ankawa
منتدى الهجرة واللجوء => الهجرة و واللاجئين => الموضوع حرر بواسطة: درة في 02:38 14/07/2009
-
اول شي السلام عليكم اخواني وخواتي الاعزاء مثل مذكرت انه اني موعد سفري من مصر ان شاء الله 27/7 واني اقامتي دراسية علة ابني بس اريد اعرف لازم اسقط الاقامة واروح للصليب الاحمر لو هاي الحالة بس للاقامات مال يو ان ارجو التوضيح بكل التفاصيل لو امكن مع جزيل الشكر
-
اختي المنظمه تحولك على الصليب الاحمر وراها ترحين على المجمع تسقطين الاقامه ويحطولك ستكر على كارت الصليب الاحمر مثبت عليه تاريخ اول دخول لمصر واخر دخول وتودي للمنظمه هو والجواز حتى تتاكد من تسقيط الاقامه
والاقامه تسقط اذا كانت على الكارت الاصفر un او على الجواز (دراسيه او استثماريه)
تحياتي
-
شكرا اخ عك عك علة التوضيح بس الاي او ام تكولي ماكو داعي للصليب الاحمر او للتحرير تسافرين بجوازج العادي اني بصراحة مدافتهم
-
لا اختي تسافرين بوثيقه وليس بالجواز ولازم سقطين الاقامه ولازم ترحين للصليب الاحمر
-
السلام عليكم
اختي اعتقد لو تتصلين بالمنظمه يكون احسن ..لان اكوا جماعه حولوهم للصليب الاحمر واكوا بدون تحويل يسافر مباشر . بس الاتصال بيهم يكون افضل . واتمنالكم كل الخير والموفقيه .
ابو انس
-
الف شكر الك اخوية عكعك واخوية ابو انس علة ردودكم
-
مرحبا اختي والله ماعرف اي شيء اني لكن حبيت اشارك في همك
والله يفرج عنك وعلئ جميع المسليمين
اخوج ابو عراق
-
اختي اني رحت اشوف موعد سفري راحت الموظفة ورجعت كلتلي على موعد السفر وسالتني كلتلي انت جوازك جديد جي كتلهة اي كلتلي اقامتك على شنو كتلهة على زوجتي لان مصرية كلتلي لعد خوش بس تعال قبل يوم السفر بس نكلك على السفر و يا مطار ومن هل سوالف
اني سالتهة كتلهة احنة سامعين لازم نلغي اقامتنة بالمجمع ونروح للصليب الاحمر كلتلي انت ماطول جوازك جديد و اقامتك مو يو ان متروح تلغيهة
بعد صدكوني ماعرف حجيهة مضبوط لان اني سامع غير شي او يجوز هاي الشغلات اتغيرت بالفترة الاخيرة وعلى كل حال هذة تغير للاحسن ميصير كل اقامة تنلغي
-
اختي درة
ان شاء الله كلام الاخ فحامي صحيح
لاني اعرف شخص سافر قبل كم شهر من مصر وكانت الاقامة على الجواز ولم يكن مسجل بال يو ان
وسافر بالجواز فقط وبدون ان يذهب الى اي مكان فقط ال اي او ام ابلفوه ان ياتي قبل يوم من السفر لكي ما يتاكدون من جوازه اذا كان فعلا الاقامات صالحة والجواز صالح للسفر وساري المفعول
هذا قبل اكثر من اربعة شهور الكلام
وبكل تاكيد فان الاتصال بال اي او ام هو الافضل وسوؤالهم واكيد همة يجاوبون على سؤالج
ان شاء الله سفرة سعيدة وتصلون بالسلامة
سلام الله معك
اخوك يوجد امل
-
السلام عليكم طبعا اخواني احب اشكر كل الي ردو عالموضوع بس حبيت اضيف شي للمصلحة العامة كلت خلي اكطع الشك باليقين رحت اليوم من الصبح للصليب الاحمر ولمجمع التحرير وللاي او ام وكان ردهم جميعا بما انه انتي تحملين جواز جديد من فئة جي وصلاحيتة لل2016 وعندج اقامة دراسية سارية لشهر 10 مو علة اليو ان فتسافرين بجوازج العادي وماكو لا صليب احمر ولا تحرير بس اخر يوم اخذ التكتات من الاي او ام فحبيت اضيفلكم هاي المعلومة وعذرا للاطالة
-
