ankawa
منتدى الهجرة واللجوء => الهجرة و واللاجئين => الموضوع حرر بواسطة: white_rabbit في 03:30 15/07/2009
-
مرجبا اخواني وخواتي
اريد اعرف المرحلة ما بعد التوطين كم تاخذ من الوقت حتى يتحول الملف الى iom لان اني بصراحة
صار الي شهرين 23 يوم وما تحرك ملفي وماكو احد اتصل بينه فارجو من الاخوة والاخوات المشاركة
واريد اعرف الفترة من التوطين الى iom بالتاريخ اني موجودة في الاردن
ولكم فائق احترامي
-
اخويه العزيز بعد مقابله التوطين والموافقه عليها يذهب ملفك الى لبنان وهذا اجراء روتيني للمصادقه عليه وهذه تاخذ فتره بين اسبوعين الى ثلاثه اشهر وعندما يصادق عليه يرسل الملف الى اليو ان وبدورها تحوله الى منظمه الهجره الدوليه iom وستقوم المنظمه بالاتصال بك لتحديد موعد لاجراء المقابلات لك
تحياتي
-
اخي وايت رابت
بالنسبة لي عندما قابلت توطين في الامم المتحدة قالت لي محامية امريكية الي قابلتني خلال اسبوعين راح يتصلون بيك الاي او ام وبالفعل 13 يوم واتصلوا بية وانطوني موعد .
ممكن يصير تغيير بالاوقات لكن شهرين يمكن هواية خاصة انه اقربائنا قابلوا توطين قبل 10 ايام وقالوا لهم انتظروا حوالي شهر حتى يتصلون بيكم .
الي تكدر تسويه انه تتصل باي او ام عمان وتقول لهم انه انت قابلت توطين من شهرين ومحد اتصل بيك وهذا صار وية احد الاصدقاء وطلعوا متصلين بيه وممحصليه وبالفعل انطوه موعد.فقط اتصل بخط المعلومات IOM بعمان وانطيهم اسمك ورقم ملف اليو ان وبالتوفيق .
-
الله يسهلج اختي وان شاء الله البقية سهلة واللاخوان عكعك الخير وحيدر ماقصربالاجابة
اخوج ابو محمد
دمشق
وكل المراجب بيج ههههه
-
شكرا يا اخي عكعك واخي حيدر واخي مهاجرين على مروركم الله يطمن بالكم بس كم رقم IOM عمان
واي يوم اتصل بيكون افضل ???
-
0096265659660
0096265902280
0096265625089
0096265625426
وحاولي تتصلين قبل ال 12 الظهر علمود بعدهم مضايجين هلكد وفترة الغداء بعدها وينعسون وراها
وتدللين اختي
-
اختي العزيزة اني دزوا علية المفوضية من البداية لحد النهاية ثلاثة شهور
من الرابع الئ شهر السادس تقريبا ثلاث اشهر
واذا اتريدين اي تفاصيل اني حاضرة
-
شكرا اخي فرج على اهتمامك اني هم كانت مقابلة التوطين 22\4 واني كلش مستغربة لان كل معارفنه
واصحابنه ما صار وياهم مثلي :'( :'( شكرا مرة اخرة على مرورك
-
مع الاسف عزيزي حيدر ومهاجرين اليوم اتصلت iom بعده ملفي ما واصل عندهم وقبل فترة تركت رساله صوتيه في un وبعد ما وصل الرد ??? :'(
-
ان شاء الله يتصلون وتفرحينا بمخابرتهم عن قريب يارب
تحياتي
-
اتمنى لك التوفيق
تحياتي
اخوك ابو راشد
-
تسلم اخي مهاجرين ان شاء الله لجميع تفرج وشكرا اخي ابو راشد
تحياتي
-
اختنا الارنوبة البيضة
واحد من اصدقائي امقدم من سوريا اخذ وقت شهرين وعشر تيام ما بين مقابلة التوطين واول مقابلة اي او ام
وشكراً
بالمناسبة
اني همات احب الجزر
ههههههههههههه
-
اخي الارنب الابيض
اني بالنسبه اللي طولت 40 يوم بالضبط من مقابلة التوطين الى مقابلة الاي او ام بس اتصلو بيه علمود الكارد الازرق خلال هاي المده ومن رحت سويت الكارد الازرق هناك بلغتني البنيه انه ملفي متحول ورة 10 ايام من مقابلة التوطين بس هي الاجرائات شويه تطول فليظل بالك ان شاء الله يتصلون بيكم عن قريب
تحياتي toofy
-
مرحبا اختي ارنوبه..حبيت اسم الارنوبه البيضاء اكثر من وايت رابت...^_^..
