ankawa
منتدى الهجرة واللجوء => الهجرة و واللاجئين => الموضوع حرر بواسطة: قيس ماجد في 22:29 21/07/2009
-
السلام عليكم
اخواني اخواتي وكل المتواجدين في هذا المنتدى الرائع لدي سؤالين محيريني والله
1ـ قبل اكثر من سنة ارسلت نسخة من جوازي الجي الى خالي في فرنسا علمود ايسويلي دعوة فيزة والشغلة طولت وبعدين انرفضت وسوى استاناف اشغلة ميتة حيل المهم عفته للدعوة وجوازي تلف وطلعت جواز بدل تالف طبعا رقم الجواز اتغير والصورة خليت صورة حديثة الى علما الصورة الي جانت بالجواز الاول شوية قديمة الجوازين نوع جي واني راح اقدم على اليوان اذكرلهم هاي الشغلة وخاصة سالفة الجواز القديم لو اكللهم ارسلت نسخة الى فرنسا فقط يعني اذا سالوني وكلولي ابهذا جوازك الي هو الجديد شاكللهم
2ـ اكدر اجعل خالي الي بفرنسا كفيلي يعني شغلة الهجرة الى فرنسا عن طريق اليوان عويصة لو اذا بيه كفيل اصير سريعة لو اخليهة على اليوان وحالي من حالكم مع الشكر الجزيل لكل المتواجدين في هذه المنتدى واتمنالكم السفر السريع
-
اخي بالنسبة الى اي تقديم على فيزا او هجرة عادية مالها اي علقة باللجوء ولاتاثر عليك ومالها اي علاقة بجواز سفرك قدم بالجديد ومالك اي علاقة بالقديم بس اذا طلبوا السفرات السابقة اذكرها وخلص وان شاء الله يسهل امرك ....اختك ايات
-
أخويا قيس ماجد
ما أضيف أي شي على كلام الأخت ايات لان كلامها مضبوط مية المية
بس ردت اقول لك شي
ان انت مالك شغل بخالك ولا تذكر أن لديك اقارب في الخارج لسبب واحد بس
ان هم يسألون عن اقاربك من الدرجة الأولى فقط أمك أبوك أبنك اخوك... الخ
يعني لا عمام ولا خوال يفيدون
بعدين انت خلي الأمم تعين لك الدولة راح تتوطن بيها ان شاء الله
يعني احتمال امريكا او كندا او استراليا
هاي الدول – حسب رأيي – افضل من فرنسا
فلذلك لا تجيب طاري خال او عم
خلي الأمور تمشي بطريقها الروتيني لأن ما ينفعك وجود عم أو خال في أي دولة (هذا حسب علمي)
لأن انا عندي عمام وخوال واخوان وعمات في امريكا وكندا والسويد واستراليا ونيوزلاند
كلهم ما يقدرون يسوون لي أي شي لحد ما الاجراءات القانونية تاخذ وقتها
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الأول من السنة الخامسة انتظارا
-
السلام عليكم.....بالنسبه للسؤال الاول ....لا تذكر جوازك الاول لانه انته اصلا داز نسخه ومو مسافر بي حته يدخل بالبيانات مالتهم.....اما عن هجرة الى فرنسه ..اسأل خالك هوه ادره بيها..واذا تريد تقدم لجوء لا تذكر اسم خالك لانه لا يقدم ولا ياخر...اللجوء همه اللي يكفلوك ..فماكو داعي تذكرلهم اسم خالك.....والله الموفق
-
أكولك يا وردة طبعا حجي الأخوان وردودهم كافية بما فيه الكفاية...وأكو شغلة أني نصحوني بيها الرايحين يكولك لا تحجي شي زايد عن اللازم في المقابلة يعني على كد السؤال والفات مات مثل ما يكولون أبدي صفحة جديدة وتوكل على الله وترة خالك أو عمك ما يفيدوك باللجوء ...
-
الى ايات و ام يلدا و SIV و AbU-SaRa اني اشكرك ماقصرتوا والله
بس اريد اتاكد انه بسخة جوازي الي ارسالته ماتضهر عنع اليوان ولا اسمي ولا ولابصمتي لان جوازي الاجي القديم الي ارسلت منه النسخة ابو البصمة
اني راح اكللهم انه اورسلت نسخة من جوازي الى فرنسا عن طريق احد المعارف لانه تعاطف معي واراد ينقذني وثم سافر هذا الشخص وانتهى كل شيء بس اذا سالوني وكلولي النسخة الي اورسيلت من هذه الجواز لحكللهم نعم شنو رايكم تعليقكم
طبعا جوازي الجديد البدل الضائع الجي ابو التوقيع ورقم جديد
انتضر ايجاباتكم وخاصة ممن لديه معلومة اكيدة لان هاي الشغلة دوختني واتمنالكم كل الموفقية
-
اخى العزيز اول شىء اقول لك اطمأن لأن هاى شغلتك نفس شغلت صديق ابويه وكلام موثوق به عنده اخوه بالمانيه وسواله دعوه ونرفض وصار الطمغه مال الرفض موجوده بالجواز ومأثر عليه والان هو بامريكا والاخوه والاخوات ماقصروا بالرد ان شاء الله