السلام عليكم طبعا اخواني احب اشكر كل الي ردو عالموضوع بس حبيت اضيف شي للمصلحة العامة كلت خلي اكطع الشك باليقين رحت اليوم من الصبح للصليب الاحمر ولمجمع التحرير وللاي او ام وكان ردهم جميعا بما انه انتي تحملين جواز جديد من فئة جي وصلاحيتة لل2016 وعندج اقامة دراسية سارية لشهر 10 مو علة اليو ان فتسافرين بجوازج العادي وماكو لا صليب احمر ولا تحرير بس اخر يوم اخذ التكتات من الاي او ام فحبيت اضيفلكم هاي المعلومة وعذرا للاطالة
اختي العزيزه دره هذا ردك سبب لي بعض الارباك لدي فانا كما قلت مسبقا بردي ان
ان الاقامه تكنسل اذا كانت دراسيه او اسثماريه او un سواء على جواز ال G او على
البطاقه الصفراء على السواء وهذا الكلام عن تجارب لبعض الاصدقاء المقربين لي واقاماتهم
دراسيه واستثماريه وساريه المفعول فمن خلال ردك ورد بعض الاخوه جعلني استغرب من
الموضوع بصراحه لعل هناك سر لا اعلمه وارجوا من الاخوه الي عهدهم اجابه على هذه
الحاله يجيب علينا مشكورا
-
الاخ درة كلامه صح بس اذا اكو احد ماعنده وياك بالكيس جواز جي راح تكون ملزمة كل العائلة اتروح الى الصليب والمجمع هذا اجراء جديد
-
الأعرفه مثل ماذكره الأخ عكعك أظاهر أكو اجراءات جديده
زين في حالة وجود جواز جي والأقامة صفراء يو ان؟
اكيد لازم يلغي لاقامة ويروح للمجمع حت ينقل معلومات للجواز جي
لهنا أوك
زين لسؤال ليطرح نفسه الصليب الأحمر هم يراجعه لعنده جواز جي واقامته صفراء؟
ومنو الي يجب علية ان يراجع الصليب الأحمر الي جوازه قديم؟ لو الي أقامته صفراء يو ان؟
ومشكورين علاجابه مقدما
-
السلام عليكم ردت اوضحلكم شي اني كعدت يم موظف الصليب الاحمر وجان استقبالة الي حلو وراد يفهمني فمن خلال الي افتهمتة الي عندة طفل او طفلة مولدين في مصر اكيد معدهة شهادة جنسية عراقية فمعناهة عدهة بيان ولادة في مصر فلازم تطلع عن طريق الصليب الاحمر حتة لو الاهل كلهم عدهم جوازات جي واقامات دراسية او استثمارية والي عندة احد بعائلتة وبنفس الكيس اقامتة علة اليو ان يروحون للصليب الاحمر حتة لو الباقين عدهم اقامات وجوازات جي
-
الاخت درة ..... شكرا لك لتواصلك مع المنتدى في رفد اخوانك و اخواتك بالمعلومات القيمة.
ما فهمناه منك الان ، جميع الذين يحدد لهم موعد السفر يذهبون الى مكتب الصليب الاحمر لغرض اكمال المعاملة ، باستثناء الذين لديهم جواز جي و فيه اقامة ( كأن تكون اقامة دراسية ) ، هل هذا ما تقصديه ؟ و لديناسؤال اخر متعلق بالموضوع ، هل اجريتم وثيقة ابنك ؟ و من خلال اجراءات وثيقة التخرج التي تمر بعدد من الدوائر الرسمية ( المدرسة ، مديرية التعليم ، وزارة التربية ، مكتب تصديقات الخارجية و السفارة العراقية ) ، الم يطالبوكم بالغاء الاقامة عند سحب الوثائق لغرض السفر ؟
vet2009
-
أخوان خوات .. السلام عليكم
اللي أعرفه وهذا الموضوع قبل أشهر أن هناك شخص مع عائلته عنده أقامة على جواز الG
النافذ لغاية 2016 تم ألغاء جميع أقامات العائلة وخروج العائلة كان بموجب الصليب الأحمر وليس
جواز الG .. وهذا الشىء متأكد منه . أما ماأستجد من أمور فلا علم لي بها .
أما بخصوص أستفسار Vet2009بخصوص عمل وثيقة المدرسة للأبناء فلا يتم ألغاء الأقامة
إن كانت على الجواز الجي أو البطاقة الصفراء وهذا الخبر قبل يومين من صديق قام بهذا
وأنا متأكد منه .
