر ارجوا من الله ان يسهل له المنظمات حتى تساعده وتساعد اطفاله
-
ادعيلك اخي العزيز رامي بالصبر والايمان والله يجازيك على تربية ابنتك واولادك بالجنة ان شاء الله قبل امريكا ,, وامريكا هي بلد المساعدات الانسانية واهتما م بالاطفال وان شاء الله من توصل تحصل على مبتغاك والله المعين
اخوك ابو محمد
-
اني اشكر كل الاخوة الذين إهتموا بموضوعي و ادعوا الله ان يوفق كل عراقي شريف و غيور و بعد....
اني بس اقول كنا نتحسر و نحسد من يحصل على لجوء في دول اوربية و دول اخرى متقدمة لأن اول شئ راح يحصل على سكن مجاناً و راتباً جيداً يعيلهُ و يعل عائلتهِ اشو احنا طلعنالجوء بس حاسبيها علينا مثل خلالات العبد اتريد اتجيب الراس على الراس و ما ترهم خو نبقى بمصر صحيح ماكو شغلّ بس هم اكو مساعدات بالقطارة و تقدر ان تعيش عيشة تعبانة تأكل فول و طعمية و اذا تمرضت تقدر تحصل على علاج من الكريتاز لو تروح للصيدلية تشتريلك العلاج الذي تريده و بسهولة زين اني تمرضت بعد 8 اشهر وين اروح ؟
اروح اذب ماي وجهي و اطلب من الاخرين ؟ لا والله ما اقدر اشكد فكرت بيها روحي ما اتطاوعني طولت عليكم اخواني المعذرة تحياتي .