حبيبتي حسب تجربتي احب اكلج ابدا لا تقلقين لانه احيانا الاجراءات تاخذ وقت والشغلة تختلف من شخص لاخر ..وهسه اكلج شلون ..انا قابلت توطين يوم 16/2 وعلى اساس المحامية خبرتني انه خلال فتره وجيزة راح يتحول الفايل مالتي للاي او ام ...لكن ظليت انتظر شهرين ونص...واتذكر اتصلت بموظفه الامم المتحدة فجاوبتني انه هاي الاجراءات تاخذ وقت وكلتلي يمكن حتى سنه وانا صارت عندي كآبه..بس اكتشفت بعدين انو كلامها مو صحيح لانه اتصلت بالاي او ام والموظف استغرب لويش انا شغلتي اتاخرت كل هاي المده وكالي خلي اتاكد من رقم موبايلج لانه ممكن يتصلون بيج وما يحصلونج...واتذكر هم انه خلال هاي الفترة سجلت بهذا المنتدى الرائع حتى احصل على الدعم المعنوي لانه كانت عندي حاله كآبه من الانتظار ...وفعلا وجدت في هذا المنتدى حنيه اهلنا وطيبتهم ...وكانت مقابلتي الاولى في 6 شهر الخامس ...وهاي هيه وهسه صارت سوالف...ان شاء الله يتصلون بيج قريبا عزيزتي...
اختك myiraq
-
وايت رابت الي تكدرين عليه سويتيه واتاكدتي انه ملفج لهسة موصل للاي او ام وهسة ماكو غير الصبر وان شاء الله تاليها خير .
يمكن التوقيتات تتاخر شوية بين فترة واخرى واكيد يتصلون بيج قريبا .
انت تتوقعين الامم المتحدة يردون على الانسر مشين ؟؟اذا تريدين حاولي الى ان تحصليهم ولو ما اتوقع يفيدون بشي .
ان شاء الله قريبا الاخبار زينة للكل (ما اعرف اشو متفائل ) والله كريم .
-
اخي العزيز
كل ملف له خصوصية وانا شخصيا بقى ملفي في التوطين بعد ان سلمت الصور ثمانية شهور ونصف انتضر تحويل ملفي الى iom
وكل ما كنت اتصل بل يو ان او اذهب لهم بيحكون اجراءات , وان ملفك معقد وننتضر الاجراءتالى ان حولو ملفي بعد ثمانية شهور وخمسة عشر يوما الى iom
-
شكرا اخي مصطفى على مرورك واكيد الجزر كلش طيب ههههههههههههههههههههه
وشكرا اخي العزيز toofyعلى مروك الكريم
والله يفرجه عليكم
-
شكرا حبيبتي واخني myiraq على مرورك ومن صدق انت كلش طمنتيني والانتظار والله صعب لان لو باقين بالحماية هم احسن تسلمي والله يسهل امروك
تحياتي اختك
ارنوبه
-
تسلم عزيزي حيدر انت ما قصرت وراح اصبر والله كريم اكيد ما راح ينسانه رب العالمين
تحياتي
-
الله يعينك اخي raad rami كل هذا انتظاررررر بس كلش هواية :o :o
شكرا على مرورك والمعلومات عزيزي ويارب يفرجه عليك وعلينه
اااااااااااااااااااااااامين
تحياتي
-
شكرا حبيبتي واخني myiraq على مرورك ومن صدق انت كلش طمنتيني والانتظار والله صعب لان لو باقين بالحماية هم احسن تسلمي والله يسهل امروك
تحياتي اختك
ارنوبه
انا فرحانه لانه كلماتنا طمنتج ولو بشي بسيط ...بس ارنوبه حبيبتي حبيت اكلج انه لا تقولين لو ظال بالحمايه احسن لانه "لئن شكرتم لازيدنكم" فالحمد لله والشكر انه الملف تحرك للامام وبعدين لكل مرحلة تحدياتها وجاي تشوفين انه اكو اعضاء لحد الان ينتظرون الموافقة الامنية .وحتى اذا وصلنا لاميركا هم راح نواجه تحديات..فكولي يالله وان شاء الله التوفيق الك وللجميع...