تحياتي للجميع
-
الأعرفه مثل ماذكره الأخ عكعك أظاهر أكو اجراءات جديده
زين في حالة وجود جواز جي والأقامة صفراء يو ان؟
اكيد لازم يلغي لاقامة ويروح للمجمع حت ينقل معلومات للجواز جي
لهنا أوك
زين لسؤال ليطرح نفسه الصليب الأحمر هم يراجعه لعنده جواز جي واقامته صفراء؟
ومنو الي يجب علية ان يراجع الصليب الأحمر الي جوازه قديم؟ لو الي أقامته صفراء يو ان؟
ومشكورين علاجابه مقدما
اخويه ابو الشيب الورد الي اقامته على الصفره مبيها مجال لازم يسقطها وسؤالك الثاني مفهمته بس هو وين اكو واحد ما عنده جواز G لان الاS انلغه من زمان ويستحيل واحد باقي عنده اقامه عليه ساريه بس انته اذا اقامتك على الصفره لازم تلغيها من الصليب الاحمر
وتحياتي الك وين انته موجود
-
السلام عليكم ردت اوضحلكم شي اني كعدت يم موظف الصليب الاحمر وجان استقبالة الي حلو وراد يفهمني فمن خلال الي افتهمتة الي عندة طفل او طفلة مولدين في مصر اكيد معدهة شهادة جنسية عراقية فمعناهة عدهة بيان ولادة في مصر فلازم تطلع عن طريق الصليب الاحمر حتة لو الاهل كلهم عدهم جوازات جي واقامات دراسية او استثمارية والي عندة احد بعائلتة وبنفس الكيس اقامتة علة اليو ان يروحون للصليب الاحمر حتة لو الباقين عدهم اقامات وجوازات جي
اختي دره هل هذا الاجراء جديد ؟ لان على ضوء كلامك اتصلت بصاحبي واتاكدت منه مره ثانيه ولو اني متاكد وتبين الاتي طبعا همه عائله من زوج وزوجه واطفال 2 اقامتهم دراسيه لان اني ويا سوينها سوه وجوازتهم كلهم G لان بمصر ميشتغل ال S من زمان ومستحيل واحد عنده اقامه عليه وهو غير مسجل ب UN يعني ما عنده كارت اصفر وعلما اقامتهم ساريه ومع ذلك راح للصليب الاحمر وسقط اقامته واني شفتها وهو عن قريب وسافر يوم 24 \6\2009 وكما ذكرت سابقا يوجد ايضا من اقامته استثماريه ومسجل ب UN ونفس الاجراء سقط الاقامه فياريت اختي دره ان تشرحين حالتك اذا كانت لك نفس الحاله لان الجواب بالنسبه الى مهم لقضيه تخصني ولك كل الشكر والاحترام
تحياتي
-
الزبدة هو توضيح درة الاخير وبارك الله بيكم جميعا
-
اخوان حسب ما شرحت سابقا على هذا الموضوع لانه اعرف شخص سافر واعرف التفاصيل اللي مر بيها
هو لم يكن مسجل بال يو ان
اقامته سارية على الجواز جي يعني غير منتهية
فموظف ال اي او ام قال اذا يمكنه السفر بجوازه فسوف يسافر بدون ما يعمل اي شئ لا بالصليب الاحمر ولا التحرير وهذا الكلام كان من خمسة شهور تقريبا
وفعلا موظف الي اي او ام قال ياتي قبل السفر بيوم فقط لنتاكد من جوازه ولكن لا اعرف من ماذا يتاكد
المهم تاكد من الجواز وقال خلاص يمكنك السفر به وفعلا سافر بجوازه فقط وبدون اي بطاقة من الصليب الاحمر
فالان وحسب فهمي انه اللي اقامته على اليو ان لازم يسوي خطوات الصليب الاحمر والتحرير
بس ما اعرف اللي مسجل بال يو ان وعنده اقامة بالجواز بس شراح يسوي
المهم اللي ممسجل بال يو ان وعنده اقامة عى الجواز فيمكن ان يسافر به
وانا اقول احسن شئ حتى الواحد يرتاح يتصلل بال اي او ام ويتاكد من الجواب ومن حالته بالضبط
وطبعا كلام الاخت درة مضبوط , واللي سويته احسن شي راحت وسالت , وشكرا لها
اخي عكعك ان شاء الله يكون الجواب واضح ويارب نفرح بوصول الموافقةالامنية مالتك
وان شاء الله نفرح بموعد سفر لاخي شيبو قريبا
ويارب نفرح بالكل
سلام الله معك
اخوكم يوجد امل دائما
-
شكرا اخي يوجد امل على التوضيح وانا لا اشكك بكلام اي احد ولكني مستغرب من الحاله لان حاله صديقك نفس الحاله الي شرحتها بالرد الاخير وفعلا واحد لازم يستفهم اكثر حول الموضوع ويسال
حتى نصل الى نتيجه اكيده للفائده العامه
تحياتي وتمنياتي لك بالتوفيق انشاءالله
-
طبعا اخي انا متاكد انك لا تشكك ابدا بكلام اي احد بل بالعكس انا برايي انت اكثر شخص عندك معلومات اكيدة هنا
