ankawa

منتدى الهجرة واللجوء => الهجرة و واللاجئين => الموضوع حرر بواسطة: عاشق السفر في 21:57 15/07/2009

العنوان: تركيا اين انتم يا اهل الخير
أرسل بواسطة: عاشق السفر في 21:57 15/07/2009

اشلونكم يا غالين

اني اريد اسئلكم اني قررة اروح الى تركيا في الشهر ما اريد اضوجكمبس اتمنه اشوف الجواب لان هاي الشغلات  امدوختني يا ريت المساعدة

1-اول شي هسه في بغداد  اشكد سعر  الفيزة ومن وين تاخذة

2-اني اروح الى تركيا ايصير اجيب وياي مواد غذائية اني اريد اجي بري مو طيارة

3-من اوصل الى تركيا وين انطي وجهي يعني وين اروح الى اي مكان اني ما عندي احد اهناك وين الكي  العراقيين في اي مكان

4- هل من ممكن الكي واحد اهنا ايشوفلي شغلة  اي شي كانت بس كون  اتسدة الايجار و الاكل

5-ياربي انو كل مهموم الله ايفرج عنه ياربي  وكل محتاجة الله ايساعدة و مشكور منكم حيل يا غالين تحياتي للجميع

العنوان: رد: تركيا اين انتم يا اهل الخير
أرسل بواسطة: shaklawe في 22:23 15/07/2009

مرحبا بيك في اول خطوة في المجهول بس لللافضل طبعا

بخصوص الفيزا : تعذرني لان طالع من العراق العظيم صاري سنة وشوية فما اعرف

بخصوص المواد التموينية تكدر تجيب اشكد متريد واشكد ابو الباص ما يسمحلك
وجيب :تمن كونية او اكثر لان اهنا كيلو التمن من 3000 دينار وشيل ايدك, والجاي هم جيب كونية لان جايهم مينشرب, وقواطي لحم ماكو بتركيا هم جيب

من توصل تركيا تسجل بانقرة باليو ان بس قبل ذلك تكدر تتوجه للمحافضات مثل توكات ( تقاه) ايجار تقريبا من 250 ليرة يعني 250 الف واكو طعام يوميا الحكومة تنطيكم على حساب اليو   بس المشكلة ما كو شغل
في المحافظات

اذا تطلب اسطنبول اكو شغل بس الايجارات والاكل اغلى من بقية المحافضات

واي استفسار اني حاظر

اخوك شقلاوي اسطنبول البلاد المسحورة

العنوان: رد: تركيا اين انتم يا اهل الخير
أرسل بواسطة: العقل الجميل في 22:47 15/07/2009

اخي عاشق السفر اني بانقرا وكل يوم اشوف شباب وعوائل يجون ويروحون لان ما مفتهمين الوضع بالنسبة للفيزا روح للموصل عالسفارة التركية موجودين الاحد والاربعاء تنطي جوازك مثلا الاحد وينطوك فيشة بيها رقم تستلم الفيزا الاربعاء واذا تسلمه الاربعاء تستلمه الاحد وجيب غراضك وياك للموصل والفيزا اكيدة بالموصل كول رايج سياحة ينطوك مباشرة اخد الفيزا ويم السفارة تلكي مكاتب حجر لتركيا احجز هناك باص واذا ما تريد تنتظر الباص اركب سيارة من الموصل لزاخو مسافة قريبة مو بعيدة 40 الف دينار توصلك لابراهيم خليل المعر الحدودي لتركيا ومناك تطلع لسلوبيا مدينة تركية ب 15 عراقي وبالكراج بسلوبيا اكو مكاتب هما يجون عليك تطلع بباص سياحي لانقرا ب 65 ليرة تركية علما 100 دولار =1500 ليرة تركية وتنزل بانقرة وتروح لمنطقة اسمها اولص فنادق رخيصة وبعدين تروح تقابل ب UN في منطقة يسموها جان كاية تسئل هناك ويدلوك ينطوك موعد مقابلة اولى ...
وبالنسبة للمواد الغذائية يحقلك فقط 3 كيلوات شكر و3 تمن و3 جاي
وخمسة تكات جكاير وجيب كنت لان سعر الباكيت هنا 10000 دينار

والله يسهلك واي سؤال اني حاضر

العنوان: رد: تركيا اين انتم يا اهل الخير
أرسل بواسطة: fady azir في 00:21 16/07/2009

اخونا اريد اساعدك اكو محافظه اسمها جرم  مياخذون افلوس اقامه فقط تدفع  يجار او اكل او كهرباء اوماء بس اذا جيت على توكات تمام محافظه حلوا او بيها عشوي ينطي كل يوم اكل او خضراوات او فواكه  ابعض المرات زيت وكذاللك تايد او صابون والله ينطي الوالي الي ايفكر بالاجئين احسن من الحكومه مالتنا متفكر بينا المهم  بس بمحافظة توكات اكو افلوس اقامه
على  الستت اشهر الاولى  354 ليرا +دفتر الاقامه 90 ليرا

والله بس اتوقع محافظتنا توكات احسن واحلى كل المحافظات او ناسها طيبين تعال او شوف  ومن الله التسهيل

العنوان: رد: تركيا اين انتم يا اهل الخير
أرسل بواسطة: الشمرية في 14:15 16/07/2009

اخواني الاعزاء
هسا ال يو ان مديقبل لا توكات ولا جرم بس سمحوا اسطنبول وكم محافظة ما اعرف اسمائها اعذروني بس بكل الاحوال اي محافظة الوالي ينطي مساعدة اذا الشخص يطلب وخلي اخونا العزيز يقدم مالية لل يو ان بعد المقابلة الاولى لان هسا دينطون ومن الله التوفيق
                                                                                     اختكم الشمرية

العنوان: رد: تركيا اين انتم يا اهل الخير
أرسل بواسطة: عاشق السفر في 17:22 16/07/2009

shaklawe

العقل الجميل
 
fady azir

الشمرية

مشكور يا غالين ربي يحميكم من كل مكروه و الباقي على الله و الله كريم مشكور من اعماق قلبي تحياتي للجميع

العنوان: رد: تركيا اين انتم يا اهل الخير
أرسل بواسطة: watan في 20:57 16/07/2009

الاخوان ماقصروا بالرد والمدينه الامم المتحده هي الي راح اتحددها بس انى حبيت اصحح معلومه ذكرها الاخ العقل الجميل سهوا وهى قيمة الليره حيث ان 100 دولار = 150 ليره او اكثر اشويه مومثل ما وردت سهوا فى رد الاخ 1500 ليره واخاف اتروح تحسب حساباتك على هذا الرقم ... امنياتي لك بالموفقيه

العنوان: رد: تركيا اين انتم يا اهل الخير
أرسل بواسطة: عاشق السفر في 14:33 17/07/2009

watan

مشكور يا غالي مشكور من  اعماق قلبي مع جزيل الشكر

بس اني هسه الي كامشني ما اجي اشكد  اجيب وياي افلوس بس هاي و وين اروح بس هاي الشغلة الى امدوختني يعني اول اطب تركيا اشلون  راح  الكي بيت دايخ بية وين الكي شغل شنو الطريقة الي الكي بية شغل يعني اروح الى ابو المحل اكولة عندك شغل  اشلون  و اني ما اعرف احجي ياربي  حيرة على العموم مشكور

[/size]