ankawa
منتدى الهجرة واللجوء => الهجرة و واللاجئين => الموضوع حرر بواسطة: عكعك التطوى في 20:22 13/07/2009
-
السؤال انطرح سابقا بس دورت عليه هوايه لحد ما عيني راحت 8)
وهو هل يمكن الاستعانه بمترجم خلال مقابله رئيس البعثه بالسفاره الامريكيه ؟ وهل يترتب شي
على ذلك لو كانت لغته ليست بروفشنل او نص نص على كوله نانسي عجرم يعني تأثر على قبوله؟؟
تحياتي
-
حبيبي عكعك بلكي احنة جماعة اليو ان نكدر نجاوبك ليش حددت الجواب بجماعة الاس اي في,ثانيا نانسي اه ونص مو نص نص
-
عكعك التطوى
انا من قابلت المحلفين كنت احكي وياهم بلا مترجم
بعدين ورا نص ساعة قالت لي المحلفة – انتي اللغة عندك ما تنسجم ويا المقابلة
انا هم خفت من المسؤولية لا اروح اقول كلمة كنا نقولها بالجامعة مثلا ً او في العمل
وربما تكون غير مناسبة للتحقيق
انا قلت لها خلي المترجمة ترجع احسن
بس المترجمة اجت كعدت بس هيجي تراقب الحوار
هم ظليت اجاوب بالانكليزي للأسئلة اللي اعرف اجابتها مية المية
لكن بس يصير عندي اشتباه بالنطق عند المحلفة من النظرة الأولى المترجمة تعرف انا انلاصت عليه
تقوم تشرح لي اللي ما فهمته
هيجي احسن
-
اكو شغلة ما تعرفوها هي عدة اللهجات عند الأمريكان
يعني كثيررررررررررة اللهجات واللكنات في اللغة مالتهم
واحنا المترجمين الأكاديميين بصراحة مو كلشي نعرف
ولا تنسى ان اللغة عندنا هي اللغة الستاندر يعني الرسمية او الأصلية
مو اللغة العامية
فكفا ً للاحراج خلي المترجم يكعد (حديدة عن الطنطل) احسن لك
لطالما ان شهاداتك يم المحلف يعرف انت تجيد اللغة كتابة وحديث وقراءة – كلش كافي
بس اهم شي لا تفشل اثناء الحوار بسرد تفاصيل او استعمال كلمات الامريكان انفسهم ما يستعملوها اثناء الحديث اليومي
ولا تنسى ان دراستنا بريطانية (يعني على BBC ) وهذا يختلف اشوية عن الامريكي
اتمنى اني جاوبت سؤالك
أم يلدا – مترجمة - عمان الأردن – في انتظار التجييك الأمني
-
شفت اسمك كلت شنو عبسي مقدم لكندا على ال SIV
اخويه عبسي من حق اي واحد يجاوب اذا عنده معلومه بس خصصت لان عدهم خبره بهذا المجال
من خلال تجاربهم او من خلال تجارب اصدقائهم بس الظاهر هاي الحاله فريده مماره عليهم وانته
عبسي ميحتاجلك عزيمه اما الثانيا فاني اخذت جزء من مقطع الاغنيه وشكرا لتوضيح كلمات الاغنيه
الله يبارك بيك ويجعلها بميزان حسناتك
تحياتي
-
تسلم حبيبي الوردة عكعوك بس والله اي شي بال siv ما اعرف بلكي جماعة الsiv يجاوبوك واكيد ما يقصرون ;D ;D
-
مشكوره اختي أم يلدا – مترجمة - عمان الأردن – في انتظار التجييك الأمني
اختي ام يلدا اني قصدي على الاخوه الي مقدمين على برنامج ال SIV لان مثل متعرفين اغلبهم
مترجمين والمقابله تكون بالسفاره فقصدي هل يوجد مترجم هناك او يكدر يستعين بمترجم اذا لغته
اه ونص مثل ميكول عبسي ومشكوره على التوضيح اتمنالك التوفيق
عكعك - مو مترجم - مصر القاهره - في انتظار الدمار الشامل (التجيك الامني)
-
عكعك الوردة
ضحكتني من كل قلبي :D
عزيزي انا اطبق التعليمات الصادرة من محمد ابن زيونة اللي يقول لازم كل واحد يكتب تفاصيل قضيته والبلد اللي عايش بيه
فأنا أم يلدا ومترجمة وعايشة في عمان تلاع العلي ولاجئة من سنة 2005 وانتظر الدمار الحتمي التجييك الأمني انطلب مرة ثانية بسبب التأخير اللي صار بالمعاملة..
