ankawa

منتدى الهجرة واللجوء => الهجرة و واللاجئين => الموضوع حرر بواسطة: reem90 في 02:50 20/07/2009

العنوان: ســـــــــــاعدوني ارجـــــــــــــــــــــــوكم
أرسل بواسطة: reem90 في 02:50 20/07/2009
 ???
صباح الحب على اجمل منتدى وارقى اعضاء شفتهم بدون مجامله

اني جديده وياكم وحبيتكم تقبلوني اخت وصديقه الكم وتساعدوني اذا مبيها تعب عليكم

زوجي يشتغل مع قوات التحالف

وهسه راح يحصل موافقه على اللجوء بأمريكا

سمعنا هواي عن اللي يروح هناك

ناس يكولون ينطوكم بيت ببلاش وناس يكولون كذب بس 8 اشهر وبعدين ياخذون ايجار هاي الفتره

ناس يكولون المدارس كلش غاليه وناس يكولون كذب رخيصه

ناس يكولون المعيشه صعبه وناس يكولون ارخص من العراق

وبالنسبه لزوجي راح يلكه شغل هناك لو لا ؟


واذا كملنا نروح كلنا سوا لو يروح هو اول مره وبعدين يدز علينا

زين شلون نروح ومنو يختار المكان اللي راح نعيش بي وشنو نصائحكم النه بالنسبه للاماكن اللي تناسب العراقيين


الله يخليكم لتبخلون علية بنصائحكم والله يحفظكم ويحقق امانيكم يار


واشكركم جدا واشوفكم باجر


بأأأأأأأأأأأأأأأأأأأأأأي
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: good sniper في 03:16 20/07/2009
اهلا وسهلا اخت ريم ممكن نعرف انت باي بلد وزوجك مقدم على اي برنامج يعني مباشر او عن طريق الامم المتحدة

ماكو سكن ببلاش ودائم
حسب الولاية ويكون مساعدات 3 أشهر وفي 8 أشهر يتضمن السكن والعلاج وبطاقة الطعام
وممكن تتصفحين قسم اهم مواضيع المنتدى وراح تشوفين اجوبة لكل اسئلتك



اخوكم ابو فهمي
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: hussein5582 في 03:25 20/07/2009
المساعدات من 3 الى 8 اشهر و خلالها البحث عن عمل
ماكو شي اسمه سكن ببلاش
المدارس مجانيه يتم دفع مبلغ قليل لوجبات الطعام للطلاب و اكو مدارس تكون مجانيه للاجئين الجدد
الحياة صعبه اذا ماكو شغل ,, والبدايه راح تكون صعبه اذا تاخر العمل ,, واي شغله مهما كانت بسيطه راح تكون مفيده للاستقرار
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: عيني بغداد في 08:35 20/07/2009
السلام عليكم
أهلا بيج أخت جديدة في المنتدى.

أكيد ماكو شي ببلاش.
أتوقع لم الشمل يتأخر لذلك من تطلع العائلة كلها يكون أفضل وعلى الاقل تخلصين من القلق والانتظار.
أما العمل فهذا مرهون على توفر الفرص وقابلية الشخص في تقبل نوع العمل, البداية صعبه وتحتاج صبر وكل شي بتوفيق من رب العالمين.

توكلي على الله.

تقبلي مروري

عيني بغداد
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: AbU-SaRa في 11:17 20/07/2009

 أختي العزيزة مرحبا بك في المنتدى...

 أختي جميع التفاصيل ألي رايدتها راح تكون موجودة في قسم أهم المواضيع مثل ما كالوا الأخوان وبالنسبة للطلعة أذا رجلج مقدم أسمج وأسم الي يريد يروح وياه فأنشاء الله الكل تروح وياه بنفس الوقت الأ أذا همه فصلوهم بغير كيس وبالنسبة للسكن ترة ماكو شي أبلاش وكلشي مرتب هناك بس لازم صبر يعني الواحد يصبر الأ أن يحصل شغل ويرتب نفسه  ..........وأنشاء الله باقي الأخوان يردون بتفاصيل أخرى


                         
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: reem90 في 14:23 20/07/2009
good sniper
hussein5582
abu sara
عيني بغداد

 :-* :-* :-* :-*

اشكركم الشكر الجزيل على تعبكم ومساعدتكم

اني موجوده ببغداد وزوجي مقدم على لجوء او هجره ما اعرف بالضبط

هو مستمر بالعمل وياهم ويخاف من يروح هناك مليكه شغل


اشكـــــــــــــــــــــــرـركــــم جزيــــــــــــــــل الشكــــــــــــــــر يا غــــــــــــــــــــــوالـــــــــي


والشكـــــــــــــــر ايضا لجميع الاعضــــــــــاء ولأدارة المنتـــــــــــــــــــــــدى الراقي بما فيه من شخصيـــــــــــــــــــــــات راقيـــــــــــــــــــــــــــــــــــــــــــــه
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: ورقاء في 14:40 20/07/2009
اختنا الاطفال ماكو عليهم اي ضرر لانه اكو مدارس للاجئين واذا لغتهم زينة يخلوهم بمدارس عادية والهم ضمان اجتماعي لل 18 سنة اما عن العمل فكله يسموه Entry level يعني شغلات بسيطة من كاشير او بياع وما ماثل السكن الى 8 اشهر والولايات تختلف جدا اكو ولايات مستوى معيشتها غالي كلش او اكو لا ارخص تعتمد على الولاية الي تختاريها الي حيصير انه اول سؤال تعرفون احد ساكن هناك اذا اي ما مدى علاقتكم بيه اذا من الدرجة الاولى يخلوكم يمة 100 بالمية اذا لا حيخابروه يكولوله تكدر تساعدهم نصيحة انه يجاوبهم اساعدهم بس معنويا لانه اذا كللهم اي اكدر اساعدهم باي شي راح يخلوكم تسكنون يمه وهاي بهذلة والمنظمة تشيل ايدها منكم بس يبلغهم انه اهلا وسهلا بيهم اني اعرفهم على المنطقة القوانين الاسواق بس فلس احمر ماعندي طبعا اللغة كلش ترق لحضرتج ولزوجح بتحصيل شغل هناك هاي معلوماتي البسيطة واي استفسار عندج كولي ودوري بالارشيف ترة الجماعة هنا مسولفين بكلشي
العنوان: رد: ســـــــــــاعدوني ارجـــــــــــــــــــــــوكم
أرسل بواسطة: reem90 في 10:20 21/07/2009
:-* :-*

اشكرج حياتي ورقاء لأن تعبتي نفسج ويايه

حبيبتي آني مثل الاطرش بالزفه كلشي ما اعرف لذلك التجأت الكم ولكيت هنا احسن ناس

مشكوره على ردج وان شاء الله كل عضو هنا يحصل اللي يريده

تحياتي