ankawa
منتدى الهجرة واللجوء => الهجرة و واللاجئين => الموضوع حرر بواسطة: لوتس في 10:57 19/07/2009
-
اخواني الاعزاء
سبق وان سالت هذا السؤال بس لسة محتارة
اختي وياية بالكيس والان 80% حصلت دراسة بتركيا وماتريد تسافر وياية , سالت بالمنتدى كالوا لازم تبلغين المنظمة ان اختج ماراح اتروح لان اذا مابلغتي بعد ماتطلع الموافقة وهي ماراح تكدر اتسافر راح انتي ايضا ماراح يخلوج تسافرين , يعني لازم توقع على تنازل بعدم السفر قبل الموافقة حتى ماتحرمج من السفر
- المهم الاخوان بالمنتدى نصحوني اتصل بمصر وفعلا اتصلت وكالوا خلي اختج هية اللي تتصل, المهم اتصلت اختي وكالولهة ارسلي اميل الى IOM بغداد ابلغيهم بهذ الشيء واحنة راح نرسل الهم اميل تاكيد , انتوا تعرفون همة يمكن مايفتحون الاميلات او يفتحوهة ورة 10 اسابيع يمكن يكون الوفت متاخر) واحتمال جماعة مصر اصلا مايرسلون اميل تاكيد
- انصلت بالمحامي اللي جنت موكلتة بالكيس مالتي كال اختج اذا مارادت اتروح ماتاثر عليج , وكال لاترسلين اميل لان راح تحرميهة من السفر في حالة انه ماطلعتلهة الدراسة بتركيا .
- اليوم اتصلت مرة ثانية على مصر وسالتهة مرة ثانية , كالولي ارسلي اميل الى عمان ابلغيهم بعدم رغبة اختج بالسفر لاسباب الدراسة في تركيا .
-اخوان اني محتارة اخاف فعلا اختي اذا ماراحت تحرمني اني من السفر , علما هو اني اللي ساحبتهة وياية
- - ياريت اخوان الي عندة مقابلة قريبة ياريت وبلا زحمة عليه يسالي المترجمين او المحلفين في حالة انه الشخص الثاني اللي بالكيس ماراد يروح هل يؤثر على صاحب الكيس الاصلي . واشلون طريقة التبليغ وهل فعلا لازم يوقع على اوراق تنازل
وتحياتي
اختكم لوتيس
-
اختي العزيزه لوتس
سبق وان اجبتك على سؤالك وساجيب عليك هنا ايضا اختي القضيه التي تتكلمين عنها حصلت لدي
وساتكلم عن ما قمنا به في مصر بالتحديد حيث ذهبت انا واحد افراد اسرتي الذي يريد الانسحاب الى المنظمه وشرحنا لهم القضيه وقالو لايوجد مشكله وقد اعطوه اوراق لكي يوقعها وهي عباره عن تنازل او الغاء القضيه في منظمه الهجره الدوليه وطبعا يترتب على هذا الانسحاب بانه لا يستطيع مجددا ان يقدم على هذا البرنامج بالمستقبل ومشت الامور بدون ان يؤثر على باقي العائله
اما في العراق فيجب عيلك اخبار المنظمه ويجب ان يكون لديها علم بذلك لاتخاذ اللازم
اختي اذا اختك شغلتها غير محسومه 100% فالافضل ان لا تقومين بفصلها الان الا بعد التاكد
من امر دراستها وهذا ايضا لا يؤثر عليك حتى لو كان الفصل بعد مقابله المحلف
اما قولك ان
(انصلت بالمحامي اللي جنت موكلتة بالكيس مالتي كال اختج اذا مارادت اتروح ماتاثر عليج , وكال لاترسلين اميل لان راح تحرميهة من السفر في حالة انه ماطلعتلهة الدراسة بتركيا ).
فتتعقيبي عليه هو مع احترامي للمحامي فان كلامه غير دقيق وغير صحيح ابدا لانه لايمكنك السفر ابدا اذا لم تلغي اختك قضيتها او تنسحب بصوره رسميه بالمنظمه سواء ذلك بواسطه الايميل او بضروره حضورها للمنظمه
-
شكرا اخي العزيز عكعك وراح ارجع ارسللهم اميلات لعل وعسى يجاوبون
عندي سؤال بلا زحمة عليك , اليوم واحد من معارفي ديحجيلي هو وعائلتة مقدمين واخوه اللي مامزوج ايضا خلاه بالكيس مالتهة , وهو مقابل بس مقابلة اولى وبعدين قرر انه وهو وعائلتهة ماراح يروح بس اخوه اللي هو ساحبه يريد ايروح , اني كتلة حسب علمي مايصير اذا ابو الكيس الاصلي انسحب مايصير اخوه يروح بعد .
المهم هو مامقتنع بس كتلة خليني اسالك شراح اتسوي
فياريت اذا عندك معلومة تزودني بيهة
واشكرك
لوتس
-
والله اختي ما عندي جواب اكيد لسؤالك ولكن هناك طريقه وهي ان تكمل العائله كل الاجراءات من
مقابلات ومحلفين ويكون ملف الشخص الي يريد يروح مربوط ربط ضعيف مع اخو صاحب الكيس الرئيسي
فاذا حصلت موافقته الامنيه قبل صاحب الكيس سوف يسافر وبعدها ممكن صاحب الكيس يرفض السفر
ولكن قد يحصل العكس فيقوم صاحب الكيس بتاجيل سفره لحين صدور امنيه اخوه ولكن هي محاوله قد
تتحقق او لا
او بعد المحلفين يطلب صاحب الكيس الرئيسي من المنظمه بالانسحاب واستمرار ملف اخيه ويقدم مبررات على ذلك بان عائلته تمتنع عن السفر وانه لا يستطيع ان يتركهم وحدهم لانه المعيل الوحيد لهم وهذه العمليه قد تكون صحيحه اولا ولكني ذكرتها لقناعتي انه في بدايه التقديم اذا انسحب صاحب الكيس الرئسي سيمنع باقي افراد العائله من الاستمرار بالبرنامج
واوكد بان كلامي كله فرضيات غير مؤكد ولكني ساحاول بالاستفسار عن هذا السؤال وارد عليك
تحياتي
-
تعبناك اخ عكعك , الله يبارك بيك
اختك لوتس