ankawa

منتدى الهجرة واللجوء => الهجرة و واللاجئين => الموضوع حرر بواسطة: سلام العبدلي في 10:29 22/07/2009

العنوان: اريد مساعدتكم لاني راح اموت مروتكم
أرسل بواسطة: سلام العبدلي في 10:29 22/07/2009
 السلام عليكم
تحية طيبه..........
   
    انا مطمور في العراق واريد ان اسافر الى امريكا لاني تعبت من الوضع في العراق لا تعيينات لا اكو شغل بيه حظ فاريد اقدم شلون صحيح هاي البطاقة الخضراء اسوي شغل لا اني حاصل على بكالوريوس علوم حاسبات مزوج و زوجتي حاصله على بكالوريوس هندسة حاسبات وشلون اقدم على الكرين كارت واحنه بالعراق ماعدنه الفيزا كارت او الكاشيو ( شلون ادفع حساب الكرين كارت ) ارجو من القارئ ان يزودني بالمعلومات الصحيحه انقذوني يرحمكم الله .[/color][/size]
العنوان: رد: اريد مساعدتكم لاني راح اموت مروتكم
أرسل بواسطة: SIV في 11:05 22/07/2009
حبيبي....لازم تحدد شنو الطريقه اللي تريد تقدم بيها ....على سفر الى امريكا   ( اي او ام ؟؟؟ اس اي في ؟؟؟؟ يو ان ؟؟؟ )
العنوان: رد: اريد مساعدتكم لاني راح اموت مروتكم
أرسل بواسطة: haider82 في 11:09 22/07/2009
اخوية يمكن انت تقصد الكرين كارد لوتري بس اريد اكولك هاي ترة شغلة مو رسمية ودير بالك منها لانه الرسمي يصير ببلاش من موقع امريكي رسمي وبوقت محدد بالسنة يعني مو دائما مفتوح .
حتى تتاكد شوف هذا الموقع الرسمي مال لوتري :
http://www.dvlottery.state.gov/
العنوان: رد: اريد مساعدتكم لاني راح اموت مروتكم
أرسل بواسطة: سلام العبدلي في 11:37 22/07/2009
مشكورين وياربي تتوفقون بحياتكم
  بس مروتكم اشلون انطوني حل بس اريد اطلع من العراق اريد اشوف حياتي
العنوان: رد: اريد مساعدتكم لاني راح اموت مروتكم
أرسل بواسطة: siv2007 في 12:01 22/07/2009
اخ سلام الله يكون بعونك
اخي دخول اميركا مو بس حجي اخي هذه قصتهه قصه طويله وما اريد احبط معنوياتك بس انصحك لله انه لا تفكر  ابداً في هذا الموضوع في حاله كونك غير عامل مع الامريكان في العراق وساكن في العراق.
تمنياتي لك بالتوفيق
العنوان: رد: اريد مساعدتكم لاني راح اموت مروتكم
أرسل بواسطة: أبــو دجـــلة في 12:14 22/07/2009
السلام عليكم

من بعد إذن الأخ الكريم .. سلام العبدلي

أغاتي الفاضل .. siv2007

تحياتي .. أسمح لي بالتنويه البسيط ولا تؤاخذني عليه
أخي الجليل .. ليس كل من وصل أو سيصل الى أمريكا هم من العاملين مع الأمريكان
وإنما قسماً منهم تحويل من مفوضية شؤون اللاجئين أو ما نطلق عليها الـــ  U N
ولم يعملوا مع الأمريكان .. أو مع بقية الجيوش المتحالفة معهم
شكري الجزيل .. مع تقديري

أخوكم .. أبـــو دجــــلة

**
العنوان: رد: اريد مساعدتكم لاني راح اموت مروتكم
أرسل بواسطة: SIV في 13:02 22/07/2009
مو حجيت ها الحجي من البدايه .......الاخ صاحب الموضوع انته شنو الاقرب لقضيتك؟؟؟؟ اي او ام ...لة اس اي في ..لو يو ان ...حته تحدد شنو والاخوان ميقصرون بمساعدتك
العنوان: رد: اريد مساعدتكم لاني راح اموت مروتكم
أرسل بواسطة: سلام العبدلي في 13:59 22/07/2009
(http://)http://السلام عليكم
تحية طيبة من اعماق قلبي لكم ارسلها من ارض الرافدين وبالخصوص من ارض بابل الحضارة .
 
  طبعا اني ماراح تخلصون مني اله الكه حل اللروحي واذا مالكيت حل اموت واذا متت معناها اتخبل (هههه) بصراحه اني ما جاي اعرف هذه  (اي او ام , اس اي في , يو ان ) موجوده في بغداد لو لا  .

 الى كل اعضاء المنتدى المحترمون
   
[center] م /  قرار [/center]
الى كل من يقرأ هذا الاعلان احملكم مسؤولية كل ما يضر مزاجي او جسدي من جراء الوضع المتعب في العراق وان حصل مكروها لي بعد  هذا القرار  سوف اقوم بأعدام كل من لم يعطني حلا وسوف يتم المباشرة باعمل في هذا القرار من تاريخ صدوره .
 
