طباعة الصفحة - جدول iom بالاكسل

منتدى الهجرة واللجوء => الهجرة و واللاجئين => الموضوع حرر بواسطة: ابو يونس في 03:14 13/07/2009

العنوان: جدول iom بالاكسل
أرسل بواسطة: ابو يونس في 03:14 13/07/2009

اهلا اخوان قبل فترة نزلت موضوع سويت جدول ببرنامج اكسل بيه تواريخ المقابلات والنتائج مال الiom طبعا الجدول كلش تعبت بي وكلش مفيد بس مثل مايكولون يد واحدة لا تصفق فعندي طلب من الطيبين ان كل واحد يكدر يضيف اسمه او يعدل بالجدول للاحسن ويحمل من جديد بنفس الموضوع حتى يكون دائما محدث ومفيد للكل وطبعا الخطوات كلش سهله وبسيطه وما تاخذ اي وقت اهم شي منزل اوفيس عندك بالكمبيوتر ويكون عندك برنامج اكسل حمل الملحق اللي بالاسفل عندك بالكمبيوتر (طبعا اخوان انتبهو لموضوع الفايروسات مال الكمبيوتر لازم يكون عندك انتي فايروس ) افتح الجدول وتلكى خانات لكل دولة وبيها عواميد تمثل المراحل للمقابلات والنتائج واسطر بيها اسماء اعضاء عنكاوا ضيف اسمك المستعار اللي بالمنتدى وتواريخ المقابلات والنتائج وحمل من جديد بنفس الموضوع واللي يشوفها صعبه بس يكتب التواريخ بشكل عادي بالموضوع واني اضيفها للجدول ما كو مشكله حتى ما تعبه .......تحياتي

ملاحظة :حملو اخر جدول بالردود يعني اللي بالاسفل مو شرط يكون محدث اخر رد يكون احدث جدول

العنوان: رد: جدول iom بالاكسل
أرسل بواسطة: abo_ayman في 04:51 13/07/2009

السلام عليكم .......... شلونك اخوية ابو يونس ..... اني عدلت على الجدول ورتبته وياريتك اتشوفه واتشوف شلون صار واذا عجبك اعطيني خبر واذا عندك اي تعديل عليه اعطيني ملاحظاتك واني حاضر ....... دعواتك الي لان بعد 3 ساعات استلام الظرف

أبو أيمن - عمان

العنوان: رد: جدول iom بالاكسل
أرسل بواسطة: ابو يونس في 06:15 13/07/2009

عاشت ايدك ابو ايمن الورد كلش حلو و توب بس حبيت اسوي اضافة لونت الدول حتى تبين ويراد نضيف لبنان للدول والكلمه مال صفحة 1 ممكن تنشال؟ ...خلف الله عليك وانشاء الله يارب موفق وتستلم الموافقة وتفرحنا .......واخويه برايا النا الشرف تكون ويانا بالجدول وانشاء الله ما تظل ولا وحدة وتجي الامنية وتسافر وتفرحنا .......تحياتي

العنوان: رد: جدول iom بالاكسل
أرسل بواسطة: AbU-SaRa في 08:20 13/07/2009

عاشت أيدك ومشكور يا وردة ...

العنوان: رد: جدول iom بالاكسل
أرسل بواسطة: عاشـق الصمت في 08:48 13/07/2009

موضوع مفيد وارجو من الاخوه الاداريين التثبيت

تحياتي

العنوان: رد: جدول iom بالاكسل
أرسل بواسطة: Vet2009 في 09:07 13/07/2009

شكرا لك ابو يونس على ادراج ملفنا ضمن القائمة

vet2009

العنوان: رد: جدول iom بالاكسل
أرسل بواسطة: toofy في 10:02 13/07/2009

اخويه العزيز ابو يونس الورده
عاشت ايدك على هالجدول الحلو بس حاسبتي مدترضى تعدل عالجدول مدري اني مداعرف :-[ :-[
يا ريت انته تضيفني على جماعة الاردن
مقابله اولى 18/3
مقابلة ثانيه 16/4
مقابلة محلفين 28/5
استلام النتيجه 11/7
الموافقه لسه مكتتش يا فندم
السفر بس الله يعلم
مع تقديري لجهودك على هالجدول الحلو
تحياتي toofy من عمان

العنوان: رد: جدول iom بالاكسل
أرسل بواسطة: zain 2009 في 10:32 13/07/2009

اخي ابو يونس نشكرك على هذا المجهود لفائدة اخواننا واخواتنا الاعزاء

احب انوه انه يوجد موضوع مشابه لهذا الموضوع
ويتم تحديث المعلومات من خلال المشاركات الموجودة للأعضاء
لذلك توجد الكثير من المعلومات التي لم اجدها في هذا الملف
وحسب تصوري يكون من خلال المشاركات افضل من تنزيلها وتحميلها من قبل الاعضاء
وهذا الرابط
http://www.ankawa.com/forum/index.php/topic,260468.0.html

