ankawa
منتدى الهجرة واللجوء => الهجرة و واللاجئين => الموضوع حرر بواسطة: حمد بو حمد في 02:24 19/07/2009
-
السلام عليكم مرحبا اخوتي هل اكو اخبار عن لجنة المقابلة الثالثه بتركيا متي تجي وهل صحيح ان اكو عوائل انطوهم موعد للمقابله بشهر السابع وتسلمون
-
ياجماعه اللي عنده معلومات خلي يجاوب الاخ مبين عليه ;D ;D ;D انشلع كلبه
-
والله لا عاب حلكك اخوبه هيلب لآن بوحمد كلش طاب طالع نفس سؤاله ميدري اكو غيره حتى صار عليهم اتراب الانتضار خويه بوحمد هو احنه شكم واحد بتركيا وبس نسمع اي خبر فأكيد راح تسمعه انشالله ترتاح وتسمع اخبار حلوة اخوكم زونا
-
والله يا اخوان انشلع قلبي بربكم راح يكمل لي 5 شهور علي المقابله من الثانيه الي الثالثه والله قهر شنو طابوكه خو مو طابوكه
-
الله يساعدك لو بيدنه جان ساعدناك
-
الله يساعدك ولله اخ حمد ماعدنه اي معلومه بس نعرف انه الى ديقابلون هسه الثانيه ديكلولهم راح نتصل بيكم من شهرين الى ثلاثه
ولو انته تعرف هسه معاملات تركيا نامت عليهه البلوكه مو الطابوكه كلشي توقع !!!!
وان شاء الله تفرج قريبا
-
lمساء الخير اشلونكم
ابشركم اليوم اتصلو بينا وانطونا موعد للمقابلة الثالثة13 بشهر الثامن وان شاء الله للجميع يتصلون بيكم وترتاحون لان اليوم اتصلو بالاغلبية الموجودين بافيون والله يكمل على خير للجميع
مع الشكر الجزيل
-
بشرك الله بالخير اخونه an بس ممكن تكلنه انته شوكت قابلت الثانيه
لانه اليوم اتصلوا بصديقي انطوا موعد 26-8 وهو قابل الثانيه يوم 13-5
يعني اكثر من 3 اشهر
-
شكرا يا شباب اني اليوم خابروني وانطوني موعد للمقابله الثالثه 12 _8 والله يسهلها علي الجميع
-
الف مبروووووووووك اخوية العزيز حمد بو حمد بس اذا ممكن اتكلنا اشوكت قابلت الثانية ؟؟ يعني قصدي اشكد صارت الفترة الانتظار بين الثانية والثالثة اذا امكن ؟؟
تحياتيــ الك بالتوفيق
-
صباح الخير
بالنسبة لتركيا والمقابلة الثالثة احنا بين المقابلة الثانية والثالثة اكثر من 3 اشهر تقريبا 96 يوم
مع الشكر
-
اني قابلت الثانيه 29 _ 4 يعني من المقابله الثانيه للثالثه ثلاث شهور و13 يوم وان شاء الله يولفقون لي وتكمل الفرحه ويوم الكم ان شاء الله
-
مساء الخير
اريد اتأكد من شغلة سمعناها اليوم انه اكو عائلة عطوهم مقابلة ثالثة يوم 12 اب وهما كانو مقابلين الثانية يوم 18 ايار واليوم اتصلو بيهم وقدمو موعد مقابلتهم الى 27 من شهر تموز اكو هيج كلام منعرف نريد نتأكد والي يعرف شي لايبخل علينا بالمعلومات وصحيح دا تتقدم المقابلات وبالتوفيق للجميع
مع الشكر الجزيل
-
اي خويه an اليوم خابرو ناس وهم قدمو موعدهم الخبر صحيح
-
مساء الخير
تمام والله اتصلو بعائلتين بافيون كانت مقابلتهم يوم 12 اب وقدموهم الى يوم 27 تموز واكو عائلة كانت يوم 11 انطوهم 28 تموز ان شاء الله يقدمون مواعيدنا والله كلها حظ وكامن وحظه وماالنا الا الله
مع الشكر الجزيل
-
السلام عليكم
بس اني حظي توب التوب
قابلت الثانية يوم 27 / نيسان و انطوني موعد للثالثة يوم 19/8
يعني من الثانية للثالثة 110 يوم
الحمد لله
-
مساء الخير
اخ انور احنا شويا اقل من عندك انطونا موعد 13 اب وبين المقابلة الثانية والثالثة 97 يوم والله يكون مع الجميع والله معرف اشلون دا يخلون مواعيد وان شاء الله يتصلون بينا ويقدمون المقابلات ولو هيه بداية اللجنة شويا تكون صعبة ومن الله التوفيق
-
اخ an
شكرا لردك لي ، و الله يسمع من حلگك و يخابرونا يوم الاثنين و يقدمون الموعد لان بصراحة صرنا طرشي
-
السلام عليكم اخوان
انا قابلت الثانيه يوم 22\6 او منتظر الثالثه الى هسه مخبروني مااعرف اكو احد امقابل الثانيه ابشهر السادس او خبرو الله ايخليكم جاوبوني حتى ارتاح لو اصير طرشي على رجعت الخ متنعرف اشوكت بالعاشر 11 12 متنعرف ساعدوني او ريحوني حتى اتأمل انه ايخبروني
الله ايسهل على الجميع
والتوفيق من الله
-
يمعودين دساعدوا عاد مو انبح حسه خطية
-
والله اخي اعرف هواية ناس قابلوا الثانية بشهر 6 بس ما ادري انطوهم موعد لو لا راح اسألك ان شاء الله
-
يمنا هواية جماعة وقابلين الثانية بالسادس و لحد الان ما مخابريهم ع الثالثة ( محافظة كرمان )
الله كريم
-
شباب اكو عائلة بمنطفتنا سووا المقابلة الثانية يوم 22\7 وبعد يوم خابروهم للثالثة انطوهم يوم 28\7 بس هذا الشي غير معقول لان لا عدهم مريض او كبار بالعمر
-
اخي العزيز ...في اي محافظة انتوا موجودين؟؟؟
اخوك ابو داليا
-
مرحبا يا شباب اكو خبر من جماعه من لبنان يحجون ان اليو ان بلبنان سدوها ويقولون ان اليو ان بتركيا بشهر العاشر يسدوها منو بيكم سمع هيج حجي يجاوب لان اليو ان بتركيا هسه جاي تنطي قليل قبول والباقي كله رفض
-
گول الله يا حمد ابو حمد
انت ما تگللي منين تجيب هاي الاخبار ؟؟؟؟؟؟؟؟؟
صدگ اگلك .. شنو اخبار عبد العزيز العنبري و جاسم يعگوب ؟؟؟
ترى دا اتشاقة :D :D :D
-
حمد بو حمد
لا تنسى .. باچر عدنا لعبة و التجمع بالساحة الساعة 5:30 العصر
مو تگول ما گالولي
إلا اسويكم فلم باچر
ههههههههههههههههههههه
-
حمد بو حمد
هم هيچ گالوهة ؟؟؟؟؟؟؟؟؟؟؟؟؟؟؟؟؟؟؟؟
يخابروك و يقدمون الموعد مالتك و ما تحچي ؟؟؟؟؟؟؟؟؟؟؟؟؟؟؟؟؟
بالخير عليك .
-
ها انور انت وين لقفت اسمي انت صاير خطير هههههههههههههههههههههه يوم الك يارب ويقدمون موعدك
-
بالخير عليك اخي حمد بو حمد وان شاء الله يوم الفحوصات و الطيران باقرب وقت