     راجين تعاونكم معنا وتسهيل مهمتنا  ودمتم للنضال .




سلام العبدلي
قائد العاطلين عن العمل في العراق
العنوان: رد: اريد مساعدتكم لاني راح اموت مروتكم
أرسل بواسطة: ايات في 14:13 22/07/2009
اخي اذا امكن لحد الان ماعرفنا انت مشتغل مع الامريكان او احد الشركات الامريكية لو لا  وهل لديك اثباتات انك عامل مع القوات او الشركات لان اذا ماعندك لا iom  ولا siv راح تفيدك  يبقى بس اليو  ان وبهذا يجب ان تذهب الى احد دول الجوار وتطلب اللجوء وهم مطلوب منك قصة اوقضية لسبب اللجوء والله يسهل امرك وامرنا ........اختك ايات
العنوان: رد: اريد مساعدتكم لاني راح اموت مروتكم
أرسل بواسطة: siv2007 في 22:23 22/07/2009
أخي الفاضل ابو دجله شكرا لك اخي العزيز على المداخله

عزيزي ابو دجله الاخ صاحب الموضوع يسكن في العراق ومن المستحيل ان يحصل على لجوء او هجره اذا لم يكن قد عمل مع الحكومة او الجيش الامريكي ... نعم اتفق معك بخصوص الامم المتحده ولكن الاخ في العراق وليس خارجه.

تحياتي
العنوان: رد: اريد مساعدتكم لاني راح اموت مروتكم
أرسل بواسطة: ام يلدا في 00:17 23/07/2009


أخواني وأخواتي الذين سبقوني في وضع الردود

الأخ سلام صاحب المشاركة عايش في العراق وربما غير مهدد بالقتل والتصفية وليس مستهدف
وليس لديه أي خدمة لا مع الحكومة الأمريكية ولا مع الجيش ولا مع الشركات
اشلون يقدر يطلع واحنا اللي متوفرة بينا كل شروط الترشيح والانتخابات والفوز بأرقى المناصب لحد هسه ما نعرف شنو نتيجتنا بعد انتظار طال وطلعت روحي من وراه؟؟؟؟؟؟؟؟

انا ما أريد احبط معنوياتك والله وصدقني السفر والهجرة وتسهيل الأمور يلعب الحظ بيها دوووووور كلشششششش كبيررررررررر .. يعني انا اعرف عوائل ليست مستهدفة ولا متضررة وليست مهددة بشكل مقصود ولم تعمل مع أي جهة أمريكية هذولاك همه في امريكا صار لهم سنة ونص عايشين أحسن عيشة خلصوا من الكهرباء والفقر والضياع!! هذه هي كانت اسباب خروجهم من العراق – ضايجين ولعبانه نفسهم

اشلون تم قبولهم بتلك السهولة؟ بينما المخضرمين أمثالي وأمثالي كثيرون لست وحدي لا زلنا نعاني من الانتظار وربما الانقراض ومحد يدري مصيرنا شنو؟؟؟؟؟؟؟

فأنت اذا تشوف روحك مجنص يعني عندك حظ وعندك فلوس تغامر بيها في غربة مثل الأردن أو سوريا أو تركيا وتترتب لك قصة لسرد وضعك في مكتب الأمم – تعال وجرب حظك

رغم أن احتمالات خروجك من العراق وقبولك هنا ضعيفة بصراحة لكون كل بوادر الرفض الجماعي توحي إلى أنه في المستقبل القريب راح نسمع اللجوء والتوطين انغلق بسبب تحسن الوضع الأمني في العراق !!

وبالنسبة لشهاداتك – ترة كلها شهادات ومستويات ومناصب – بس حاطينها على الرف الطيني

وأتمنى لك ولزوجتك السعادة والتوفيق والنجاح

-
الله يوفق الجميع
محبة

أم يلدا – مترجمة - عمان الأردن 2005 – في انتظار التجييك الأمني - الأسبوع الأول من السنة الخامسة انتظارا
 
العنوان: رد: اريد مساعدتكم لاني راح اموت مروتكم
أرسل بواسطة: سلام العبدلي في 07:07 23/07/2009
السلام عليكم

  تحية طيبه ارسلها لكل من رد على موضوعي مع اسراب الطيور تحمل لكم كل الحب والاخوه و دعائي لكم بالسفر القريب لان انتو بصراحه تعبتوا واقول الى الاخت ام يلدا الله يكون بعونج وبعون اخوانا كلههههههههههههههههههههم

الله يكون بعون العراقيين والله ماشفنه راحه  كله حرب بحرب وشلون تكظي ما يندره

يا اختي يا ام يلدا
الي يجه على الخلاف يركب على الجتاف
وهذا المثل ينطبق على ذوله الي كلشي ما عدهم الي هسه بامريكا همه والله يوفقهم ان شاء الله