ankawa
منتدى الهجرة واللجوء => الهجرة و واللاجئين => الموضوع حرر بواسطة: nightmoon78 في 14:19 13/07/2009
-
اصدقائي الاعزاء شكرا اولا على الرد...............
ثانيا انا قدمت اوراقي على iom في بغداد وقد جريت مقابلة اولى ومقابلة ثانية .... والان منتظر موعد الفحص الطبي ...........
ولدي اصدقاء كانو يعملون معي وقد سبقوني هناك الى حد امس من تاريخ اليوم اتصل فية صديقي وكان جدا مستاء للوضع هناك بينما انا متزوج ولديه بنت وولد وهو اعزب حيث يقول ويشكي من عدم وجود عمل بينما انا رتبت وضعي ومهيئ 100% للذهاب الى هناك مع العلم زوجتي غير مقتنعى من السفر ............رغم ذللك انا اريد منكم النصيحه وانا مهتم باجابتكم مع العلم والله انا خائف ومحتار كيف وانا معي عائلتي واطفالي اريد منكم النصيحه راجاء وخصوصا اللي في امريكا السوؤال عن الولايه التي تكون الافضل لي ولأطفالي
-
اخوية نايت موون
اسمعني شنو راح أقول
اولا الرزق بيد الله وامريكا أم الفرص
ما تقدر تطبق تجربة فلان وفلان عليك لأن كل واحد راح يروح يواجه ظروف مختلفة تماما
ثانيا انت شنو اختصاصك وشنو تعرف واشلونها اللغة يمك واشلونها الارادة والهمة؟
هاي الامور راح تلعب دور في فرصة حصولك على عمل
وثالثا وشي كلششششش ضروري
هو انك اذا تروح وتحصل أي عمل حتى لو مو ضمن اختصاصك أي عمل لا تستنكف انك تشتغل لو وين ما يصير
انت لازم اتحط رجلك اول وبعدين تمشي امورك ولا تكعد تستنكي شغل هذا اريده وهذا ما اريده
احنا لاجئين ولازم نقبل بالواقع ان اصحاب البلد الامريكان انفسهم يجوز ما محصلين شغل
المهم رابع شي ردت اقوله لك .. هو المنظمة اللي راح تستلمك تقدر توفر لك عمل ولا تضوج ولا تفكر لان عندي احد اقاربي عائلة زوج وزوجته واطفال اربعة + وياهم اخوهم وزوجته وثلاث اطفال
راحوا اريزونا وما بيهم واحد يحكي انكليزي غير يس ونو
هسه امورهم ماشية وشغلهم مضبوط واشتروا سيارات ووووووووووووو
يعني فرص واقتناص فرص ولازم تعرف اشلون تتصرف
يعني اتوكل بالله وامشي
وبكل الاحوال اذا رحت وما عجبك الوضع وصارت لك مشاكل كبيرة تقدر ترجع
هم عندي ناس رجعوا – مو فد مشكلة
.............. مع التحية
أم يلدا – عمان الأردن – في انتظار التجييك الأمني
-
شكرا اختي ام يلدا ........... ممكن اعرف بيا ولايه انتي او اي ولايه انتي تنصحين فيها
-
اخوية نايت
يعني معقولة ما تقرا اسمي شنو مكتوب يمه؟
انا في عمان انتظر التجييك الأمني
وانا اقاربي وأخوي في شيكاغو وهو الكفيل
ولدي اقارب في ديترويت واريزونا وكاليفورنيا
بس شيكاغو هي الأفضل بالنسبة لي
وتصوووور – ان الوظيفة والسكن حاضرين وينتظروني ;D
شفت اشقد انا فقر ؟؟ هههههههههههههههههههه
أم يلدا – مترجمة - عمان الأردن – في انتظار التجييك الأمني
-
هههههههههههههه من ضيمي ما ضليت اشوف هههههههههههههه|
اسف والله مااقصد
-
أخوية صح الدنـــــــيا حظوظ بس توكل على الله وما خسران شي أنت مثل ما كالت أم يلـــــــدا وأن شاء الله يصير خير...
