ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 14:09 12/07/2009
-
السلام عليكم اخواني ،
حسب المعلومات الي جمعته من صديقي الي بوزارة الخارجية ، انه وحدة من الشغلات الي تنطي المحلف ثقة بالمتقدم واتخليه ينقبل هوة اجادته للغة الأنكليزية يعني تحدثه مع المحلم مباشرة بدون مترجم ، وحبيت اعرف اذا اكو احد تحدث مع المحلف مباشرة وبالأنكليزي وبدون مترجم واجاه رفض او قيد الدراسة ، حسب ما افتهمت هاي نقطة قوية للمتقدم خصوصاً اذا كان من العالمين مع الأمريكيان لأن هذه يعطي تأكيد اما اذا استخدم مترجم فالمحلف راح يبدي يشك انه كيف يعمل مع الأمريكيان ولا يتحدث انكليزي اكو خلل بالموضوع فنصيحة للي بعدهم ما مقابلين اذا انكليزيتك زينة احجي مباشرة وين المحلف بدون مترجم .
-
شكرا جزيلا اخي على هاي المعلومات و بارك الله بيك و يا ريت احد يجاوبك و خصوصا من العاملين مع قوات التحالف كمترجمين و شكرا لهم مقدما
-
اني حجيت شويه عربي شويه انكليزي بس من المحلف يسال وافتهمه اجاوب قبل ما يترجملي
-
صديقي بوجبه شهر 11 مصر حجه انكليزي ويه المحلف بدون مترجم وهو مهندس وزوجته مهندسه ومشتغل ويه الامريكان مباشره ومو بعثي ومو بمكان حساس ومقابلته ويه المحلف طبيعيه ونرفض مع الاسف
تحياتي
-
اخي بارك الله بيك بس اخي التكلم بالانكليزي ماله علاقة بالمقابلة والعامل وغير العامل مع الامريكان اي كيس دخل محلفين هو موافقة مبدئية ويبقى هو تحقق المحلف من المصداقية واني كان معانا بالمقابلة دكتور يجيد اللغة الانكليزية وكان مترجم والمحلف قال لا افضل وجود المترجم ولي اصدقاء هو خريج امريكا ويتكلم اللغة الانكليزية بطلاقة والمحلف اصر على وجود المترجم مع العلم العراقي كان يصحح الاخطاء التي كان المترجم يقع بها ومع ذالك رفض خروج المترجم ..... واكو جماعة مثل ماقلت هو يترجم لنفسه فهو يعتمد على شخصية المحلف ورغباته وان شاء الله الموفقية للجميع .............اختك ايات
-
اخي العزيز نعم اصدقائي اثنين هم وزوجاتهم يتكلمون الانكليزيه بطلاقه وفي مقابله المحلف كلوله ما نحتاج مترجم مع العلم تقديمهم مباشر على iom وعدهم اكثر من 30 عقد مع الامريكان ومع الاسف كانت النتيجه رفص هم من مجموعه شهر 11 في مصر وبنفس الوجبه كان واحد ولا طكه انكليزي انقبل ذاك هو بامريكا تقبل مروري
همر
-
أنا هذا كان توقعي في البداية ولكن الأن أنا أظن أنه ليس لهذا الموضوع أي تأثير
أنا تكلمت مع المحلفة بشكل مباشر طوال المقابلة لأن إنكليزيتي ممتازة بفضل الله (من دون أن أطلب خروج المترجمة فقد بقيت متفرجة) إلا أنني لم أعمل مع الأمريكان في أي وقت.
و صديقي أيضاً نفس الشيء ، و بشهادة المحلفة.
و أنا و صديقي لدينا نقاط إيجابية أخرى.
و موعدنا لإستلام النتيجة يوم - الأربعاء - 15-7 !!! و ليس لدينا فحص طبي ، و يمكنكنك التكهن بنتيجتنا من الآن !!!
راح نشوف ، ولو أنا مقتنع أن هذا الأمر ليس له تأثير يذكر.
شكلك يا عيني مغرم بالتحليلات و التوقعات ;D
تحياتي
-
اخي العزيز Wingo انشاء الله نتيجتكم مقبولين او لا سامح الله قيد الدراسة ما اعتقد اكو رفض بعد خلص الرفض وزعوه
-
السلام عليكم
اشكر اخويه على هلي المعلومه بس اضن
انها مو قياس
من عمان
-
الف شكر اخي
بس مو قياس اخي همه عدهم كيس امامهم وجوابك لهم هوه المقياس للرفض لاسامح الله او القبول وان شاء الله للكل