أما بالنسبة للقاء في السفارة الأمريكية – فما أعرف اعذرني يجوز أحد الأصدقاء يعرف انتظر اشوي خلي يجون جماعة امريكا اللي طلعوا وشوف شنو يقولون لك
انا قلت اللي اعرفه
أم يلدا – مترجمة - عمان الأردن 2005 – في انتظار التجييك الأمني
-
مشكوره اختي أم يلدا – مترجمة - عمان الأردن 2005 – في انتظار التجييك الأمني
وانشاءالله يفرج عليكم عن قريب
عبسي
اشكرك اخي على الجواب الوافي والكافي والمورد القريب وبابلون وارجوا ان لاتحرمنا من مشاركاتك القيمه
تحياتي
-
اخوية العزيز عكعك....
اني اخوك مقدم على الاس اي في و استلمت الفيزا و الحمد لله...اخوية اكو عائلتين قابلوا وياي و استعانوا بمترجمين و استلموا وصل لاستلام الفيزا في نفس الاسبوع و هاي الحالة صارت امامي و اكو هواي اعضاء صارت نفس الحالة اكيد كدامهم و راح ياكدون كلامي....
لا يترتب اي شي اذا استعانيت بمترجم شغلة كلش طبيعية اخوية
اتمنى ان يكون جوابي كافي و شتحتاج اني حاضر و بالخدمة
اخوك ابو داليا
-
أخ عكعك
من خلال تجربتي بالسفاره الأميركيه في بيروت ...ما شفت مترجم أبد ..
و من خلال قرائاتي لمعظم مقابلات الاخوان في المنتدى ...محد ذكر أنه أحد ترجم له أوأحتاج مترجم ..
بس هل يوجد مترجم أو لا ....للترجمه في حالات الضروره .......!!!!!!!!
هل يأثر ذلك على القبول أو الرفض ....ما أتصور يأثر ...
تقبل مروري
-
تسلم اخي العزيز ابو داليا واشكرك على اهتمامك وعلى جوابك الشافي اتمنالك كل التوفيق والنجاح
اخويه ابو داليا انته بيا دوله ;D
تحياتي اخي العزيز
-
البصير
اشكرك اخي العزيز على الجواب واشكر مرورك الطيب الله يبارك بيك
تحياتي وتمنياتي لك بالتوفيق
-
اخ عكعك اسف على التاخر بالرد
نعم يوجد مترجمين في كل سفارة امريكية في البلاد العربية والمترجم يكون اميركي عربي ولو اغلبهم اردنيين او فلسطينيين
وعندما تريد تقابل تخبر القنصل انك تريد مترجم فيناديه وهو يكون قريب منه وبالنسبة لمقابلة اس اي في
فهية كلهة متطول ربع ساعة وكلهة اسئلة روتينية
ولا ياثر استخدام المترجم على النتيجة والمثال اخونا NOOR2
الذي حصل الفيزا بعد 3 ايام من المقابلة مع العلم انه استعان بمترجم
وتدلل عكعك الطيب
-
حبيبي الكابوي العراقي ادري بيك اخويه متقصر وجدا ممنون منك ومن الاخوه الي جاوبو
وشكرا على الشرح والامثله الوافيه الله يبارك بيك اتمنالك التوفيق انشاءالله وتفرحنه
بحصولك على الفيزه باقرب وقت باذن الله
تحياتي
-
السلام عليكم اخوني واخواتي اعضاء هذا المنتدى الجميل
اخويه عكعك اني اشكرك جزيل الشكر على طرحك هذا الموضوع الذي انا بحاجه ماسه اليه
الصراحه اني كنت حاير لان انكليزيتي نص ونص يعني اكد امشي بيه اموري وكنت شايل هم اذا في حالة ماكو مترجم يساعدني بالمقابله يعني اني لغتي نص ونص وزوجتي ولاطكه هواي راح يستفاد منعدنه السفير الامريكي
اخوان رحمه على والديكم اذا واحد مثل حالتي نص ونص واقابل وستعان بمترجم خلي يسولف لايستحي اذا هوا نص ونص خلي ارتاح لان بس هاي شايلله هم كبير
شكرا مره ثانيا لك اخويه عكعك لانك طرحت الموضوع الذي انا كنت محتاجه
-
maitham70
اخويه ميثم الاخوه اجابو على هذا السؤال والاخ الكابوي ذكر مثال تجربه الاخ العزيز نور 2 وهو الان بامريكا فارجوا ان تطمئن للموضوع
تحياتي
-
اخوية عكعك تدلل و هذا شي بسيط نكدر نسوي لكل الاخوة الساعدونا بهذا البيت الرائع