تقبل مداخلتي وتمنياتي لك بالتوفيق

تحياتىىىى

العنوان: رد: جدول iom بالاكسل
أرسل بواسطة: ابو يونس في 11:21 13/07/2009

vet2009شون نكدر نسوي جدول وانته ما موجود تدلل حبي ....اخويه toofy تدلل حبيب ضفتك للجدول مال الاردن ....اخي احمد هذا الجدول موجود وهذا موجود الفرق ذاك بي ردود والدول قسم مذكور قسم لا ومداخلة بيناتها بحيث الواحد يتيه هذا جدول منظم ومرتب وينطيك الخلاصة وكل دوله على حده وياريت تكول على المعلومات اللي ما لكيته بهالجدول يمكن نستفاد ونسوي تعديل و انته اذا ما تريد تضيف نفسك للجدول براحتك والموضوعين موجودين ويا هو الاسهل عليك والاكثر فائدة روح عليه احنا شنريد غير الخير لاخوتنا .......تحياتي

العنوان: رد: جدول iom بالاكسل
أرسل بواسطة: دانةزيونة في 11:33 13/07/2009

عاشت ايدك على المجهود الكبير الذي قمت به وتسلم اخوية العزيز والله عمل كلش حلو وبي فائدة للجميع الله يسهلك ويسهل علينة كلنة انشاءالله اختك دانة

العنوان: رد: جدول iom بالاكسل
أرسل بواسطة: ابو يونس في 23:49 13/07/2009

وايدك دانةو اخويه ابو ايمن هم ما قصر رتب الجدول بشكل كلش حلو وسلس ومفيد الشغلة انو احنا مشكلتنا الرئيسية هي الانتظار ومن واحد من الاخوان يكتب تجربتة بالمواعيد ينطي فد تخمين على الفترة اللي نحتاجها لكي نصبر وننتظر وهي ترويح للنفس من المعاناة مال الانتظار والملل وانشاء الله يارب كلنا نخلص ونستقر ونرتاح وتصير سوالف وذكريات .........تحياتي

العنوان: رد: جدول iom بالاكسل
أرسل بواسطة: ابو عراق في 01:48 14/07/2009

اخوية ابو يونس ممكن سوال اذا اتصلو المفوضية علئ طلب معلومات عن حياتك هل هو هذا معناتها توطين
ردلي رحمة الوالديك اخوك ابو عراق

العنوان: رد: جدول iom بالاكسل
أرسل بواسطة: ابو يونس في 02:08 14/07/2009

هلا بيك اخويه ابو عراق انشاء الله خير اللي اعرفه هم دا يدرسون ملفات العراقيين ودا يحولوها انشاء الله تكون انته منهم انته هم لا تسكت دا ئما اكتب طلبات توطين ببلد ثالث واشرح ظروفك الصعبه ودزها بالايميل مال المفوضية بالدولة اللي انته بيها او بالمقر مالتهم يعني لح عليهم انشاء الله تجيب نتيجه سريعة .....بس هي خوش بشارة انشاء يتصلون بيك قريبا على توطين

العنوان: رد: جدول iom بالاكسل
أرسل بواسطة: بغداد1975 في 23:29 14/07/2009

مساءالخير
معاكم بغداد 1975 ضفت نفسي بس اشو مينضاف
اني قابلت 12/12/2008 اول مقابله
16/12/2008 المقابله الثانية
المحلفين 15/3/2009
موافقه المحلف 20/5/2009
الامنية وحده طلعت الاخوية وبقينا احنا 3
اتمنى تخليني بالجدول
اختكم بغداد 1975 من مصر

العنوان: رد: جدول iom بالاكسل
أرسل بواسطة: ابو يونس في 00:34 15/07/2009

اختنا بغداد 1975 ضفتك للجدول وانشاء الله يوم اللي نضيف موعد السفر مالتك انتي والعائلة

العنوان: رد: جدول iom بالاكسل
أرسل بواسطة: لوتس في 09:49 15/07/2009

اخي اني مقابلتي الاولى كانت بيوم 7/2/2009 والثانة كانت 3/6/ 2009 ودزولي قبل عشرة ايام رسالة يكولولي لسة ماباتين بموضوعج

شكرا لكم

لوتس

العنوان: رد: جدول iom بالاكسل
أرسل بواسطة: ابو يونس في 11:20 15/07/2009

اخت لوتس ممكن اعرف انتي وين باي دوله ؟؟؟؟؟ وانشاء الله ياربي الموافقة قريبا وتفرحينا

