ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي للابد في 23:24 14/07/2009
-
اخواني الاعزاء اذا اكو احد يكدر يساعدني ، اني هسه خاطب و الحمد لله قابلت محلفين واستلمت الرد الحمد موافقة ، فسؤالي هوة اذا رحت وعقدت قبل ما اروح اكدر من اوصل اقدملها من هناك وشكد يطول الموضوع ، اتمنى منكم اخواني اللي يكدر ينقذني و يساعدني ويجاوبني و يريحني لان سمعت انه ما اكدر ادز عليها الا احصل الجنسية ، اتمنى الموفقية للجميع انشالله
-
وراك حصبة وجدري
انا ما اعرف اشقد تطول المعاملة سواء عقدت هسه وتريد تتزوج هسه – اشقد راح تتأخر
أو تريد تعقد وتسافر وبعدين تدز وراها
لازم اهل الأختصاص يجاوبون هذا السؤال
لأن هو لم شمل عائلة واحدة تصير تطوالة
مو تتزوج والزوجة شخص غريب عن العائلة ولازم تنضاف على ملفك.. أكيد بيها سين وجيم
واترك المجال للزملاء
وأتمنى لك التوفيق والنجاح والزواج السعيد والبيت الجديد
-
الله يوفق الجميع
محبة
أم يلدا – مترجمة - عمان الأردن 2005 – في انتظار التجييك الأمني
-
والله نفس مشكلتي وهم اني حاير بهاي السالفة
اهل الاختصاص الحكولنة
-
كلام الاخت انجي صحيح لا يحق لك الا اذا تاخذ الجنسية اما على وايت كارد انسى او من تحصل كرين كاردت وشوف شكيد راح طول المعاملة بدائرة الهجرة او عندك حل ثاني انو تزوج هسه وضيفها وتعيد مقابلة من جديد وتنتظر جواب من جديد
-
أش قلتلك اخويا بغدادي؟؟
مو طلع وراح حصبة وجدري؟؟
هسه لو تتزوج وتعيد كل المقابلات وراح يقابلون خطيبتك ويجري عليها نفس ما جرى عليك
وبعدين تنتظر تطلع النتيجة – وانت شايف الوضع هسه مال استلام الظروف
لو تطلع وبعدين ورا استلام الكرين كارد (مرور سنة على الأقل) حتى تقدر تسوي لها لم شمل بعد أن تكون سلمت لهم اوراق العقد الرسمية
والله يسهلها عليك شوف انت شنو راح تسوي – هم اكتب لنا حتى نكون على دراية
والأخت آنجي ما قصرت والأخ تايكر هم ما قصر وياك بالرد
-
الله يوفق الجميع
محبة
أم يلدا – مترجمة - عمان الأردن 2005 – في انتظار التجييك الأمني
-
حيييييييييل الا احصل الجنسية ؟؟؟؟؟
خلي اطلكها احسن واتزوج عراقية من امريكا ...
همزين كلتولي
-
وردة solid
أنت حسبالك الحصول على زوجة عراقية من امريكا أمر سهل؟؟
زوجة عراقية في أمريكا سهل؟؟
عزيزي معظم أقاربي يجون سوريا يتزوجون عراقيات لو يرحون للموصل يتزوجون عراقيات مع العلم هم عايشين في امريكا وكندا حوالي 30 – 40 سنة.. بس من يردون يتزوجون يجون للشرق الأوسط يختارون عراقيات
أو على الأكثر بين الأقارب والمعارف يزوجون وبعدين يدزون العروسة للبلد اللي ساكن بيه الزوج..
-
الله يوفق الجميع
محبة
أم يلدا – مترجمة - عمان الأردن 2005 – في انتظار التجييك الأمني
-
ادري بيهة مو سهلة اختي العزيزة بس مو بيدي اي شي ثم اني عقدت ورة ما كملت كل المقابلات ، ولو ادري بيهة هيجي السالفة والله ما اعقد و اورط روحي.
