ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو عراق في 21:48 14/07/2009
-
اليوم اتصلوا المفوضية في دير غبار وخذوا معلومات عني وعن عائلتي وتفاصيل كاملو تقريبن ربع ساعة
تحجي الموظفة وياي سوالي الكم اخواني هل هذا توطين
هل هذا المعلمات اتخص التوطين لو لا وجزاكم الله الف الف الف خير
اخوكم ابو عراق
-
اخي العزيز ابو عراق
انت من رجعت للمنتدى كلت جنت ملتهي وية التوطين ؟؟
وهسة تسال على مخابرة منهم ومتعجب منها ؟؟
زين لعد ياتوطين ملتهي بي جنت قبل سنة ؟؟
وهي مخابرتهم ادل على دراسة ملفك حاليا وان شاء الله عن قريب يتصلون بيك تحضر للمقابلة باذنه تعالى
الله كريم ان شاء الله بيها الخير
اخوك ابو محمد
-
اخي لو توطين جان كالت طلعلك توطين وتعرفك شنو معنى التوطين
لكن هاي يمكن دراسة لملفك وهذا شي ايجابي يدل على الحركة وان شاء الله يحولوك توطين قريبا .
-
عزيزي اذا الموفضية اتصلت واخذت معلومات عن عائلتك والمعلومات كانت عن العمر يعني با اختصار شجرة العائلة يعني معناهة ديدرسون ملفك مثل ماتفضل الاخ العزيز حيدر او عدهم معلمومات ناقصة حبو ايكملوهة او يتاكدون منهة وهذا شي ايجابي لمعاملتك مع تحياتي اخوك جوزيف
-
زين لعد ياتوطين ملتهي بي جنت قبل سنة ؟؟
اخوية مهاجرين
والله خليتني اضحك من كل قلبي على ردك للأخ أبو عراق
أخوية أبو عراق انت صار لك سنة تارك المنتدى وقلت لاهي بالتوطين
وبعدين انت لحد هسه ما تدري هذا توطين لو لا
جا منو يدري يا خوية هههههههههه
المهم عزيزي أنا اللي أعرفه أن اليو أن هي اللي تنطي التوطين في بلد ثالث
والأي أو أم تسفر العراقيين لأمريكا
ف السؤال اللي يطرح روحه هنا.. اشلون ملفك انتقل من اليو أن إلى الأي أو أم وأنت ما تدري؟؟
غير ماخذ توطين والملف انتقل لمرحلة الهجرة؟
سؤال آخر
هل استلمت الكرت الأزرق من اليو أن خلال السنة اللي غبت بيها؟
أما بالنسبة للمعلومات اللي اخذوها منك
أعتقد مثلما قالوا الزملاء قبلي – هي لدراسة الملف الخاص بك
بس بكل الأحوال اتصالهم يبشر بالخير افضل من الصمت اللي يجيب لنا القلق
الله يوفق الجميع
محبة
أم يلدا – مترجمة - عمان الأردن 2005 – في انتظار التجييك الأمني
-
السلام عليكم اختي ام يلدا عبالي تفهموني علئ الطاير اني اول كلامي كلت ملتهي بلتوطين
وصح اني كل فترة والثانية اروح عندهم حتئ من انزل من التكسي الشرطي بلباب ايكول اهو هم انت اجيت
فهذا القصة الي كتلكم اني ملتهي بيها
اخوج ابو عراق
-
وعليكم السلام أخوية ابو عراق
احنا أهلك ونسولف وياك سوالف أهل بيت واحد
بصراحة ما افتهم يعني شنو سنة كاملة انت لاهي بالتوطين
هي عدد محدد بالمقابلات وينتهي الأمر
يعني انا افتهمت انك ماخذ توطين ولاهي بالصور والمعاملة وباقي تفاصيل الفحص .. الخ
لأن كل المجموعة افتهموا نفس الشي
اتمنى لك التوفيق والسعادة والنجاح
-
الله يوفق الجميع
محبة
أم يلدا – مترجمة - عمان الأردن 2005 – في انتظار التجييك الأمني
-
مشكور اخوية حيدر علئ دعائك الية والله فرحتني حسيت انت عراقي اصيل بدعائك الاخوك
تحياتي الك ومن في المنتدئ
اخوكم ابو عراق