ankawa
منتدى الهجرة واللجوء => الهجرة و واللاجئين => الموضوع حرر بواسطة: tootana_r في 15:02 18/07/2009
-
مساء الخيرشباب.. اريد تساعدوني بقصتي ... اني بسنة 2007 تهددنا انا وابني وزوجي وذهبنا الى سوريا بشهر العاشر عل يوان وانطونا موعد مقابلة تسجيل بعد 6 اشهر ورحنا قابلنا بس مع الموظفين وانطينالهم معلومات عن قصتنا..يعني احنا سوينا مقابلة تسجيل .. وراها كالت الموظفة روحو احنا نتصل بيكم علمقابلة وانتظرنا بسوريا على ما يقارب سنتين لكن محد اتصل بينا وصارت عدنا ضروف خلتنا نرجع على بغداد سنة 2008 بشهر الثالث وهسة اريد نريد نروح الى تركيا ونقدم هناك عل يوان فاكدر اروح كوني اني جنت مقدمة بسوريا ؟؟؟؟؟؟ مع العلم من جنا بسوريا وسوينا مقابلة تسجيل ماخذوا منا لا بصمات ولا كلشي.....فرجاءن فيدوني بهذا السوال؟؟؟؟؟؟ والكم الشكر والله يفرجها عل جميع ياااااااااااارب.......
-
أختي العزيزة توتانا :
أكيد تگدرين تروحين بلا مشاكل لأنهُ راح يصير عندج رقم ملف جديد بتركيا يختلف عن رقم ملف سوريا وثاني شيء أصلاً أنتي لا مقابلة توطين ولا هم يحزنون يعني ما تأثر بشيء روحي وإتكلي على الله وهو يقدم إللي بي الخيـــر ... †
أخــوكــُم / وسـام بهنـام داؤد الخابـــوري
-
اختي ولو صار بيه عشو ليلي من الخط نعم تكدرين تروحين وتسجلين مثل مذكر الاخ
راهب الحب وبدون ان تخبريهم انك كنتي مسجله بسوريا بس خلي بالك انك راح تتاخرين لان معاملتك
تبدي من جديد وعلى كلام الاخوه الان ان الاجراءات ليست مثل الاول سريعه
اتمنالك التوفيق انشاءالله
-
اختي اهلا وسهلا بك مع اخوانك واخواتك ومثل ما قالوا الاخوة تستطيعين الذهاب والتسجيل ومع العلم اختي ماكو بصمات باليو ان فطمئني والله يسهل امورك .....اختك ايات
-
اختي الكريمه
خلي بالك من ترحين التركيا ديري بالك تقولين انه انت مقدمه على اليوان بسوريا واني أبسط مثال على ذلك هم كنت بسوريا و سنتين منتظر مقابلة التوطين وماكو شئ وهسة قدمت على الاردن والحمد الله تحولت توطين
لان من راح تقولين لهم عندي ملف ترة دوخة رأس وماكو داعي تفتحين عليك باب طويل عريض واتصور انه بعد هاي المدة ورجوعك الى بغداد شمدريك ما اتصلوا بيك وشافوا ماكو التلفون و غلقوا الملف فروحي اتوكلي على الله و قدمي من جديد والله يسهل امرك مثل ماسويت اني
اخوك رافد
-
اختي العزيزة اكو شغلة نسوها الاخوان ومذكروها وهي لما تروحين لتركيا مراح تكولين لليو ان انه كنتي بتركيا هذا حجي صحيح بس لمن يشوفون اساميكم بالانكليزي راح يطلع عدهم انه مسجلين بسوريا فنصيحتي اختي انه تبدلون الجوازات وحتى الاسامي تغيرون بالاحرف بيها حتى لتبين مع تحياتي واي سؤال اني حاضر
-
الاخ الكريم الذكي
مع فائق احترامي و تقديري بس مااتصور اكو علاقة لان اني قدمت نفس الجوازات و نفس الاسماء و كلشي اوكي اجوز انت تعرف حالة هيج صارت الله اعلم لان هيه الاخت مامتحولة توطين و مو واصلة مرحلة
أخوك رافد
-
حبيبي الغالي رافد مع احتراماتي لحضرتك ولرايك ترة وجهة نضرك غلط لتزعل مني يعني هي من سجلت باليوان بسوريا كل جوازاتهم استنسخوها وكل اساميهم دكوها بالحاسبة فيعني شلون مراح يعرفون 100% راح يعرفون لانه اليوان سوريا مرتبطة بيوان تركيا فهاي يمكن الحالة مالتك صارت صدفة ومعرفوا ومشت شغلتك بس اكو هواية ناس تورطوا وراحو بالرجلين وكلولهم رجعو لسوريا شعدكم جايين هنانة. وهاية نصيحتي وبعد كاتب الموضوع هو بكيفة كل واحد عقلة براسة يعرف خلاصةز مع تحياتي للجميع اخوك الذكي
-
اختي مثل منصحوج الاخوان اتوكلي على الله وقدمي وان شاء الله موفقه
-
الاخت Tootana ... انا اتفق مع السيد " الذكي " ، ان مكاتب الامم المتحدة هي ليست مكاتب اعتيادية و انما هي مكاتب تعتمد على قاعدة بيانات متربطة عالميا ، و كل قضية تسجل في مكاتب المفضوية العليا للاجئين على اختلاف امكتنتها بالتاكيد ستكون معروفة لدى المكاتب الاخرى ... اي سيكون اسمكم موجود في مكتب المفوضية في تركيا ، و قد يطلب منك العودة الى سوريا .... و من ناحية اخرى ، عليكم ان تحضروا اجابات لعودتكم الاخيرة التي استمرت اكثر من سنة و اربعة اشهر .....
vet2009