ankawa

منتدى الهجرة واللجوء => الهجرة و واللاجئين => الموضوع حرر بواسطة: قيس ماجد في 13:36 19/07/2009

العنوان: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: قيس ماجد في 13:36 19/07/2009

السلام عليكم اخواني واخواتي في تركيااو الذين كانوا في تركيا اني قيس من بغداد شاب وانوي الذهاب الى تركيا للتقديم على اليوان لمعاناتي و لضروفي الصعبة اني قريت كل ما مكتوب في هذا المنتدى الرائع بس عندي اسئلة مااسافر الا الكاله جواب اتمنة تتفهمون وضعي

1ـ لازم اشتغل يعني كعامل لحين مالله يفرجهة علينة ونحصل توطين بس كلمة تركي مااعرف  حسب تجربتكم وخبرتكم في تركيا اكدر الكة شغل دائما طول فترة بقائي في تركيا واني لغة ماعندي اكدر اتجاوز اللغة

2ـ ايكولون اليوان هي الي تحدد المحافضة الي لازم اعيش بيه اكو شغل بالمحافضات لو مستحيل بالنسبة الي

3ـ ويكولون انه الشغل في استنبول زين اذا اليوان حددتلي  محافضة غير استنبول ايصير اترك محافضتي واروح الى استنبول واعيش واعمل بهيجي حالة يكون وضعي قانوني لو هم اجاك الذيب واجاك الواوي اني فضلت تركيا على باقي الدول علمود الاقامة بس اشلون اذا تركت محافضتي ورحت الى استنبول

4ـ ايصير اطلب من اليوان من البداية ان اتخليني في استنبول لو ميصير والشاب ايحصل مساعدات

اترجاكم اخواني الي عندة جواب خلي ايساعدني وانشاء الله يساعدكم  اكدر احصل فيزة من السفارة التركية بسهولة وشلون اجرائاته في بغداد تحديدا علمود اطلع عن طريق البر اذا سهلة

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: ENG.MEDO في 14:02 19/07/2009

حبيبي قيس

مختصر مفيد اكو شغل بس صعب تحصله باسطنبول لانه مشكله اللغة ولازم عندك واحد عرف هو يشغل مثل العراقيين المقيمين بتركيا صارلهم اسنين مو لاجئ مثل حالتنه
المحافظات الشغل بيه نادر
اكو احتمال اليو ان تنطيك اسطنبول
اذا اليو ان انطتك غير محافظة تكدر متروح الى ان تخلص مقابلات بس تدفع غرامات ضعف

واخيرااااااااااااااااا  اذا تريد تجي لتعتمد على انه تحصل شغل لازم عندك فلوس اقل شي مال سنه عدى الغرامات

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: قيس ماجد في 15:30 19/07/2009

شكرا على الرد والاجابة واتمنالكم التوفيق اكدر اعرف حسب تقديراتكم شكد المبلغ امدة سنة مع الغرامات علما اني شاب وبدون عائلة

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: نـور في 15:52 19/07/2009

اخوية العزيز قيس اهلا وسهلا بيك في المنتدى نورت ....

 مثل مكال اخوية ميدو كلامه كله صحيح تكدر اتروح الى اسطنبول عادي بس لازم ماتعتمد على فلوس الشغل وماكدر اكلك اجيب وياك اشكد بالمضبوط لان احتمال احسب ااحسابك اقل شي اتضل بتركيا سنة و2 اشهر هاي اقل شي لان اكيد حضرتك تعرف التوطين اشكد يطول وهسة صار التوطين 6 اشهر... وعادي اول متجي يطوك موعد مقابلة الاولى بنفس اليوم او احتمال بعد شهر بس اكثر شي بنفس اليوم وراها تنتظر 6 اشهر يلة يجيك السرة واذا عندك حالة خاصة يعني مريض او فد شي او تقارير طبية احتمال التوطيين يقل المده مالته ...

واي استفسار بعد اني حاضر

اخوك عراقي

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: قيس ماجد في 21:27 19/07/2009

وينكم ياجماعة

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: قيس ماجد في 21:31 19/07/2009

 الف شكر الى ENG.MEDO  والى  IRaQI JEALOUS ايسهل الله اموركم

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: watan في 12:13 20/07/2009

اخي العزيز مامكن ان ينقلك الواحد بالضبط الصوره الكامله لما يحصل هنا فالامور مختلفه من مكان الى اخر وايضا مرتبطه بقابلية الشخص وتحمله  والطريقه التي يود ان يعيش فيها  اما العمل فمن الممكن ان تحصل عليه فيما  اذا عشت وسط عراقيين  اصلاء ممكن ايساعدونك فى البدايه وبعدين واضح عليك ممكن تتعلم اللغه على الاقل الي اتمشى امورك بيها اما العمل في المحافظات فايضا مختلف من واحده الى الاخرى قسم فيها وقسم صعب الحصول عليه فيها لان تركيا الان تعيش ازمه عمل بسبب الازمه الماليه العالميه  فاخي العزيز الموضوع المهم بالنسبه لك الان هو قضيتك  والقبول من قبل الامم المتحده  والان الامور مختلفه عن البدايه  يعنى من حيث  مقابلة القبول والتحويل على بلد استيطان فهما الان ياخذان وقتا اطول من الاول بكثير ثم حتى تحويلك لبلد استيطان   لا يعنى قبوله  بعد اجراء المقابلات معك قد ترفض لا سامح الله  وتتحول   الى بلد اخر  فعليك ان تحسب كامل حساباتك وان تهىء حالك على الاقل لمدة عام وانت من خلال وجودك هنا ستتعلم الكثير من الامور وترتب حالك خلال فترة العام   ... المهم اخي العزيز قرارك هو الاهم وعندما تتوكل على الله فان الله سوف لن يخذلك واذا كان ظرفك صعب هناك  فحاول لان فقط خروجك هو مكسب لك والهدف يستحق التضحيه والتحمل والمعاناة وانت شاب قادر على تحمل الصعاب ان شاء الله  وعندما تصل  وتستقر وتستوعب الوضع   قد تجد بان الامور اسهل مما تصورت وهذ ا يتوقف عليك لا على اجابتى او اجابت الاخوان .... اتمنى لك التوفيق

العنوان: رد: عندي اسئلة بخصوص تركيا الي يكدر ايساعدنة ندعي من الله ايساعدة ويسهل امرة
أرسل بواسطة: قيس ماجد في 13:25 20/07/2009

الى watan اشكرك كل الشكر واتمنالك كل الموفقية بحياتك ويسهل امرك بصراحة اني ايست كلت بعد محد ايجاوبني اشكرك على جوابك