العنوان: رد: جدول iom بالاكسل
أرسل بواسطة: GSMsystem في 12:50 15/07/2009

عاشت ايديك اخوية ابو يونس ... اني يمكن راح تشوف الجدول عندي غريب شوية لان بي معلومات اكثر منكم لاني ولله الحمد للمرة الثانية اقابل المحلفين قابلت سنة 2008 وهسة هم قابلت

العنوان: رد: جدول iom بالاكسل
أرسل بواسطة: لوتس في 14:32 15/07/2009

الاخ ابو يونس

اني مقدمة من بغداد

تحياتي

لوتس

العنوان: رد: جدول iom بالاكسل
أرسل بواسطة: aladdin في 15:12 15/07/2009

يابة ارجو أن تقبلوني كعضو جديد في موقعكم المفيد هذا . أني درجت تواريخي في هذا الجدول واللي راح يشوفها راح شوية يتعجب , لأنه راح يكتشف أنه أني صارلي مايقارب السنتين طابك على السرة أذا حسبنا من وكت التقديم على اليو أن , ومع ذلك فأني صابر وأريد أشوف تاليتها .

العنوان: رد: جدول iom بالاكسل
أرسل بواسطة: ابو يونس في 23:53 15/07/2009

اختي لوتس ضفتك للجدول وانشاء الله الموافقة قريبا اخي GSMsystem عاشت ايدك انته والاخ علاء الدين لان انتو اول اثنين تنطون امل للمرفوضين بالمقابلة الاولى وانقبلو بالمقابلة الثانيه انشاء الله السفر قريب

العنوان: رد: جدول iom بالاكسل
أرسل بواسطة: Wingo في 01:34 16/07/2009

شكراً عيني أبو يونس على جهودك
أنا أضفت معلوماتي
و لو أنا الآن وضعي قيد الدراسة بإنتظار ان يبت المحلف في القرار

و للعلم أنا متحول إعادة التوطين من الUNHCR و تاريخ المقابلة 14-1-2009 في عمان ، الأردن.
أدعولنا

تحياتي
Wingo من الأردن

العنوان: رد: جدول iom بالاكسل
أرسل بواسطة: roea في 03:33 16/07/2009

أخوية أبو يونس المحترم

شكرا لك على الموضوع و تسلم أيدك أني ضفت معلوماتي و غيرت مكان أختي الحلاوية من مصر الى الاردن لأنها هنا بالاردن و كانت مقابلتنا ويا المحلفة بنفس اليوم و أستلامنا للظرف هم جان بنفس اليوم أني و هي ;D

علما أني محولة من الـ UN

تأريخ تسجيلي في الـ يو أن 17\10\2007
تأريخ تجديدي للفايل في الـ يو أن 2\2\2009
مقابلة حماية أولى 4\3\2009
مقابلة حماية ثانية 29\3\2009
مقابلة التوطين 20\4\2009
الفحص الطبي كان يوم 13\7\2009

رويـــــة \ عـــمان

العنوان: رد: جدول iom بالاكسل
أرسل بواسطة: ابو يونس في 02:34 19/07/2009

ولو اتاخرت بالرد لان كنت شويه مشغول انشاءالله موافقة اخي وينكو واختي رويا شكرا لان نقلتي اختنا الحلاويه وياك للاردن وعلى الخير اكمالك الفحص الطبي وانشاء الله موافقة امنية سريعة

العنوان: رد: جدول iom بالاكسل
أرسل بواسطة: good sniper في 02:49 19/07/2009

عاشت الايادي اخوية العزيز ابو يونس مجهود تشكر عليه ربي يوفقك ويسهل امرك

اخوك ابو فهمي

العنوان: رد: جدول iom بالاكسل
أرسل بواسطة: Vet2009 في 08:26 19/07/2009

ابو يونس .... السلام عليكم

هل نحن من علينا ان نعدل على الجدول او انك الذي ستعمل على تجميع البيانات و اعادة تعديل الملف ؟ و اقترح اضافة فقرة تحديد الولاية او الاتصال بالكفيل الى الجدول لكي يكون متكاملا . لتعم الفائدة على الجميع.

vet2009

العنوان: رد: جدول iom بالاكسل
أرسل بواسطة: ابو يونس في 23:06 19/07/2009

وايدك اخوية ابو فهمي انشاء الله يوم تضيف موعد سفرك
عليكم السلام هلو vet2009 اي عيني انتو اللي تعدلون الجدول وتحملو من جديد بالرد مالتكم واعتقد اهم المراحل هي الامنية والمحلفين والباقي روتين ما يتاخر