ankawa
منتدى الهجرة واللجوء => الهجرة و واللاجئين => الموضوع حرر بواسطة: ام شهد في 01:21 15/07/2009
-
اعزائي واخواني بالمنتدى ارجو ممن لديه معلومات جديده عن لاجئييين كندا بلكي يفيدونه ويفيدون اعضاء المنتدى بمعلمومات جديده وخصوصا لجماعة دمشق لان الجماعه بالسفاره بيانهم نسونه وحسبتهم وخلكهم كلش طويل وامرنه لاالله بلكي الله يفرجها بيوم وليله . الغريب كل ماافوت من يم السفاره الكنديه ارفع ايدي واكول يارب شوكت يتصلون ههههههههه رح نحجي ويه نفسنه بالاخير . اختكم ام شهد
-
اهلا وسهلا اختي ام شهد
واحنا مثلج هنا بمصر السفارة لا حس ولا خبر ودننتظر الفرج كل شهرين او 3 يالله يسفرون فد 3 عوائل على فكرة احنا هنا مسميها سفارة الصبر
ماعدنا غير الله وهو يفرجها على الكل
-
اهلا وسهلا اختي ام شهد
واحنا مثلج هنا بمصر السفارة لا حس ولا خبر ودننتظر الفرج كل شهرين او 3 يالله يسفرون فد 3 عوائل على فكرة احنا هنا مسميها سفارة الصبر
ماعدنا غير الله وهو يفرجها على الكل
[/quot
اي ولله ياعزيزتي بس شنسوي كملنه الفحص الطبي من الشهر الثالث والجماعه اخذوها سكته واحنا كل يوم يمر بنااار وتحترك اعصابنه امرنه لاالله ويارب كل تاخيره بيها خيره بس يكون تنتهي نهايه زينه مال صبر سنين بغربتنه والله يفرجها عليج وعلى كل واحد ينتظر مثلنه يااختي العزيزه
-
اخواتي العزيزات ام شهد ... ناردين
اني من اسمع هاي السوالف مال الصبر اريد ابجي لان الكل تعاني من نفس الموضوع هو الصبر
صدكوني ماعدنا غير الله هو الوحيد اليفرجها بس كولو يالله وربكم ما ينسى عبده
ونرجع ونكول الصبر (اصبرو فان الله مع الصابرين)
اخوكم / الفريدو
-
اختنا العزيزة ام شهد موبس انت تتمنين تسمعين اي جديد عن خطوات سفارة الصبر كنداوخصوصا .......هنا في مصر وانا اتساأل اين الاخوة(سوسر,المهجرة,بسمة امل,ابو النخوة,احمدالغريب,صابروراضي)وغيرهم لاتسغفني ذاكرتي بأسماءهم ارجوا منكم اخواني التعاون معنا فيمااذا كان اي احد منكم يعرف اي تطورجديد لأن مامعقولة هذا السكوت صاراكثر من شهرين وماكو اي حركة وخصوصا في مصر
-
اختي ام زيكو ,صابر وراضي دخل قبل فترة وكتب راح اسافر وبعدين اكتبلكم التفاصيل وغط والغطة غطة
-
اي اخونا المحترم الفريدو ....مليت واني اكتبلة بوقتها يامعود بس جاوبنا انت في اي بلد ومتى موعد سفرك وللاسف ابد ماجاوب ! اتمنى من الاخوة ان يتعاونون مثل ماجماعة امريكا متعاونين
-
تحية وسلام للجميع
أخواتي وأخواني
انا من يوم الأحد لحد اليوم الأربعاء اتصل على مكتب الأي أو ام
التلفون يرررررررررررررن وما أحد يشيله
الصبر وين بعد مو صارت الأسابيع اشهر وسنين
خلال شهر التاسع أكمل أربع سنوات انتظاااااااااااار يم التلفون!!!
