ankawa
منتدى الهجرة واللجوء => الهجرة و واللاجئين => الموضوع حرر بواسطة: haider111 في 19:12 19/07/2009
-
السلام عليكم
اخوان يمكن اطول عليكم بس والله دايخ ومدا اعرف دربي شسوي راح ادخل بالموضوع راسا
اني اشتغلت لمدة خمس سنوات ويه شركة مقاولات ضخمة بالعراق في بغداد مدير هذه الشركة هو عراقي ولكن يحمل الجنسية الامريكية وكنا نخوض مشاريع ضخمة وبالاتفاق مع جهة البي سي او الامريكية يعني كنا نستلم المشاريع من الهندسة الامريكية ونستلم المبالغ ايضا من الامريكان وانا عملت خمس سنوات في هذه الشركة كمدير لامن المشاريع
وانا ارسلت اميلا الى منظمة ال SIV مع الريكومنديشن واجابوني قالو يجب ان ترسل لنا الاج ار لتر ويجب ان يحتوي الريكومنديشن على فقرة لا يمثل خطرا على الامن القومي الامريكي والعنوان
سؤالي هو
هل انا مشمول بالهجرة في منظمة ال SIV?
وماذا يقصدون يجب ان تحتوي الرسالة على اميل المدير على ان لا يكون لا ياهو ولا هوتميل ولا جي ميل؟ لعد شنو يعني؟ هو مدير الشركة عراقي بس امريكي الجنسية
هسه بس اريد اعرف محتويات الرسالة الاج ار لتر شنو لازم ينكتب بيها
واريد الريكومنديشن شلون يصير؟
يعني ياريت لو اكو نموذج للاج ار لتر والريكومنديشن واحد يدزه الي بس حتى اسوي على غراره
يعني هسه همه كل الي يريده الاوراق هيه فقط الريكومنديشن والاج ار لتر؟ لو اكو شئ بعد؟
اتمنى منكم اخواني ان تفيدوني بكل هاي اسئلتي حتى يصير عندي علم وما ادوخ بالموضوع لان اني مخبوص هسه ومدا اعرف دربي
شكرا لكم
-
اخي العزيز ادخل على هذا الموضوع وراح تلكه كل الرد لاسألتك اضافه الى الفطاحل بهذا الموضوع والي يمكن يفيدوك ويجاوبون على كل استفساراتك
http://www.ankawa.com/forum/index.php/topic,267544.0.html
وبالتوفيق مقدما
-
اخوية ... بالتوصية تكتب انه انت ما تأثر على الامن القومي باميركا وانه عملت معهم لمدة سنة او اكثر ..وانه كنت كفؤ ومحترف بشغلك ومثال للصدق والنزاهة والامانة من هاي السوالف
اما بالنسبة الى اجر ار لتر ..تكتب بيها الاسم الكامل والعنوان الوظيفي ..المنصب الوظيفي لك ..وتأريخ بدءك للعمل الى لحد الانتهاء لو بعدك مستمر بالعمل معهم ...وتحط الايميل الرسمي لمدير اجر ار الشركة او الويب سايت مالتهم فد شي يكون رسمي علمود لا يشكون بيها ..واذا تحب اكو تفاصيل اكثر بموضوع الاخ شبح بغداد ملف كامل على برنامج siv اطلع عليه بيه معلومات مفيدة .. واتمنى اكون ساعدتك لو بجزء قليل
-
شكرا لك اختي سمارة و ممنون الك
-
الاخ حيدر لا تدوخ الموضوع بسيط
ريكومنديشن بي شروط واضحه
واج ار ماكو اسهل منه بدايه عملك .....نهايه عملك ...منصبك ...الخ
-
الاخ haider111
اخي شروط الـ SIV واضحة جدا تطلب من الشخص المتقدم رسالة توصية من رئيسه المباشر يذكر تاريخ بدء العمل ونهاية العمل ووصف عن طبيعة العمل ومكان العمل واهم شيء يذكر فيه انه لا يشكل خطر على او تهديد على سلامة امريكا ويحمل الولاء للعمل مع امريكا ومن هذا الشكل.
ااضافة لذلك لازم ايكون معاك EV من الموارد البشريه وهي رسالة الاج ار فيها تاريخ بدء عملك ونهاية العمل على ان لاتقل عن سنة وكذلك طبيعة عملك وتوقع من الموارد البشريه يعني مو من شخص عادي حتى لو كان امريكي لهذا ذكرو لا ياهو ولا هوتميل ولا جي ميل الخ.
