ankawa
منتدى الهجرة واللجوء => الهجرة و واللاجئين => الموضوع حرر بواسطة: Boney M في 13:45 13/07/2009
-
تحياتي لكل من يقرأ موضوعي. أنا عضو جديد في هذا المنتدى الرائع.
أرجو إفادتي ومساعدتي لأنني قلق جداً جداً. فقد قابلت المحلفين الأميركان مع العائلة في 26/6 وقد أخذوا بصمات أصابعي العشرة وبصمات أصابع زوجتي كذلك كما صورونا كل على إنفراد بما فيهم ولدي وابنتي وجعلونا نوقع على تعهد بإحترام قوانين الولايات المتحدة وإقرار بأننا ليس لدينا كفيل في أمريكا. وبعد الإنتهاء من المقابلة أبلغونا بأنهم سوف يتصلون في بداية الشهر السابع وتحديداً في أول خمسة أيام ليعطونا النتيحة سواء سلبية أو إيجابية. المشكلة أنهم لم يتصلوا لحد هذه اللحظة.
فأرجو من كل من لديه خبرة بالموضوع أن يفيدني ويخلصني من كثرة التفكير. وهل أن جميع من قابلوا المحلفين جرى معهم نفس الإجراءات (أي أخذ البصمات والتعهد والإقرار)؟
-
أهلا ً وسهلا ً بيك أخي - اختي بوني أم
اخوية طبعا كل شخص يقابل المحلف لازم ياخذون بصمات وصور – وهاي مو مشكلة كبيرة
اذا لحد هسه ما اتصلوا عليك انت اتصل عليكم وقول لهم هذا الكلام بس انت ما ذكرت انت بيا دولة حتى نفيدك
أم يلدا
-
انت من مصر ............هل اتصلوا بكم على موعد الفحص الطبي؟
ممكن التوضيح اكثر ؟
-
الأخوة أم يلدا و ماستر أشكركم جداً على الردود و الله يوفقكم.
آني بالكويت والحقيقة صارلي سنتين مقدم على اللجوء عن طريق الأمم المتحدة.
-
وأحب أضيف شي ثاني هو أن المحلفين طلبوا منا عدم الإتصال بمكتب الأمم المتحدة وكان هذا قبل إجراء المقابلة. ولحد الآن نحن بالإنتظار. فما هو رأيكم؟؟؟
-
اخي ممكن توضحنا بالكويت مقيم لو لاجئ ؟
ممكنو توضحنا دور الامم المتحدة في الكويت باتجاه العراقيين ؟؟
هل يوجد عراقيين مضطهدين في الكويت ؟؟؟
اعتقد انت اول حلة عراقية كويتية !!!
-
اخويه الكريم انته من الاخوه البدون ام مقيم عراقي الجنسيه ؟؟؟؟؟؟؟؟؟؟؟
-
أشكرك أخوية/أختي (مهاجرين بلا حدود).
آني بالكويت بدون إقامة لأن إقامتنا كانت زيارة وانتهت من زماااااااااااااان (يهني ماكلين هوة من زمااااااااان).
-
يا جماعة آني عراقي بس أريد أحد يقوللي آني بيا مرحلة من مراحل المسخمة؟؟؟؟
-
أخوية انت بمرحلة انتظار موافقة المحلف+ انتظار الموافقة الأمنية واذا بعدك مامسوي فحص طبي هم لازم تنتظر تحديد موعد اله ويتضمن فحص اشعه وفحص سريري ودم وهاي اجراءات روتينيه الصور او التوقيع على 'اقوالنا' عادي ومن ضمن اقوالنا كان أحترام القوانين الامريكية
-
حالة نادرة بصراحة
أول مرة بحياتي اسمع مكتب أمم متحدة بالكويت
وأول مرة أسمع اكو لاجئ بالكوووووووووووويت
وأول مرة أدري أكو محلفين فوق هذا الضيم
أشووووووووووووووووووووووووووووف بصولة الفرسان الكويت سدت حدودها على البصرة
اثاري الشغلة مسدود بابها من أولها
بس السؤال اللي يطرح روحه
اذا كان دخول العراقيين كلاجئين للكويت ممنوع من قبل الحكومة الكويتية – ليش اكو مكتب هجرة؟؟ ومنو اللي يديره اذا كان عدد العراقيين اللاجئين قليل قليل جدا؟؟
المهم اخوية بوني ام انا شرحت لك اللي اعرفه واتمنى اني قدرت اساعدك
أم يلدا – عمان الأردن – في انتظار التجييك الأمني
-
أشكرك عزيزي Shebo على الرد. أشو الجماعة بس كلتلهم آني بالكويت الكل انطاها اللهيب وعافوني ألوبح وحدي. يمعودين ترة أخوكم وعائلته ماكلين تبن بس الله يعرف شلون.