اخوية اني استلمت الفيزا في بغداد بس لسبب معين اجيت التركيا و انتظر منا اسافر الى الوطن الجديد
اخوك ابو داليا
-
السلام عليكم اخوتي
اني حبيت ادخل وادعيلكم بتسهيل اموركم جميعا لان ماعندي بصراحه اي معلومه عن siv وان شاء الله رب العباد يفرجه على جميع المنتظرين ويسهل امركم جميعا وتستقرون وترتاحون باذنه تعالى
اخوكم كماااال من مصر
-
اخوية عكعك ... اليوم على SIV ؟؟؟ ;)
بس لا ناوي ترجع لبغداد تقدم من جديد .... اسالتك مو راحة بيها 1000 انه ؟؟؟؟؟؟؟؟؟؟ ;D ;D
سؤال خارجي اذا ممكن :::
اخونا ((( شمعة )))) وين صار اخاف زعلان علينا وصارلة فترة طويلة مختفي ان شاء الله المانع خير
abo mohammed
-
عيوني عكعوكي...... اني من قابلت شف بعيني اكو ناس ما تعرف تحجي انكليزي وكان يترجملهم موضف بالسفاره هوه مو مترجم بس موضف عربي يستعين بي القنصل اذا الشخص اللي عنده مقابله ما يعرف انزليكي..قصدي انكليزي... وما الها اي تاثير عل قبول..لانه القنصل لوتي ومزحج وماشي عل قماره...يقره تعابير وجهك من تجاوب
والله الموفق
-
اخ مهاجرين بلا حدود
تصحيح
التقديم على SIV لا يحتاج الرجوع الى بغداد بل يمكن التقديم له وانهائه خارج العراق
وكل مراحله في الانترنت ماعدا المقابلة تكون في سفارة اميركا في البلد الموجود به وشكرا
-
عكعك هو شنو هذا الرنامج اصلا؟
-
اخوية عكعك ... اليوم على SIV ؟؟؟ ;)
بس لا ناوي ترجع لبغداد تقدم من جديد .... اسالتك مو راحة بيها 1000 انه ؟؟؟؟؟؟؟؟؟؟ ;D ;D
سؤال خارجي اذا ممكن :::
اخونا ((( شمعة )))) وين صار اخاف زعلان علينا وصارلة فترة طويلة مختفي ان شاء الله المانع خير
abo mohammed
بعد دا اتحضر خاف الشغله مال iom تفكس والعراق مطلكه اخويه ابو محمد بالثلاث بس احبه واحن عليه
والاخ شمعه اختفى بس البارحه طلع شويه واختفه وحقه الرجال يختفي لو يزعل بس نامل يرجع
باستمرار مره اخرى هو وباقي الاخوه المختفيين
تحياتي
-
عيوني عكعوكي...... اني من قابلت شف بعيني اكو ناس ما تعرف تحجي انكليزي وكان يترجملهم موضف بالسفاره هوه مو مترجم بس موضف عربي يستعين بي القنصل اذا الشخص اللي عنده مقابله ما يعرف انزليكي..قصدي انكليزي... وما الها اي تاثير عل قبول..لانه القنصل لوتي ومزحج وماشي عل قماره...يقره تعابير وجهك من تجاوب
والله الموفق
اشكرك اخويه الورد وممنون منك والله يبارك بيك شو مشلغم اخويه بعدك عبالي سافرت
وخصوصا بعد ما القنصل اعتذرلك وانته قبلت اعتذاره اتمنالك التوفيق انشاءالله
تحياتي
-
اخواني الاعزاء اخوية عكعك جزاكم الله خيرا
اسال الله العلي القدير ان يسهل اموركم وييسرها لكم
شكرا جزيلا على الاجابات الوافية والشافيه تحياتي لكم حبايب
-
السلام عليكم اخوكم ايفن مترجم مع القوات رد على الموضوع بل النسبه الي انتظر التجيك الامني ولو اتعطل بس شسوي بس بل المناسبه الي اشتغل كمترجم مع القوات عرف يتعلم كل اللهجه الامريكه او السلانك او كل الكليمات او التعبانه الي تتكلم بها الجنود او همين احب اضيف تره المقابله كاله كم سوال حسب ما قريته في عين كاوه المهم هوه ضبط النفس او عدم الارتباك او الاتكال على راب العالمين او تره هيه نفس اي اجتماع عام بين مسولين او مدنين يعني لا تصورين فد شي خيالي كاله اسئله تقليديه قابل راح يسئل على شي خيالي اواهم شئ هو الشخصيه بل الكلام اهم شئ خاطر اسيطر عليهم لا تخليهم ايسطرون عليك اخوكم ايفن غارق في بحر الظلمات او منتظر التجيك الامني