الله كريم ، خلي نشوف شون تصفى والتسهيل من رب العالمين
-
الاخ بغدادي السائل عن لم شمل الزوجه احب اوضحلك هاي النقاط (عن تجربه ومتاكده منها)
اولا :تكدر تسحب زوجتك اذا عندك وايت كارد بحاله كونك لاجئ يعني اذا دخلت لامريكا بصفه لاجى يمكن ان تسوي لم شمل لزوجتك ولاولادك تحت سن 21 والفورم تكدر تشوفه بموقع وزاره الخارجيه الامريكي وهو فورم i-730
ثانيا: اذا انت مجرد خاطب ومعاقد فلازم تعقد باسرع وقت وتقدم عقد المحكمه بالاي او ام باي دوله انت بيها وبهاي الحاله راح يخيروك اختيارين ياما تضيف زوجتك لملفك وتقابلون محلفين من جديد وتنتظرون موافقه من جديد ياما تسافر انت واول متوصل تقدملها معامله لم الشمل..
اني انصحك بالحل الاول .صحيح انتظار واعاده محلفين بس مو مثل الانتظار بمعامله لم الشمل واذا تبقى تنتظر ويه زوجتك احسن بهوايه من ماتروح هاي من جهه..من الجهه الثانيه حسب الدوله الي انت بيها اذا كنت بعمان فاعتقد الحل الاول راح يكون مناسب جدا الك لان عمان زينين ومنظمين وسريعين امام اذا كنت مثلا بسوريا فاحتمال تنتظر فتره حتى يضيفون ملف زوجتك وتنتظر حتى يحولوك للمحلفين من جديد ولاتنسى انت ظروفك تختلف عن ظروف غيرك يعني الموضوع لازم انت تقدره.
ثالثا : معامله لم الشمل اهم شي بيها هي الصور يعني لما تقدم المعامله لازم ترفق وياها عقد الزواج وصور كثييره يعني حاول قدر الامكان تاخذ صور هواايه هوايه ويه خطيبتك او زوجتك وويه العائله لان راح تساعدك وخاصه انت راح تتزوج قبل سفرك بفتره قصيره وماعندك اطفال..وطبعا معدل فتره الانتظار سنه ونص او اكثر
او اقل والزوجات دائما معاملتهم اسهل من الازواج.
رابعا ااكدلك من جديد اذا تروح لامريكا كلاجئ تكدر تقدم لزوجتك..اذا عندك اي سؤال عن المعامله والاشياء المطلوبه او اي سؤال ثاني اسالني .
ومبروك مقدما عالزواج..
-
حبيبتنا الغاليه علينا كلنا انجي الاخ ما كذبك ولا يمكن لاحد يشك بمصداقيتك بس اعتقد المحامي مو دائما على اطلاع بكل القوانين لان هو مو كمبيوتر حتى يحقظ كلشي ويمكن الاخ كلامه صحيح نكدر ندخل على الموقع مال وزارة الخارجيه ونتاكد من الفورم اللي يحجي عليه وهذا مو معنا حشاك انتي تكذبين بس المحامي يمكن غابت عنه هاي المعلومه لان هو ما يكدر يحصر كل القوانين بعقله اني عندي محامي صديق بمصر كلش يعجبني من اساله على اي شغله يروح على الكتب مالته ويدور على الاجابه قبل ما يجاوبني حتى ينطيني معلومه صحيحة ........تقبلي مروري
-
اخويه العزيز
اني راح اكلك تجربه صارت كدامي اني لم اجيت حطونا انى وعائلتي ويا عائله عراقيه اخرى جايه بنفس اليوم ويانه ام وابنته وهي منفصله عن زوجه
الاب والام على اساس يرجعون لبعض فكالولهم نسوي لم شمل
فطبعا المنظمه سالت كلوله لم الشمل للوايت كارت يصير ما بي اي مشكله لاكن للاقرباء من الدرجه الاولى يعني الزوجه تكدر اتسويله لم شمل بس لانوا منفصلين مصار الموضوع و حاولوا يخلون البنت هي اتسوي لم شمل لابوه لاكن النت قاصر 13 سنه علمود هيج مصار الموضوع بس اكدوا انوا اذا
تاخذ ترفل دوكيومنت وتروح لعمان و تعقد وترجع تكدر تسوي لم الشمل حتى لو على الوايت كارت
واني كنت المترجم بهاي الجلسات لذلك اني متاكد
-