ٍالمهم آني اللي كالولي عنه المحلفين أنه إذا ما اتصلوا ببداية الشهر السابع يعني هذا شي زين. أرجوكم تفسرولي شنو يعني (شي زين).
-
أم يلدا: ترة العراقي مو بس بسوريا أو مصر أو الأردن طايح حظه (أرجو المعذرة على التعبير) ترة العراقيين اللي موجودين هنا واللي عددهم قليل جداً جداً حالتهم مو أحسن من غيرهم (هذا قدرنا إحنا العراقيين).
وآني ما كلت الأمم المتحدة اللي بالكويت لأن اللي قدمنا منها هي مال السعودية.
-
أخوية انت عراقي ونشرف بيك محد عايفك هاي بس فترة غده تدري لاجي بس أكل ونوم واخوك أعزب ماعنده وقت محدد لا للأكل ولالنوم حرية ههههه لمهم نرجع لموضوعنه بلنسبه للمحلف يتخذ القرار بنفس ليوم لقابلكم بي بعد ما خلص كعدته وياكم اما اذا متصلنا بيكم بشهر لسابع هاي مجرد تصبيره حسب اعتقادي
-
ألف عافية عزيزي Shebo. مرة ثانية أشكرك على الرد. بصراحة ما افتهمت شنو تعني بالتصبيرة. وأحب أسألك بعد أنه آني قلق لأن المحلف سألني إذا كان أكو أحد ماخذ بصمات إيدك العشرة جاوبته نعم وشرحتله أنه كان عندي جواز ضايع بسنة ال 99 ولما ردت أطلع جواز بدل ضائع بال 2000 طلبوا مني جوازات الرصافة أن اسوي طبع أصابع وسويتها بساحة التحريات وبعد هذا طلعولي بدل ضائع. وحقيقة آني أثناء بحثي في هذا المنتدى وجدت موضوع أو أكثر يذكر أنه هذا مو بصالح المتقدم للجوء. فما هو رأيك؟
-
الله يعافيك أخوية يعني يصبروك حت لاتلح بلاتصالات ويخلصون الاجراءات على نار هادئه والله اعلم بعد هذا شغلهم ويجوز عدهم اجراءات تختلف عن الاي او ام
اما بلنسبه لسؤاله على العشر بصمات فمجرد يريد يعرف الك سوابق بلسجون او مسوي جريمه لان حسب لاعرفه محد يأخذون منه عشر بصمات اله اذا هيج فأذا حالتك بسبب ضياع جواز وشرحتله بصوره واضحه ان شاء الله ماكو مشكله
-
و تعتقد أنه راح يعتمد على شرحي و بس. ليش هم ما يعرفون أنه هذي هي إجراءات الداخلية بذاك الزمن؟ وبعدين أكو حالات تأخذ الدول فيها البصمات العشرة لغير المتهمين بجرائم فمثلاً دول الخليج تاخذ بصمات الأصابع العشرة للمقيمين. فهل من المعقول أن لا يعرفوا بمثل هذه الإجراءات؟؟؟؟
-
شيبو عزيزي
والله ضحكتنييييييييييييييييي
انا حسبالي بس انا بهاي العيشة لا وقت للنوم ولا وقت للأكل
يعني انا هاي الفترة فعلا ً حرية بلا أي ارتباطات والتزامات
يلا الظاهر كلنا على نفس الحالة بس انا ما ادري بيكم
أم يلدا – مترجمة - عمان الأردن – في انتظار التجييك الأمني
-
بوني أم
ولو ما تدري اشقد اعز هاي الفرقة أيام الشباب قبلما اجي عمان وأشيب
عزيزي يا ريت تكتب لنا قصتك كلها اشلون طلعت من العراق ووين قدمت لأن هسه انت تقول من السعودية؟
وراح نرجع لنفس السؤال وباقي الاسئلة
فأنت اختصر الوقت وأكتب لنا كل التفاصيل بالتواريخ والعناوين وباقي الاحداث حتى نقدر نشارك وياك ونشعر بقضيتك ونفهم قصتك
أم يلدا – مترجمة - عمان الأردن – في انتظار التجييك الأمني
-
طبعا أخوية هم راح يفرون بصماتك بكل لدول لرايحلها مو معناها هو راح يكتفي بسؤال بس حت يشوفون تطابق بين صحة كلامك ولكتشفوه وانت وضحتلهم وعادي لتقلق نفسك وكلشي يعرفون لتخاف
-
أم يلدا: قصتي قصة طويلة وما أعتقد راح تفيدك بشي إذا عرفتي تفاصيلها (ولو هذي أشياء شخصية)... المهم آني قدمت عن طريق مكتب السعودية من قبل سنتين مثل ما كلت والمحلفين قابلونا بالكويت بنهاية شهر 6. وللآن نحن ننتظر مكالمتهم.