بعد أكو صبر أكبر من هذا؟؟
الحمد لله والشكر على كل مصيبة وبلاء
-
الله يوفق الجميع
محبة
أم يلدا – مترجمة
-
الاخت ام يلدا المحترمة حضرتج في اي بلد ؟ وماذا تقصدين بالانتظار 4 سنوات ؟ هل انت متحولة من الامم المتحدة (لجوء)اقصد توطين صارلك 4 سنوات ام مقدمة طلب هجرة مباشر عن طريق السفارة؟ وماعلاقة الIOM؟ ارجوا منك التوضيح وان شاء الله تسهل امورك ويتصلون فيك باسرع وقت وترتاحين يارب
-
سلام للجميع
اخوتي الكرام احب ابلغكم ولو اعرف هذا مو من حقي بس الاخت المهجرة مسافرة من شهرين تقريبا الى كندا وكلتلي سفري اجى بسرعة هذا الي اكدر اكولة
اخويا الفريدو واخويا عبسي اشكركم على كل معلومة تقدموها والله يوفقكم وتوصلون بالف سلامة عن قريب انشاء الله
اختي ام زيكو قبل يومين سمعت عائلة من مصر وعددهم 5 راح يسافرون بس ما اعرفهم اني اذا اكيد السفارة اتصلت بمجموعة
الله كريم وتفرج ياعراقين
-
السلام عليكم اخواني الاعزاء طبعا قبل فترة كتبت موضوع عن جماعة كندا وردت من الجماعة الي متحولين على كندا واقصد مصر بالتحديد المشاركة وللاسف محد شارك ويانه ما ادري ليش على العلم اسمع اني اكو ناس تسافر الى كندا ومن مصر والاخت ام زيكو حقه تعتب فيا اختى لا تعبين نفسك تره هواية حجينا بخصوص تواصل المتحولين على كندا والنتيجة محد يشارك والله كريم انشاء الله تفرج على الجميع اخوكم ابو نخوة
-
صباح الخير للجميع
اخويا ابو النخوة كلامك صح جماعة مصر مو متعاونين ابد
بس حبيت ابلغك بانه اتفقنا احنا و3 عوائل الخ نكتب طلبات للسفارة الاسبوع الجاي ونشرح ظروفنا وبانه المدارس اقتربت وهي السفارة صحيح ماتهتم بس هي محاولة وعلى فكرة اني اتصلت بموظفة بالامم المتحدة بقسم التوطين الي تحول على كندا وشرحتلها الظروف وانه اكو عوائل من شهر 11 دتنتظر جاوبتني بانه السفارة الكندية اجراتها بطيئة جدا وانه الي ديحولوهم هسة على كندا ماراح يسافرون الى 2011 على فكرة الامم المتحدة الها حق تسال السفارة وعدها تثير عليهم
الله كريم وتفرج انشاء الله عن قريب
-
السلام عليكم اختي العزيزة ناردين بالنسبة الى السفارة الكندية اتصلت بها اكثر من مرة وشرحت الهم موضوع المدارس بالنسبة للاولاد واقتراب الموسم الدراسي وكان جوابهم ليس لنا علاقة بهذه الامور وصحيح كلام موظفة الامم المتحدة على ما اذكر اول ما تحولنا الى كندا كالت موظفة اليو ان ان السفارة الكندية بطيئةجدا وهذا معروف على جميع سفارات كندا بكل الدول واريد ان اضيف معلومة لي صديق معاملته بالسفارة الكندية في مصر وهو لحد هذه لم يستلم جواب منهم بخصوص اوراق الفحص علما انه قابل بالشهر 2- 2009 ولحد الان اي خبر ماكو علما هو دائما يتصل بيهم ويبعثلهم فاكسات واميلات للسفارة الكندية في مصر واخر مره لو تعرفين شردو عليه كلوله لاتتصل بعد ولا ادز اي فاكس وهذا مو بصالحك لان احنه نعرف شغلنا كلش زين وما نحب احد يدخل فيه اختى اخاف تسون طلبات للسفارة وهذا ما يكون بصالحكم وانتو صارلكم فترة منظرين فانشاء الله خير ما بقى الا القليل واني هم مثل حالكم مخلص فحص ودورة من شهر 5 وخليها على الله وقبل فترة اني اتصلت بموظفة الامم المتحدة وبلغتني انو السفارة الكندية سوف تنجز كافة معاملات العراقيين الي مكملين فحص وتسفرهم قبل حلول سنة 2010 هذا حسب ما كالت ومن الله التوفيق اخوكم ابو نخوة
-
عيوني ام شهد الاعضاء الموجودين
كندا اطول اللجوء اقل شي سنة
اني خالتي طلعت كندا
من سوريا
لمن تروحون اهناك ترتاحون
اكو راتب اكو شغل
اكو حضانة الاطفال
تعليم اللغة مجانا
العراقين كثرة ونز
اكو منطقة الي ساكنة بيهاخالتي فان كوفر هم بيها عراقين
رادلكم صبر
تحياتي
-
الف شكر لأخونا (ابونخوة)على هذه المعلومات ونتمنى من رب العالمين ان يسهل امرك وامرنا وامر الجميع وادعيلك بقرب السفر والراحة واتمنى من الجميع ان يكونون متعاونين مثلك