ankawa
منتدى الهجرة واللجوء => الهجرة و واللاجئين => الموضوع حرر بواسطة: اين انا في 16:54 15/07/2009
-
شلونهم اخواني وخواتي انشالله الكل بخير يارب ...مثل مانوهت من قبل اني بلسويد وبعد معناة طويلة من الانتظار القاتل في بلد بارد من كل النواحي ..انسد فايلي وعلية مغادرة السويد..طبعا بعد محولات عدة للمنظمات لشرح قصتي انهو اهلي بغدادومكملين كلشي عل اي او ام بس دينتطرون .بس ااهنا مكدور يسولي شي رحت لل الصليب الاحمر ورحت ل UNHCR وخابرت عل اي او ام الي اهنا كالو روح عل سفارة عدل وكبل احنا مالنا علاقة...المهم اني شفت الشغلة متشجع راح الف راسي وارجع واطلع من اربيل اذا الله سهل ..ادعولي اخوان ...واحب اشكر الاخ عكعك الي مقصر ويايا بكل سوال سالتة الة والاخت Roea همين اشكرهاوانتو همين مقصروتو..وانشالله اسمع اخباركم الحلوة كلها واكيد راح ابقى على اتصال بل منتدى..اخوكم اين انا
-
الله يكون بعونك و يسهل أمرك
الصبر مفتاح الفرج ....
بس أخي شمعنه أربيل بالذات !! شيفيدك الرجوع لأربيل ؟
-
الله يعينك اخوية ((اين انا ))
والسفر كلها قسمة ونصيب وان شاء الله مكتوب الك الرزق بغير مكان وانت مو اول واحد يرجع قبلك كثيرين رجعوا وعندي اصدقاء 3 رجعوا قبل شهر او شهرين وهسة ببغداد ديحاولون يلكون شغل لو يرجعون لوظائفهم السابقة شي سوون ماكو غير حل
الله كريم اخي وان شاء الله يلتم شملك وية الاهل
اخي بالنسبة للرجعة مو شرط اربيل تكدر على مطار بغداد كلش عادي
تحياتي لك
-
الله ايكون ابعونك اخي اين انا . والله حرام من السويد الى العراق . وبهل وكت . موخوش توقيت . بس الله كريم اخويه . زين ميصير اتقدم على الاي او ام من العراق مثل اهلك.
-
تسلمون اخواني الاعزاء البصير والاخ مهاجرين بلا حدود وstarxb على كلماتكم الحلوة والي الواحد من خلالها يحس الاهتمام بل اخر ..الله ينوركم علطول يارب..
بلنسبة ل اربيل اخوية العزيز مهاجرين بلا حدود شوية اكو اكثر رحلات منا ..وهمين اني مااريد اروح عدل وكبل لبغداد الاسباب هواية ...!!
العزيز starxb صدكني اعرف الوكت محلو بس همين اهنا ديروح الوكت بدون داعي وهاي سنتين راحت مني اهنا اب بلد اتمنى محد يفكر يجي اهنا مو علمود اني مقبلوني بس اتمنى ينقلوكم شنو هوا الواقع بل سويد..شاااسوي بل نظام والنظافة ومعندي اوراق وهو الي عندا اقامة وضايج من نفسة النوب اني ..علعموم تسلم اخوية عل اهتمام وانشالله نسمع اخبارك الحلوة ...
اخوكم اين انا
-
الله يكون بالعون اخوية العزيز ويكتبلك بكل خطوة سلامة وعسى ان تكرهو شيئا وهوة خيرا لكم وعسى ان تحبو شيئا وهوة شر لكم يارب يكتبلك رب العالميين بلد ثاني ترتاح بية والله يحفضك برجوعك للعراق تقبل مروري اخوك جوزيف
-
اخوية العزيز راح اريح كلبك بقول رب العالمين :
بسم الله الرحمن الرحيم
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
رب العالمين يحبك لان اختارلك هذا الطريق
اتوكل على الله وخليها يمة
-
الله يعوض صبرك خير وانشاء الله يوفقك
-
اخي الله يساعدك وان شاء الله يعوضك احسن منها ..........اختك ايات
-
اخونا صاحب الموضوع الخير في ما اختاره الله لك وانت حاولت وسويت اللي عليك بس الوقت والظروف وقفت ضدك وهذا مو عيب بيك لا سامح الله ولكنها مشيئه الله تعالى ..
ياريت لو تقدر توصف لنا الاوضاع الحقيقيه للعراقيين في السويد خصوصا انه انت عشت سنتين و عرفت كل صغيره و كبيره هناك حتى تنفس عن روحك شويه و حتى يستفاد بقيه الاعضاء من كتاباتك ..
تحياتي لك
-
الله يساعدك اخويه اصعب شي الرجعه اوف اوف بس لا نرجع للعراق العضيم
-
الله يكون بعونك اخى العزيز وخيرها بغيرها وانى اشعر بمعاناتك لانى مريت بنفس التجربة مالتك فى السويد وقضيت اكثر من سنة وبعدها انرفضت ورجعت الى بغداد واخذت عائلتى وجيت الى لبنان وقدمت على الامم المتحدة واخبرتهم بانى انرفضت بالسويد ظلما وقدمت اوراقى انا والعائلة وحاليا صار لى سنه وانتضر دورى مع الاخوة واتامل الموافقة واتمنى لك التوفيق
-
انشالله اخوتي كلهم بخير ..اسف على الانقطاع عن المنتدى.. حبيت اشكر اخواني الي ردو بكلماتهم الحلوة ..
جوزيف العراقي تسلم اخوية على على كلماتك النابعة من كل قلبك تسلم اخوية انشالله تكمل معاملاتك انت همين وتسافر وتستقر يارب..
