ankawa
منتدى الهجرة واللجوء => الهجرة و واللاجئين => الموضوع حرر بواسطة: mark_kirkuki في 19:50 22/07/2009
-
اخوان واخوات المحترمين
ارجو الرد على هذا السوال لان احنا بحالة حيرة وماماكلين من الصبح بسبب هذه الرسالة
اليوم وصلتنا هذه الرسالة من ICMC باسطنبول تنص على هذا:
please be advised that a final decision regarding your application for refugee state in the United States has been deferred pending one of the following reasons
اكو اربع اختيارات وهم ماشرين على المربع او الفقرة الرابعة
further review
وبالاخير كاتبين الوقت لاتخاذ القرار غير معلوم. مكتب التوطين و الهجرة الامريكي راح يرسل رسالة بالقرار النهائي.
ارجو اعلامنا هل هذا يعني الرفض او القبول
اجو الرد لان راح نموت من القهر.
-
اخوية ان شاء الله موافقة .واكيد مو رفض .
اكو احتمالين موافقة او قيد الدراسة وللتاكد اتصل بالمنظمية ويفهموك بس اكثر شي موافقة ان شاء الله .
-
اخويه الاختيار الرابع لو مقبول لو قيد دراسه واذا تكدر تكتب النص الموجود جوه الاختيار الرابع
-
سيد مارك عزيزي...........مبروك هاي معناها موافقة المحلف باقيلك الموافقة الامنية و تسافر..مبروك مرة ثانية
اخوك
قرش بغداد
-
further review of your eligibility for refugee resettlement in the United
هذا هو النص حبيبي عكعك التطوى
شكرا لردكم قرش بغداد haider82
-
اخي مارك اذا دافع فديه يعني قيد الدرس واذا مادافع يعني موافقه انشاءالله
وانشاءالله موافقه
-
ان شاء الله تعالى موافقة وان شاء الله السفر القريب
اخوك ابو شهد ...........
-
further review of your eligibility for refugee resettlement in the United
هذا هو النص حبيبي عكعك التطوى
شكرا لردكم قرش بغداد haider82
اخويه اذا ماكو ملحق ويه النص الي كتبته فانشاءالله مقبول وبانتظار الموافقه الامنيه
-
اخي مثل ما قالوا الاخوان انت مقبول وان شاء الله السفر السريع ..............اختك ايات
-
أخوية العزيز مارك هذا يعني قيد الدراسة وقضيتك مثل قضيتي
واني عرفت اولا الموظف كلي وثانيا من الترجمة وكلمة deferred تعني تؤجل
الله يكون بعونك وبعوني مع العلم ماعندي دفع فدية بملفي
-
أخوية العزيز مارك هذا يعني قيد الدراسة وقضيتك مثل قضيتي
واني عرفت اولا الموظف كلي وثانيا من الترجمة وكلمة deferred تعني تؤجل
الله يكون بعونك وبعوني مع العلم ماعندي دفع فدية بملفي
اخي العزيز نودي كلمه deferred المكتوبه في النص الموجود فوق الاختيارات الاربعه تكتب سواء كانت النتيجه مقبول او مرفوض او قيد الدراسه اي ان هذه الكلمه لاتعني بالضروره ان يكون الملف قيد الدراسه
تحياتي
-
مقبول بعون الله وبلتوفيق
-
يمعود...
ماكو داعي للقلق
هاي معناه ان الموافقة مالتك طلعت بنسبة 51% وبقية المعلومات اللي قدمتها بالمقابلات هسة قيد الدراسة
كل اخوانا اللي سافروا استلموا هيج رسالة
والشغلة ما تستوجب قلق
الله يوفقك
-
اخي العزيز
مبروك وانت عاد انتظر الموافقة الامنية انشاءالله متطول عليك .
-
عزيزي نودي ماعندي اي دفع فدية
واشكر الاخوان والاخوات جميعن لان ريحتوني الله يحفظكم و لايشوفكم اي ظيم
-
اخي العزيز لاتقلق الجميع جاءه الاختيار الرابع وهذا يعني موافقة المحلف المبدئية وبقت الموافقة الامنية وبالتأكيد هذا اجراء روتيني وقضيتك ماشية مئة بالمئة وان شاء الله مجرد وقت وتوصل للبلد الي تريده .
اوركي
-
السلام عليكم
اخويه الف مبروك وبس بقى تنتظر الموافقه الامنيه .
ابو انس
-
والله الاخوان اعرف وانشالله الف مبروك
-
اخي العزيز
نفس الرساله هذي اجتني وهسه اني منتظر موعد سفر بس والامنيه طلعت مالتي
هذي العباره معناهه انك تنتظر الموافقات الامنيه يعني المحلف موافق عليك
اتنمالك الموفقيه ووصول الامنيه والسفر القريب ان شاء الله
تحياتي