-
اخوية نايت موون
اسمعني شنو راح أقول
اولا الرزق بيد الله وامريكا أم الفرص
ما تقدر تطبق تجربة فلان وفلان عليك لأن كل واحد راح يروح يواجه ظروف مختلفة تماما
ثانيا انت شنو اختصاصك وشنو تعرف واشلونها اللغة يمك واشلونها الارادة والهمة؟
هاي الامور راح تلعب دور في فرصة حصولك على عمل
وثالثا وشي كلششششش ضروري
هو انك اذا تروح وتحصل أي عمل حتى لو مو ضمن اختصاصك أي عمل لا تستنكف انك تشتغل لو وين ما يصير
انت لازم اتحط رجلك اول وبعدين تمشي امورك ولا تكعد تستنكي شغل هذا اريده وهذا ما اريده
احنا لاجئين ولازم نقبل بالواقع ان اصحاب البلد الامريكان انفسهم يجوز ما محصلين شغل
المهم رابع شي ردت اقوله لك .. هو المنظمة اللي راح تستلمك تقدر توفر لك عمل ولا تضوج ولا تفكر لان عندي احد اقاربي عائلة زوج وزوجته واطفال اربعة + وياهم اخوهم وزوجته وثلاث اطفال
راحوا اريزونا وما بيهم واحد يحكي انكليزي غير يس ونو
هسه امورهم ماشية وشغلهم مضبوط واشتروا سيارات ووووووووووووو
يعني فرص واقتناص فرص ولازم تعرف اشلون تتصرف
يعني اتوكل بالله وامشي
وبكل الاحوال اذا رحت وما عجبك الوضع وصارت لك مشاكل كبيرة تقدر ترجع
هم عندي ناس رجعوا – مو فد مشكلة
.............. مع التحية
أم يلدا – عمان الأردن – في انتظار التجييك الأمني
هي هاي مشكلة العراقين الكل يحجي وهو مشايف و الكل ينقل وهو مسامع و تضل تكو منو حجا منو شاف الكل يكلك والله سمعت من فلان و شفتت فلان
يعني الكل ماشيه على اسااس سمعة و وفلان حجا وفلان شاف لذلك تسشوف اللاجئ لم يوصل تصير عنده صدمه كبيره و ميفتهم شنو القصه
اخويه انته و اني والكل نعرف انوا باذن الله اذا حددولك موعد سفر انته راح تروح و راح يكون ابالك 100 حسبه فاني انصحك لا ادوخ نفسك بشغله نروح لو منروح لانوا كل واحد راح يحجيلك تجربه مو مالته و على السمع و من الحبه صارت كبه
المهم اخويه انته اخذه الشغله سياحه روح معجبك الوضع ارجع لانوا اني اذا او غيري كلولك لا تروح الوضع مو زين ر راح تكول لا خلص بعد ما اروح لاوالله متاكد راح تروح وانته بنفسك متاكد باذن الله انك راح تروح
فاني الي اشوفه افضل اللك روح وعيش الواقع بدون خلفيه سابقه علمود لا يصير عندك صدمه
يعني ممكن انته تروح الله يوفقك و من الممكن تروح تصرف من جيبك يعني اني اعرف ولد صديقى اخر شي راد يبيع شقه عنده ابغداد بس علمود يوفر فلوس الطياره يرجع بيه البغداد و اعرف ناس لا والله تشتغل صحيح الي جاي على كد الرايح بس افضل من ماكو و تمشيه حال
فاني افضل اتخليه على الله علمود توصل ورقه بيضه لانوا الواقع الي راح تروحله يختلف من مكان الى مكان و متكدر اتبدله
يعني انته اذا ابللك اكو فلان سمعت ينطو الفين مساعدات ورحت لكيت مساعدات على كد الاكل بس شنو راح اتسوي تاكل بنفسك وتقهر نفسك واقع خصبا عنك وعني راح اتعيششه و اسف للازعاج
-
أخوية حسين ممكن تقول لي شنو الفرق بين مشاركتي ومشاركتك؟؟
انا طرحت موضوع ان اكو ناس سافرت وما عجبها الوضع ورجعت
وأكو ناس سافرت ومشت امورهم وهسه صارت كلش تمام
وأن امريكا أم الفرص
يا أخي أنا أهلي تقريبا ً كلهم في امريكا وفي عدة ولايات
والتجارب اللي مروا بها انا جزء منها
وكلنا في نفس القارب
والحظ في كل محفل يلعب دور كلش كبير
تقبل مروري على مشاركتك مع المحبة
أم يلدا – مترجمة - عمان الأردن 2005 – في انتظار التجييك الأمني
-
والله شكرا كل من رد على الموضوع صراحه كلشي بايد رب العالمين والكاتبه ربك يصير.........
مواضيع كثيره بس انا صديقي مقرب اللي اول بارحه اتصل بيه وخربطني 180 درجه ......
كان ابجورجيا يقول مافيها شغل..................بعدين منتقل اكثر من ولايه بس ماكوووووووووو شي يقووول مافي عمل ولحد الان المنظمة مامفره اله شغل يكولي احنا هسه ميتين من الجوع شنو رائيكم مع الاحترام
-
عود ان شاء الله من توصلين امريكا و تعرفين الواقع مو السوالف راح تعرفين الفرق بين كلامي وكلامك
اتمنى من كل اخ واخت انو لم اي احد من الاخوان لم يكتب اي مشاركه يعرف انوا
من الممكن انوا يتعلق بيه مصير شخص فلا ينطي معلموه عن سمع
و للي ششاف مو مثل الي سمع
حتى لو كانت المعلومه صحيحه فالي كاعد يصر انوا اكو اخوان مواصلين لامريكا و كاعدين يعشون حلم وردي بين مساعدات وفلوس وكرف
شغلتنا مع الاسف صارت مثل النكته الي تكول
اكو واحد كردي (احترامي للاكراد اخواننا ) كلوله تروح لالمانيا فلوس كرف مشمره بالشارع
اول منزل من الطياره لكه 100 يورو بالكاع ,, كال اعوفه مو من اول يوم ابده شغل خليني الم من باجر