وهذه الرسالة بالنسبة الك ما اعرف امنين اتحصله بس اذا هيه شركه بعنوان واضح ولها تعامل مباشر مع الامريكان اكيد بالعقود لها ارقام واسماء لهذا انصح بتقديم نسخ من اهم العقودز
للتوضيح اريد ابلغك نحن من عملنا مترجمين كنا نعمل ونقبض رواتبنا من شركات خاصة امريكية مثل تايتن اكيد سامع بيهه وهذوله عدهم قسم الموارد البشريه نرجع اله وناخذ منه رسالة EV تؤكد عملنا وتاريخ بدء وانتهاء العمل، اما بالنسبة لك ما اعرف امنين راح اتدبرهه من شركتك وهمه ما يعترفون الا برسالة من شركه امريكية حتى لو كان صاحب شركتك امريكي بس مجنس؟؟؟
الله يوفقك
ام ياسر
-
شكرا لك اخت ام ياسر بس اني لحد الان ما اعرف هل شركتي مشموله بالبرنامج يس اي في لو لا ؟ واني راح اوضح شنو شركتنا هيه عبارة عن شركة عادية عراقية مديرها عراقي بس يحمل الجنسية الامريكية وكنا نخوض مشاريع ناخذها من جهة البي سي او يعني الهندسة الامريكية وحتى الفلوس نستلمها منهم
وتعبتج ويايه شكرا للجميع
-
الاخ haider111
اسفه كثيرا اذا قلت لك ما اعتقد انك مشمول لانك تقول ان شركتك عادية وعراقية بس صاحبه عراقي مجنس لهذا ما اتصور يقتنعون، لكن حتى لا اتضيع الفرصه على نفسك حاول ان تتدبر ما طلب منك اذا امكن واذا لم تستطيع فلن تكون مقبول، جدا اسفة بس هذا للتوضيح.
الله يوفقك
ام ياسر
-
الاخت بانا
شكرا على التوضيح وميحتاج تتاسفين عزيزتي بس احب اوضح انه شركتنا حاصلة على شهادة الايزو 9001 وهم كنا نسلتم المشاريع بالتعاقد مع الهندسة الامريكية وكنانستلم المبالغ منهم ايضا
شكرا لك بانا
-
ابو الكرار الله ايساعدك حبيبي....
حبيبي حسب علمي وحسب تجربتي اللي هي مشابهه جدا القضيتك انته مشمول ابهذا البرنامج بس ....
وحطلي البس بين قوسين حبي انه لازم اجيب كم شغله :::
1- ريكومنديشنات ولازم من شخص عنده الجنسيه الاميركيه سواء جان عراقي او اميركي ..
2- لازم اتجيب رساله من الهيومن رسورسز اللي بالشركه مالتك , وهاي الرساله لازم اعيد واكول لازم اتكون تحتوي على كلشي انته سويته خلال فترة عملك بالاضافه الى هاي الشغلات المهمه مثل تاريخ بدايه عملك ونهايه عملك او اذا بعدك مستمر بالشغل , العنوان الوظيفي اللي جنت تحتله لمن كنت تشتغل بالشركه , وانته شركتك ماخذه عقود من الاميركان يعني اكيد هاي العقود بيها تواريخ وبيها ارقام؟؟؟
لذالك يفضل لو يكتبوها الك بالريكومنديشنات او بال HR لتر وترة مو عبالك هاي فد شغله صعبه انته مشتغل عدهم يعني واجبهم انه ينطوك هيجي لتر وبيها اسم او ايميل او توقيع السوبر فايزر مالتك ولازززززززززم ايكون اميركي الجنسيه ويكتب بيها انه حسب علمه انه انته متشكل اي خطر على امن الولايات المتحدة ولالالالالازم بيها رقم تلفونه او ايميله علمود يكدرون يتصلون بيه...
اتمنى اكون فدتك ولو ابشىء قليل وتكدر اتشوف موضوع الاخ الوردة شبح بغداد ورح تلكه بيه كلشي
بس اني اضمنلك اذا جبت هيجي لتر وبيها هاي السوالف كلها انه ان شاء الله مقبول واتحصل الكوووم
تحياتي اخويه واسف على التقصير..
-
اما يكتب المسؤول الامريكي بأني ازكي فلان للدخول الى الولايات المتحدة
او عبارة فلان لا يشكل خطر على الامن القومي
تعددت العبارات والمعنى واحد
-
اخواني واخواتي والاخ صاحب السؤال
انتو ليش دتضيعون وكتكم
حبيبي...انت من تدزلهم (وانت تكول دازلهم) اي رساله تسالهم او حتى تكلهم "الله بو الخير...شو ماكو متبينون!!" همه راح يدزولك شيريدون بالتفصيل
وهم يدزولك رابط بيه كل التفاصيل
اجاك هيجي شي؟؟؟
بعد ليش دايخ!!!
واذا ما اجاك راجع هذا الموقع حتى تعرف شنو المطلوب بالانكليزي:
http://iraq.usembassy.gov/root/pdfs/sivguidelinesenglish2009.pdf
وبالعربي:
http://iraq.usembassy.gov/root/pdfs/sivguidelinesenglish2009.pdf
واذا هم ما عرفت شنو المطلوب ولا قريت الارشيف اللي الجماعة دزوك عليه فاحسنلك لتقدم لان دوخة راس
-
السلام عليكم.....اني اتفق 100% مع vincenzo كلام منطقي جدا ..اذا تكللهم الله بالخير ....يكولوك لازم نكعد يلله تكلنه الله بالخير....اذا انته دازلهم ...ومجاوبيك...... فاكيد كايليلك شنو يريدون بالضبط.....وانته بعدك ب بداية الطريق تعلم ان تنفذ حجيهم حرفيا....والله يوفقك ويفق كل اعضاء هذا المنتدى الرائع