Solid Snake مااعرف شلون اشكرك بس الله شاهد اعتبركم صدك اخوة واصداقاء بدون مااشوفكم ..
free2ea شكرا جزيلاء على وانشالله نسمع اخباركم الحلوة بيحل الله ..
ايات اختي العزيزة تسلملي ياطيبة وانشالله اسمع يوم سفرج القريب
العغرس اخوية تسلم ياطيب على مشاعرك الصادقة وانشالله محروس بكل خطوة يارب ...بلنسبة الاوضاع العراقين هسة ماكو بلنسبة للمقدمين عل لجوء تقريبا ماكو يعني 10% اكو اقامات وهي همين حالات نادرة اكثر شي حاليا ديحصلون هما النسوان الي بوحدهم وهي همين بين فترة وفترة نسمع وحدة اخذت وكل وحدة وقصتها ...هاية وحدة
والي عدهم رفض واحد ديجي رفض 2 ورا 8 شهور ل 10 شهر مرات يعبر السنة ورا الرفض الثاني بمدة متعبر شهر ديجي رفض 3 ويا غلق ملف وطرد وطبعا اهنا ماكو لااستناف ولا كلشي ...وبهاية الحالة راح يكطعون راتبك شوية شوية علما تايس .وتوقع وترجع,,
بلنسبة المقمين حياتهم عبارة.عن كالت المدرسة وراحت المدرسة وكورس ومااعرف شنو واورق القصة طويلة اخوية بس هية عبارة عن اشغال الالجيئن العراقين بلمدراس والكروسات ودفع الفاتورات وطبعا هما يطون فلوس وانت تنطيها الهم يعني من الدخل الى الدخل يبقالك راتب قليل حاسبي بل ملم ..يعني اذا ملكيت شغل حياتك ابد متتطور والشغل اهنا ياعيني لو شيصير متلكا اقوا شي مطعم وهمين ماكو اكيد بي قوانين الابيض والاسود ..اني وصفت الحياة بلسويد عبارة عن سجن مفتوح ومااعرف بعد وصفي صح لو لا ..ومعلومة ورا ال7 العصر منع تجوال محت تلكى بل شارع ..اتمنى نقلت شي بسيط اتمنى الاخوة الي بلسويد محت يزعل مني ..
اخي باسم بلالو اعرف جاي تحس بمعانتي واهنيك عل اخيتارك الصح بل رجوع بااسرع وكت وانشالله تطلعك دولة بيها حياة اكثر من السويد.. انشالله تسمعنا اخبارك الحلوة..يارب
اخوكم اين انا بعدني بلسويد
-
الله يكون بالعون
-
الله يهيألك فرصه اخرى بأقرب وكت وانشالله احسن من هاي اللي ما صارت ... ربك كريم
سيزر
-
اخى العزيز اشكرك جدا واتمنى لك التوفيق وكل وصفك للسويد كان صحيح وممكن يكون اكثر بس احيانا الانسان لا يملك الخيار وهى قسمة وان شاء الله تتوفق فى غير مكان واحنا حاضرين لمساعدتك وشكرا
-
أخي الكريم أسأل الله عز و جل ان ييسر أمرك و ان يعوضك كل خير على تعبك و على صبرك
و الخير ما إختاره الله أخوي الغالي
و الله يا عيني أحنه ما نعرف خيرنه وين ، الله عزو وجل هو وحده العليم الخبير
الله يوفقك لكل خير و إن شاء الله تتوطن و ترتاح في مكان آخر
تحياتي
wingo من الأردن
-
الله يساعدك ....والله ويساعدالكل اللي امورهم متعلقه ......بس لا تنصدم بالعراق..تره الوضع بس زين شكلا وليس مضمونا ....واي شي تحتاج باربيل اني حاضر...اني من اربيل
-
[size=14pt[/size]
مشوار , سيزر, باسل بلالو ,: Wingo ,SIV .. اخوتي اشكركم من كل قلبي عل صدق مشاعركم واعرف مراح تقصرون .. ياربي اسمع اخباركم الحلوة بااسرع وقت والله شاهد افرحلكم من كل كلبي .. اخوكم
-
اخويه كول يالله والله سبحانه يفتح الف باب وانشاء الله نسمع اخبارك الطيبه وارجوا ان طمنا على حالك دائما
تحياتي
-
انشااللة ربي يوفقك بكل خطواتك وانشااللة تستقر بالبلد الي تريد بالتوفيق اخي
-
اخوية عكعك الطيب شلونك اخوية انشالله مرتاح والله كلبي مينطني اكول تطوى..شكرا عل سوالك اخوية واكيد اكول يالله وانشالله الابواب للكل مفتوحة اامين,,,اخوية بلنسبة الي اني بعدني بلسويد لان المسؤلة عل فايل مالتي رايحة فكيشن المصخمة لان تعرف اهنا ماكو شمس اقوا صيف اسبوع وهمين مطر بين سطر وسطر فكالت من ارجع اخابرك حتى احدللك موعد ونحجي بقضيتك وليهسة ماكو...
اختي AnGie شكرا عزيزتي على كلماتج الصادقة وانشالله عطلول نسمع اخبارج الحلوة يارب,,
-
الله يكون بعونك اخي و انشاء الله تتسهل امورك و هذا حال هواية عراقيين حتى اصدقائي 3 منهم وصلو بطلوع الروح من 2007 و هسة رجعو همة العراقيين ما عدهم حظ
-
اخوية العزيز عاشق تراب العراق تسلم اخوية الغالي عل الدعوة وانشالله تتسهل امور كل العراقين الطيبين يارب
-
الله يكون بعونك وتسهل امورك ان شاء الله
-
تسلم اخوية مهند الله يسهل امور الجميع امين..