ankawa
منتدى الهجرة واللجوء => الهجرة و واللاجئين => الموضوع حرر بواسطة: لوتس في 10:00 16/07/2009
-
اخواني الاعزاء... اللي واصلين امريكا او اللي عدهم معلومات
سمعت ان امتحان رخصة القيادة واللي هي من المتطلبات الضرورية للاجيء انه جدا صعب , ياريت اللي عندة معلومات عن طبيعة الامتحان يزودنة بيهة .
وايضا ردت اجزاء السيارة الخارجية مصطلحاتها بالانكليزي , لان سمعت انه هناك يخطأوك مثلا يباوعون على حزام الامان ويكولولك شغل ماسحات السيارة فاللي مايعرف المصطلحات اكيد راح يتخربط وماينجح .
وهل يتوجد على اللي يعرف سياقة ان يدخل دورة ايضا ؟
شكرا
اختكم لوتس
-
اختي العزيزه
راحا اشرحلج الخطوات بالتفصيل
اولا: تروحين على الدائره الي تصدر اجازات السوق DMV وتكليلهم اريد اطلع اجازه اول شي راح ينطوج 3 كتب حجم صغير بيه جميع المعلومات من قوانين الولايه والاوراق المطلوبه للتقديم واي اشياء اخرى ( بس ممكن تقدمين الا اذا كان صارلج شهر بالولايه)
ثانيا: بعد ان تقرين الكتب تروحين حتى تتمنحنين وتاخذين كل الاوراق المطلوبه منج مثل السوشل كارد وبطاقه الولايه وبطاقه العمل والجواز واي اوراق اخرى همه يطلبوها اول شي يسولج فحص نظر بجهاز موجود بنفس المكان وبعدها يدزوج الى غرفه للامتحان .... والامتحان عباره عن 20 سؤال لازم تجاوبين 17 صحيح والامتحان جدا سهل وبسيط وبالنسبه للناس الي ميعرفون انكليزي ممكن تاخذين وياج مترجم يقرالج الاسئله ( مما تأكده انه ممكن بكل الولايات) وممكن يكون الامتحان على شاشه الكومبيوتر او بالورق
ثالثا: بعد ان تنجحين ينطوج اجازه سوق مؤقته ممكن تسوقين بيها بس لازم يكون معاج احد عنده اجازه سوق دائميه صادره من الولايات المتحده وخلال هاي الفتره لازم تلتحقين بمدرسه سياقه وتسوقين لمده ستين ساعه تحت اشراف اي احد عنده اجازه وطبعا خلال هاي الفتره راح تتعلمين كل المصطلحات للسياره
رابعا: بعد ان تخلصين الستين ساعه ومدرسه السياقه تروحين تتمنحنين الامتحان العملي وتاخذين اجازه السوق الدائميه
ملاحضه: بالنسبه للي يعرف سياقه وعنده اجازه سوق دوليه هناك بعض الولايات الي تخلي الامتحان النظري والعملي بنفس اليوم وميحتاج كل هذا الكلام هذا الكلام بس للنسبه للي ميعرف يسوق او الي ما عنده اجازه معترف بيها
وان شاء الله الي عنده معلومات من الاخوه ميقصر
-
تحية طيبة لك اختي العزيزة سمارة على هذه المعلومات شكرا جزيلا
-
شكرا للاخت سماره على هذه المعلومات
-
الاخت سمارة اشكرك جزيل الشكر على المعلومات
ولو دا اتعبج بس ردت اذا تعرفين هاي المصطلحات مالت اجزاء السيارة مثلا
ماسحات السيارة
المرايات الامامية والجانبية
الهند بريك
كشنات السيارة
جنطة السيارة الخلفية
تحياتي
لوتس
-
ماسحات السيارة windshield wiper
المرايا: mirror, side mirror
الهند بريك: side break /emergency break
كشنات السيارة: seat
الچكمچة: glove box
البونيد: hood
الصندوق (الخلفي): Trunk اذا كانت السيارة سيدان، أما اذا كانت ستيشن فيدعى Hatch.
حزام الامان: seat belt
اشارات الاستدارة :turn signal
سيارة گير عادي: stick shift (باللغة الدارجة)، وكذلك manual transmission
ضوء عالي: high beam
وتحياتي
-
جزيل الشكر اخ مارك على المصطلحات والصور
ربنا يوفقك
لوتس
-
الأخت سمارة لك مني كل الشكر والتقدير على هذه المعلومات المفيدة
Baguncero