الأخ Shebo الله يريح بالك لأن آني كنت قلق جداً بخصوص البصمات. فما دام يتأكدون من أقوالنا هذا شي يطمئن.
-
عن أذن أخويه صاحب الملك العفو صاحب الموضوع
أختي ام يلدا شنسوي كلنا على هلدرب بس أختي لكنيشه حفظتها علغيب مال توقيعج لابكل رد تخليها فدوههههه
داشاقه وياج اختي
تحياتي
شيبو- برمجه- القاهرة- مصر- انتظار الختم الملكي
-
اخي الله يساعدك في اي مكان كنت بما انه انت قابلت فبداية جيد والاخوان شيبو وام يلدا ماقصروا وان شاء الله يتصلون بيك قريبا بس الصبر مطلوب ......اختك ايات
-
اختيالعزيزه ام يلده . لا تحرجين الريال مايبي ايكلمج بشي
ربي ايوفقج وتحصلين على الموافقه الامنيه . كولي امين
-
عزيزي بو ني ام مثل ماكالولك الجماعة الاخت ام يلدا وشيبو الله يوفقهم انشاء الله وتتطلع الموافقة مال ام يلدا ونفرح والله اهلهل واطش ويهلية بس تتطلع اقامتج المهم حبي البصمات كلنا سئلونة عليهة وباي دولة اتروح اتقدم فهذا نفس حجي المحلفيين كلهم نفس الكليسة بس لتخاف همة كلشي ايعرفون وماكو اشكال اذا بصمت على جواز او معاملة رسمية بس اذا عليك قضية او سجن او محكومية فهذا رح اتاثر عليك بصورة سلبية واذا ماتصلو بيك انتة اتصل لان ماكو منضمة متسمح للي مقدمين لجوء عليها بعدم الاتصال وهلشي اني اول مرة اسمعة عموما اتصل بيهم او روحلهم واسئل عن الموافقة لان هذا من حقك ويارب الموفقية للجميع بدون استثناء وع فكرة اول مرة اسمع اكو منضمة بالكويت والسعودية واذا انتة بالكويت اشون قدمت على السعودية وشون قابلوك بالكويت ترة انتة فريت راسي فر مع احترامي الك ??? ??? ???
تقبلو مروري اخوكم جوزيف
-
ترة اني كمت اسحك واشخبط شنو اقامتج وشنو كليسة ??? :-[ ميخالف عدوهة الي شباب وبنات الله عليكم لضحكون علية بس والله الريال فر راسي فر واني اصلا نعسان وفاصل عن الخدمة :o :o
-
هههههههه عاشت ايدك أخوية جوزيف بلعكس كفيت ووفيت يابطل
-
هيه بالنسبه للمنضمات الانسانيه بكل مكان واذا بالكويت او بالسعوديه بس المفروض العدد قليل الي يقدمون عن طريق الكويت ولازم تمشي اوراقهم اسرع على العموم اخونا بوني انشالله تسهل امورك وحاول تتصل عليهم وتاخذ منهم النتيجه وانشالله تفرج عليك يارب
-
حبايبي أشكركم على مشاركاتكم وأدعيلكم بالتوفيق جميعاً وإنشاء الله كلكم تطلعلكم الموافقة (بدون إستثناء) وترتاحون - آمين.
أعزائي ترة لا تتعجبون من وجود عراقيين بالكويت ولو العدد قليل بس موجودين وغالبيتنا عدنة صلة قرابة هنا وهذا معروف للكل. وأحب أكول أنه معظم العراقيين (إذا مو كلهم) مقدمين إما على لجوء أو هجرة لأن مثل ما تعرفون المكان مو مال استقرار للعراقي. واللي ما يدري أكو مكتب UNHCR بالكويت فخلي يعرف أنه حتى موجود IOM وإذا تدخلون على مواقعهم بالإنترنت راح تتأكدون من أنه كلامي صحيح.
