ankawa
منتدى الهجرة واللجوء => الهجرة و واللاجئين => الموضوع حرر بواسطة: starxb في 18:59 20/07/2009
-
مرحبا اخواني وخواتي اكو احد من الذين قابلو محلف شهر 5 واستلم الموافقه . وصلت الامنيه او حددولهم موعد سفر . اشو اخوكم بدت عنده مرحلت القلق. علما اني قابلت محلف يوم25\5\2009 سويت فحص 9\6 استلمت الضرف موافقه يوم 12\7 طبع اني محدديلي ولاايه . والحد البارحه اتصلت بمصر وطبعا الجواب اتعرفو( مكتش يا فندم) والله يااخوان اشو رجع القلق والتفكير مثل قبل ما نستلم الضرف . الي عنده معلومه اتفرح خل ايكولهه . والي يعرف اي شي عن هذا الموضوع خلي اينوورنا .
اخوكم ابو مريم . سوريا
-
ان شاء الله الاخوان يساعدونك بها الامر
ولك مني كل احترام وتقدير
-
حبيبي ابو مريم كلنا معك وندعيلك بان الله يسهل امرك وامرنا جميعن في الحقيقه اخي العزيز اني نفس حالتك هنا في سوريا مستلمين الضرف في نفس اليوم وياك .... واليوم اتصلت في مصر هم كاعد ننتظرا الامنيه لحد الان ولكن حتى الولايه مامحديده لحد هي الحظه كل ماسألهم يكولون الامنيه بعدهي ماوصله وانتظرا فد اسبوعين .يابه والولايه يكولون هم بعدهي
وانشاء الله نسمع اخبار حلوه قريبا بأدن الله.............
خلينا على اتصال يابو مريم
-
اخي العزيز ابو مريم شفت هاي كلهة لان ما وفيت النذر لمولانا يابة ترة دا اشاقة
اخي العزيز ترة من جماعة شهر الخامس وبكل البلدان اللي جتهم موافقة امنية ما يتعدون 5% فارتاح اخوية وان شاء الله تجي الموافقات بس على كولة السوريين بكير على القلق
اخوك عبسي
-
السلام عليكم اخواني مشوار . عبدو99 . اشكركم على المواصله واتمنالكم انشاءالله تفرج عليكم على جميع الاخوه ولاخوات . اخي عبسيبارك الله بيك وبمولانه عكعك الورده . اني بالنسبه للخرفان والسمجه اني دزيتهن بس بالبحر وتعرف بالبحر اشويه يتئخرا وهم الخرفان اشويه ايكبرن .
اخوكم ابو مريم
-
:-\ اني من شهر الرابع يوم 28 /4/2009 ليهسه لا موافقة محلف ولا هم يحزنون مجرد قيد الدراسة وهاي مسالة قيد الدراسة تخوف و ما نعرف بالضبط شوكت رح يصدر بيها قرار من المحلف هل الها وقت معين او تقريبي مثلا؟ نكول الله كريم يسهل الامور ويسرها لكل عباده
اختكم ملوك
-
شلونك اخوية العزيز ابو مريم كلنة في الهوا سوا و من المحلفين للموافقة الامنية و يا ئلبي لاتحزن و الله القلق هم بدة على كولتك مثل انتظار الظرف و هالمرة كامت تجيني افكار اخاف تطول سنة و شلون بعدين يعني كلهة قلق بقلق و منكول غير الله كريم و ان شاء الله يبشرون الكل باقرب وقت
-
السلام عليكم . اختي ملوك الله كريم اكثر الي قيد الدراسه مقبولين. بس المشكله انهو يراد صبر والصبر هل ايام ذبحنه بس شنسوي ما عدنه غيره . الصبر والدعاء الى الله بان تفرج على الجميع.
اخي عاشق اتراب العراق وينك هل لايام تاركني وحدي اضرب اخماس باسداس .
خلصنه من موافقة المحلفين انوب اجتنه دوامت الامنيه . متكلي اشوكت راح نخلص .
بس الضاهر مراح نخلص بعد الامنيه . ختم الملف وراهه دوره تثقيفيه وراهه تحديد موعد.
وهذا كله انته متعرف مصيرك شنو . بس انكول الله كريم . وربي يفرجهه على الكل بدون استثناء .
اسف على الاطاله .
اخوكم ابو مريم
-
والله يا اخواني ماعدنا غير الانتظار....
بس انشالله تجي الموافقات عن قريب يارب .........
و انشالله خير ...
