ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقيه للموت في 12:35 14/07/2009
-
مساء الخير عليكم جميعا
ممكن تساعدوني بخصوص هذا الموضوع ؟
أني طبعا مقبوله لامريكا
وعندي ابني عنده حول بلعين وكسل وضيفي
ووديته كالولي ابنج محتاج عمليه
وكلي الدكتور انه العمليه لازم تنعمل هسه
لان كلما يكبر تكبر المشكله
المهم تكاليف العمليه كلش غاليه ومااكدر اسويها
سؤالي هو ؟
اذا رحت لامريكا هل اكو امكانيه يسووها هناك همه
على حسابهم
لان اني سمعت كالولي انه العين والسنون ميسون هناك
فارجو من الي عنده اي معلومه بخصوص هذا الموضوع ويكدر يفيدني
علما انه اني مسافره ان شاء الله قريبا
لشيكاغو
اتمنى ان تسألون بخصوص هذا الموضوع
وتردولي الجواب واكون ممنونه الكم
تحياتي للجميع ومشكورين مقدما
-
مرحباً
خيتي اني مشاركتي با الموضوع بس لان ادعيلج ربي ايعافي ابنج و ايتربة ابحضانج ياربي العالمين و اني اسف لان ما اعرف الجواب ربي ايفرحج يا الله تحياتي الج
-
يسلمـــــــــــو
مشكور خيو على مشاعرك النبيله
وان شاء الله الي يعرف شي
يفيدني بهذا الموضوع
-
لا تضوجين يا خيتوا أن شاء الله أحد الأخوان أو الأخوات يجاوبج وينطيج كافة التفاصيل ...والكل يدعيلج وأن شاء الله يصير زين ويكبر ويعبر هاي المحنة يا رب العالمين...
أبو سارة
-
لا حول ولا قوة الا بالله
اذا حضرتك بالعراق اكو جهات معينه تنطي معونات ماديه للمحتاجين لغرض اجراء العمليات الجراحيه
اعتقد هذا افضل لان بامريكا علاج العيون مكلف جدا وهو غير مشمول بالضمان الطبي
اختى ان شاء الله راح احاول اسعى بهذا الموضوع عسى ولعل اني اكدر اوفرلك ولو جزء من العلاج
تحياتي
-
الله ينطيكم الصحة والعافية ويعينكم ويصبركم وان شاء الله تفرج عليكم
اختي العزيزة تكدرين تسالين المنظمة بالدورة التثقيفية والجماعة ان شاء الله ميقصرون وياج
تمنياتنا لك بسلامة الوصول وراحة البال والصحة والعافية
اخوك ابو محمد
-
السلام عليكم اختي العزيزة اني اكلج كلمة واني اخوج ماعليكي غير بس بدعاء الئ الله سبحانة وتعالئ
اصبري وصابري
اخوج ابو عراق
-
الاخت عراقيه للموت
اولا اهلا وسهلا بين اخوتج وخواتج
اختي بنسبة لسؤالك انت تكولين انو انت مقبولة لامريكا وانشاء الله توصلين بخير وسلامة
اختي العزيز من توصلين عندج تقارير الاطباء وراح تعرضيها هناك من توصلين من تسوين الفحوصات الك ولبنك ولكل عائلتك وبنسبة لابنك راح يكون تامين مغطي لحد ما يبلغ عمر 18 سنه فاذا احتاج عملية راح تكون كل المصاريف على دولة اما ما تم ابلغك بي انو العيون مو من ضمن التامين هاي الامور البسيطة وليست الامور والعمليات الضرورية وارجع واكلك الاطفال ليسوا مثل الكبار فلهم تامينهم لحد 18 سنه
ادعوا بشفاء العاجل لابنك ولكل الاطفال
تحياتي
تايكر
-
أختي عراقية للموت
أدعو لكي ولأبنك بالشفاء العاجل والعيش السعيد وراحة البال
إذا أوراقكي جاهزة للسفر أقول لكي توكلي بالله وسافري وهناك راح تلاقين العلاج الكافي لأبنك خصوصا ً اذا كان تحت عمر 18 سنة
والله يسهل أمركي وتسافرين وترتاحين وتلاقين كلشي يفرحكي – آمين
-
الله يوفق الجميع
محبة
أم يلدا – مترجمة - عمان الأردن 2005 – في انتظار التجييك الأمني
-
مشكورين للجميع
طمنتوني الله يطمنكم ويريح بالكم أن شاء الله
أن شاء الله اسمع عنكم الاخبار المفرحه دوم
مشكورين ومقصرتو الله يبارك بيكم
تحياتي للجميع
-
اختي عراقية انشاء يتربى بعزج ويكبر كدام عيونج بصحى وعافية والله اني حسب ماكالو اهلي لانهم با امريكا اكو منضمات وبرامج ممكن اساعدج بقسم من المبلغ لا اجراء العملية لان صحيح الاسنان والعيون والتجميل با امريكا من الامور الغالية كلش ويارب الموفقية والنجاح والسلامة والصحى الجيدة لا ابنج ويتعافة با اقرب وقت حطي عينج بعين رب العالميين وهوة ارحم الراحمين
-
ان شاء الله سلامات
حتى لو ما غطاه التامين اكو جهات خيرية كثيرة راح تساعد بعلاجه.
-
مشكورين على مروركم
وردودكم ومشكورين على مشاعركم النبيله
الرب يباركم