Persons who entered the United States as a refugee or were granted asylum in the United States and have a spouse, minor child or parent, may be eligible for family reunion under the United States Resettlement Program. Beneficiaries must be refugees residing outside of their country of origin. The relative must file an “Affidavit of Relationship” (AOR) which is a document used by the U.S resettlement program (administered by the U.S. Department of State) for persons applying for family reunification. AORs must be filed through a resettlement agency. The United States has temporarily suspended this program due to fraud. For more information, see: http://www.state.gov/g/prm/rls/115891.htm
http://www.unrefugees.org/site/c.lfIQKSOwFqG/b.5115513/
اعتقد ان هذا البرنامج الوحيد الموجود و لاكن مثل ما هو واضح انه معلق بالفتره الحاليه لكثر طلبات اللجوء الاخرى و ممكن مراسلت الجهات المذكوره للتاكد
-
اختي العزيزه انجي اني تره مكذبتج ولاقصدي هذا الشي لان هذا الكلام اصلا مو من عندج وانما من المحامي.. والمحامي اكيد ماافتهم شنو الشغله بالظبط لان اني اكدت انه فقط اللاجئ ووايت كارد يكدر اما بالنسبه للمهاجر ووايت كارد مااعرف يكدر لو لا بس هو already راح ياخذ الكرين كارد ويكدر يقدم..المهم انشالله الموضوع ميصير زعل وغير اشياء..واني حبيت اشرح كل شي واوضحه حتى الاخ السائل يحصل جواب سريع واكيد لان اني متاكده هسه هو بموقف صعب ولازم يستغل الوقت واحتمل يحددوله موعد سفر باي لحظه وهو ليهسه معاقد ولا ضايف زوجته.. واكيد انتي هم قصدج تساعديه بس صار سوء فهم بالموضوع..
شكرا للاخ حسين جوابه ..بالنسبه لاجابتك الثانيه بس حبيت اوضح انه البرنامج الي متوقف حاليا توقف العمل بيه بشهر العاشر الفات لانه حالات احتيال كثيره صارت وخاصه اللاجئين من افريقيا..بس هو مو البرنامج الوحيد وانما البرنامج الثاني ..اما البرنامج الاول فهو فورم i-730 وعلى حد علمي وسمعت انه هذا الفورم احسن من البرنامج الثاني..واهم شي لم الشمل عن طريق هذا الفورم بعده موجود وماشي .
-
يعني الي يحصل كرين كارد ميكدر يتزوج وحدة من العراق الا بعد خمس سنوات ؟؟؟!!
-
بارك الله بيكم اخوان وخصوصا الاخ dento_10000 ريحتني الله يريحك لان البارحة من سمعت الخبر جان اسوء يوم بحياتي الله يوفقك و يوفق جميع الاخوان اللي حبوا يساعدوني ، اوكي اهم شي انو انشالله من اوصل اكدر اقدملها لان هسه ما اكدر اضيفها لان هيه اصلا باقيلها سنه ونص تكمل كليتها ، فان شاء الله نعقد واكدر على متكمل دراستها تكون المعاملة ان شاء الله كاملة ، حقيقة هذا الموقع مفيد جدا .
اشششششششكركم مرة ثانية اخوان ويا ربي الموفقية للجميع
-
رحمة الله والديكم اخواني
صدك ريحتوا كلبي
بارك الله بيكم ويارب ينطيكم على كد نياتكم
وعلى كد تسهيلكم امر الناس
-
عاشت ايدكم جميعا.......بس سؤالي للي عندهم خبرة وسائلين بالموضوع كم حوالي تتأخر معاملة لم شمل الزوجة في حالة الشخص عندة كرين كارد؟؟؟؟
-
اخي حيدر 82 اذا عندك كرين كارد تكدر تقدم ومتحتاج تنتظر للجنسيه ..اخي سولد سنايك و بغدادي مبروك مقدما وانشالله تمشي الامور بسهوله بس اهم شي لاتنسى الصور..اخي عزاوي معامله لم الشمل تختلف مدتها من شخص لشخص يعني انت اذا مضبط امورك ومجهز اوراقك وتعرف شنو راح يطلبون منك ومن زوجتك وتقدملهم ياه بسرعه معاملتك راح تمشي بصوره طبيعيه والمعدل هو سنه واحتمل شويه اقل باحسن الحالات او اكثر بس هاي المعامله طبعا مو مضمونه يعني اذا الاوفسر او المحلف مقتنع بقضيتكم كلش عادي يرفض المعامله فاتوقعوا كلشي.