بس اعتقدان اقل مدة للموافقة هي3اشهر
وانشالله خيررررر
---------------------------------------------------------
تحياتي لكم
-
ابو مريم الغالي اني موجود يمعود شوكت متريدني
اليوم اتصلت باي او ام سوريا و طلعتلي بنيةانطيتهة رقم الملف و اسمي كالت انت مو متصل بمصر قبل كم يوم كتلهة اي غير اتصل بلكي تبشروني فضحكت و كالت شنو يعني البشارة بهل كم يوم اجتي كتلهة ان شاء الله كالت و الله نتوقع انت راح يكون كلشي خالص عدكم من هون لشهر تقريبايعني جماعة الموافقات مال شهر الخامس ما ادري بعد زحلكتني لو صدك دتحجي بس اني اخوكم هم راح اظل اخابر
تحياتي
-
ليش هيه بس تزحلك الواحد ؟ اني اضل بس اخابر ليما احصل فد ساعتين وبالاخير تطلع الموظفة تكول ما نكدر نحدد الوقت لاستلام القرار . وماكو بيدنا شي. لكن اليوم شافونه اعصاب صرنا يم المفوضية كالوا تعالوا بفلان تاريخ رح نبعث حالتكم او تقرير عن وضعكم الخاص جدا الى امريكا عسى ان يعجلون بالقرار .. ما بقا غير الدعاء بالفرج للجميع
-
شكرا اخواني على التواصل معي واخواني الاعزاء الاصيل وابو نور وملوك .انشالله مثل ما كالت هذة الموظفة تجي الامنيات عن قريب لان بعد ماعدنة صبر تعبنة بحياتنة والعيشة هنا جدا صعبة .
اخوكم الصابر ابو مريم_سوريا _حلب
-
مرحبا أخي ابو مريم
آني قابلت يوم 12-5
الفحص 24-5
ظرف الموافقة 5-7
لي هسة ماكو لا تحديد ولاية ولا موافقة امنية ولا شي والله كريم
اللي يسهل عليك وعلينا ويحقق امانينا انشاء الله
همو - سوريا - دمشق
-
اخي العزيز همو .
احنة كذالك لحد الان ماكو اي جديد بس منتظرين رحمة الله والله كريم.وشكرا على تواصلك ويانة واتمنى من اي من الاخوة الي في سوريا اذا صار اي جديد ان يبلغونة بي .
اخوكم ابو مريم سوريا _حلب
-
أخي العزيز أبو مريم مدا أفتهم ليش هالقلق يا حبيبي وعزيزي إنساها هي تجيك وعيونك هي مبينة سقفها الزمني بلا أي معرقلات بين الشهرين والتلاثة وعندي صديقي من الشهر الرابع ماخذ الموافقة واليوم خابروا وحددوله موعد الدورة التثقيفية .. والله ما يحتاج لكل هذا القلق والتعب والأرق بيني وبينك أني أتمناها تتاخر عليه شگد ما جانت حتى يقترب موعد الأسترالية لأنهُ منتظر المقابلة وملفي محولي للسفارة الأسترالية بعمان ودزيتلهم فورمات 80 بعد تعبئتها بالمعلومات ومفكرين جدياً هسة نزوج أخوية لأنهُ قبل أيام خطب حتى نضيفها وياه بالكيس أحسن من تنام الطابوگة علينا إهناك سبع سنين يلله تكدر تسحب مرتك طبعاً هالفترة من ضمنها سنة وشوية كرين كارت وخمسة جنسية وسنة معاملة لّم الشمل .. لا تكول عليه اليوم متشائم بس ما أريدك تقلق وتحملها أكثر من حجمها؟؟ يا أخوية الغالي بعدنا جدد وما صار أسبوعين من إستملنا الظرف شبيك ضجت بسرعة سهلّها والله يسهّلها عليك ؟؟ أتمنى إلك ولباقي الأعضاء التوفيق والإستقرار بأقرب فرصة ودمتم بألف الف خيــر ... †
أخوكـُم / وسـام بهنـام داؤد الخابــوري
-
اخي وسام الغالي اشكرك على كلامك الجميل ولي ايحثنه على الصبر . اخي العزيز اتمنا من الله ان ايتمم زواج اخوك على خير واتمناله السعاده والموفقيه ويارب اتكون ايامكم الجايه كلهه افراح ومناسبات سعيده. وانشاءالله يحددولك موعد مقابله مع السفاره الاستراليه . بالخير عليك اخويه . واشكرك على اهتمامك بالموضوع. تمنياتي للجميع بالسعاده والموفقيه وتحقيق الاماني وراحت البال .
اخوكم ابو مريم