وانا فعلا اكون سعيد عندما اقدم لك جواب وانت السباق دائما في مساعدة الاخرين هنا
ابدا ابدا لم يكن في فكري انك تشكك صدقني اعرف
بالنسبة الى صديقك , هل ال اي او ام طلبو هذا, او يمكن هو اراد ان يفعل هذه الخطوة.؟
ومن اعماق لقبي اتمنى لك السفر القريب اخي
سلام الله معك
اخوك يوجد امل
-
لا اخويه العزيز اعرف هذا الشي ايضا ولكن قد يتبادر الى البعض اني اشكك لا سامح الله واشكرك من كل قلبي على نجاوبك بالموضوع اخويه العزيز بالنسبه لصديقي همه طلبو منه هذا الشي
وتعرف انته محد يلغي اقامته بدون سبب الا اذا كان مجبر على ذلك
تحياتي وانشاءالله تفرج عليك اخويه العزيز
-
شكرا لك اخي على ردك الطيب جدا , الله يباركك
ان شاء الله تفرج على الكل اخي العزيز عكعك
وتعرف اني دائما اشعر بانك تفرح لكل واحد يجي خبر حلو
وانا متاكد بان الله سيفتح امامك الابواب وانت دائما في صلاتي وكان اسمك في صلاتي يوم امس
ويارب ان تتوفق دائما في حياتك اخي
سلام الله معك
اخوك يوجد امل
-
شكرا أخي عكعك على شرحك كفيت ووفيت يارب توصل لمحروسة لمنحوسه وداريها لتخليها تزعل يمعود
والسؤال الثاني جنت أقصد الغرض من مراجعتنا للصليب الأحمر
يعني ليو ان الي بسبعه أكتوبر مو هي تسقط الأقامة لمصوفره؟
شكرا أخي يوجد أمل على الشرح ودعائك جزاك الله ألف خير يارب تسهل أمورك
أخوان هم نرجع ومنكول
أخر شيء كلنا لازم نسأل الأي او ام ونروح قبل السفر بيوم لأن هذا سفر صار أشهر ننتظره والواحد لازم يتأكد من حالته ويخلي أبطنه بطيخه صيفي لأن أكيد كل واحد سالفته شكل
تحياتي
شيبو- مصر- القاهرة- بأنتظار الختم الملكي
-
يوجد امل وشيبووو اخواني الاعزاء اشكركم من القلب على دعواتكم وكلماتكم التي تدل على معدنكم واصلكم الطيب وانشاء الله كله تروح وتسافر وتلتهي بغير سوالف وانشاءالله كل واحد بينا يتوفق باذن الله
تحياتي لكم
-
السلام عليكم اخواني الاعزاء اشكر كل اللذين شاركو بالموضوع وبالنسبة للاخ عكعك بالنسبة لحالتي اني وعائلتي عدنة كارتات صفر بس من دون اقامة واقامتنة الوحيدة هية دراسية علة ابني وتنتهي بشهر 10 والجوازات جي وتنتهي لسنة 2016 واتمنالك التوفيق والسفر القريب يا رب
-
السلام عليكم اخواني واخواتي الطبيبين ............ شكرا على المعلومات المفيده من الرغم ان اخر رد بهذا الموضوع ب2009
سؤالي ( الي عنده جواز G وصلاحية 2016 ... بس ماعنده اقامه بالجواز و لا بالكارت الاصفر ) ؟ .
هم لازم يسوي جواز الصليب الاحمر لو يكدر يسافر بجوازه ؟ .
مع تحياتي
IRAQ.CA
-
اخي وضح شون مستقر بمصر بيا اقامة حتى لو مباشر اقامتك شنو حتى نكدر نجاوب ؟بلتوفيق
-
الله يسهل عليك اخي الكريم وان شاللله تفرج
-
اهلا اختي ريم2000 عزيزتي اني حان عندي اقامه طالب من قدمت لليو ان بعدين انتهت و مجددت وراها ولا حطيت الاقامه على الكارت الاصفر ،،،،، اني دا اسال بهيجي حاله شنو الاجراء ؟
شكرا اختي لاهتمام
IRAQ.CA
-
UP
-
اخوان انا خبطت عندي الموضوع قديم والاخ السائل يريد جواب على جواز G ما بي اقامة.
اخي السائل اكتب مشكلتك على انفراد حتى نكون بالصورة وتكون اجابتنا صحيحة.
-
اخي بدل مادورت بلارشيف خلي الموضوع على العام حتى تحصل ردود وجواب مقنع لان هواية اخوانة واخواتنة من مصر بما فيهم حضرتى بلتوفيق
-
شكرا لاخوتي واخواتي راح اسوي موضوع
IRAQ.CA
-
أخواني وأخواتي اللى يروح للصليب الاحمر والتحرير ويسقط الاقامة لازم تكون أقامته على البطاقة الصفراء بس
واللى أقامته على الجواز ميروح ولا يسقط يسافر وبس هذا اللى أعرفه من عوائل هوايه سافروا بهذه الخطوات
وأن شاء الله نسافر كلنا ونرتاح ونخلص من كل هذه الخطوات
آآآآآآآآآآمين يارب العالمين