على كل حال آني يمكن أثرت عد زوار الموقع بعض الإستغراب بس ما كنت متوقع أنه الموضوع راح يثير استغرابي آني شخصياً :o. فالأخت أم يلدا (الله يعجل لها الفرج) راحت شوية بعيد ورادت مني أن احجيلها قصتي من طأطأ لسلام وعليكم وبالتواريخ!!! فاعتذرت لأن برأيي أنه هذي أشياء شخصية وما راح تفيد اللي يريد ينطيني رأيه بمشكلتي وثانياً ظوبط موقع عنكاوة نفسها تحذر من هالشي. بعدها ما جاوبتني على شي.
واللي راح يصجمني بلهجة كويتية. عمي ترة آني مو رايح بجزر الواق واق لو نايم بالعسل. ومثلما كل واحد من الأخوة والأخوات الكرام تضرر من العراق ترة أخوكم هوااااااااااااااية تضرر. ومثلما كل واحد منكم شافلة زاغور وطب بي ينتظر الخلاص ترة آني مو حالة شاذة. بس هاي مشكلتنا إحنا العراقيين (وطبعاً مو الكل) إيدنا بالماعون وعيوننا على حلوك الناس حتى لو الناس كاعد تاكل هوة. :'(
يعني تريدون تقنعوني أنه الزعران بالأردن لو بسوريا قدموا للعراقي يد العون والمساعدة!!!!
كلكم تعرفون أنه العراقي بصورة عامة ينظر له نظرة إزدراء من كل العربان. وكلكم تعرفون كلش زين أنه حتى الأمريكان اللي صفقنالهم بالبداية تخلوا عن العراقي فهل ستكون الدول الأخرى حالة اسثنائية؟؟؟؟؟
أما عن أنه آني فريت راس الأخ الحبيب جوزيف العراقي :) فآني أعتذرله أشد الإعتذار وأحب أكولة أنه ال UNHCR بالكويت بس يستقبلون الطلبات ويرسلوها للمكتب الإقليمي اللي بالرياض وهناك يدرسون الحالات ويجي وفد منهم لمقابلة المتقدمين وهذا اللي صار ويانة (وللعلم أعرف عائلة يجون بين فترة وأخرى للكويت من العراق لغرض استكمال إجراءات مقابلاتهم لما يطلب المكتب منهم الحظور - شلون يدخلون وشلون قدموا لا تسألوني عنها لأن آني مثلكم ما أعرف بس حبيت أذكرلكم أنه أكو أشياء تصير لا على بال ولا خاطر أي واحد منا).
وقبل ما يسوون ويانة المقابلة طلب منا المحلف عدم الإتصال بالمكتب (وأكد على هذا الشي) لحين ما يتصلون همة بينة. فبصراحة لازم شوية الواحد يلتزم خاف يسمعله حجاية ثقيلة (مثل ما سمعناها قبل) أو أي شي يأثر على القضية. ويبدولي أنه المكتب منزعج من الإتصالات قبل.
أما أنه بالكويت تصير الحالات أسرع فما أعتقد يا أخي العزيز أبو خالد لأن كاعد أشوف أنه هواية حالات بسوريا والأردن طلعت موافقاتهم بسرعة (طبعاً عرفت هذا من خلال موقع عنكاوة) أما حالتي فصارلي أكثر من سنتين من قدمت والمدة بين مقابلة وأخرى متفاوتة بس مو أقل من 8 أشهر.
أما بخصوص البصمات فآني شرحت قبل أنه بسنة 99 ضاع جوازي فلما جيت أريد أسافر بال 2000 طلبوا مني الجوازات أن أسوي عدة إجراءات منها بلاغ شرطة ونشر بالجريدة وبصمات بساحة التحريات (والله ليهسة أتذكر شلون صبغوا إيدي بمادة مثل الزفت الأسود وأخذوا بصماتي وبقت إيدي يوم كامل سودة ما أكدر ألزم بيها شي لأن كلما ألزم شي يتسخم حتى ستيرن سيارتي صار أسود) والحمد لله طلعت الجواز وسافرت. يعني باختصار أريد أكول بالله عليكم هو خريج السجون لو المحكوم ما يعرف بحالته ومصير قضيته حتى يضيع وقته وجهده بانتظار أن يطرح الأمريكان زواج ؟؟؟؟؟؟؟؟ :D
أتمنى الخير للكل والله وما تعرفون شلون أفرح لمن أشوف عراقي حصل على الموافقة أو سافر إلى أي مكان يرتاح بيه.
تحياتي وعذراً على الإطالة.