اختك myiraq
-
مرحبا اخي حيدر اليوم اتصلت باليو ان وحصلت وطلبت الموظفة رقم الملف واسمي واخذت رقم الهاتف
وقالت الى اخر الشهر اذا ما اتصل احد بيج انت خابرينه وبصراحة ما فهمت شي
حتى سألته يعني بعده باقي ملفي بالتوطين لو رجع حماية قالت بعده بالتوطين
تحياتي
-
مرحبا اخي حيدر اليوم اتصلت باليو ان وحصلت وطلبت الموظفة رقم الملف واسمي واخذت رقم الهاتف
وقالت الى اخر الشهر اذا ما اتصل احد بيج انت خابرينه وبصراحة ما فهمت شي
حتى سألته يعني بعده باقي ملفي بالتوطين لو رجع حماية قالت بعده بالتوطين
تحياتي
الحمد لله ان شاء الله اكو نتيجة ما دام يكول اتصلي نهاية الشهر فيمكن والله اعلم انه راح يتصلون قريبا ان شاء الله .
بالتوفيق .
-
الله يسمع منك اخي العزيز حيدر ;D
شكرا الك على مساعدتي
تحياتي
-
ان شاء الكل يسافر
وبالجملة وبدون استثناء
وهية هناك عود تصفى
-
شكرا عزيزي مصطفى ان شاء الله الكل يسافررررر ويعوض صبر الناس خيرررررررررر
تحياتي
-
مرحبا اخواني اليوم صار لي 3 شهور شنو رايكم راح يتصلوووو بيه هذا الاسبوع
ادعولي حسب كلامهم المدة 3 شهورررر ويتحول الملف الى iom
-
مرحبا اخواني و اخواتي اعرف اني كلش تعبتكم ويايه يعني معقولة سبب التـأخير هو التوطين لدولة غير امريكا يعني الى دول اوربيه .
مع العلم اخذو مني 4 صور وسالت منو عندك بالخارج
وقلت له عندي في امريكا شيكاغو ارجو التوضيح لاني اعيش ظروف صعبة وبحاجة الى السفر انا وابنتي بعلمي هم يركزون على النساء الوحيدات والارامل واليوم صار لي ثلاثة شهور وعشرة ايام والله طلعت روحي من الانتطار وصبري خلص وكل احد اتصل بالتوطين وبعده ما متحرك اعرف طولت عليكم بس ما عندي
غير اهلي واحبابي في عنكاوا اشكو لكم همي
تحياتي
-
عزيزي وايت
يا نساء يا وحيدات؟
مو هاي أنا نساء وحيدات فريدات
شنو قدموه لي؟
أخي الكريم كل شخص له كيس خاص وتعامل خاص وطريقة خاصة
ماكو واحد يشبه واحد
انت لازم تصبر وتنتظر قسمتك يمتى اتصير
يعني لمه تكمل كل التحقيقات ويوصل دورك راح يخابرون يخابرون عليك ولا تقلق
احنا اهلك واخوتك واحنا نشيل همك ونصبرك ونقول لك:-
بس الصبر
والصبر مفتاح الفرج
اتوكل على الله ومشيها اشلون ما يصير ولا تلح عليهم خليهم هم يكملون شغلهم ويتصلون عليك
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثاني من السنة الخامسة انتظارا
-
شكرا لك اختي ام يلدا على مرورك اكيد ما عنده غير الصبر والانتظار :'( :'(
-
:'( :'( ??? :'(