ankawa
منتدى الهجرة واللجوء => الهجرة و واللاجئين => الموضوع حرر بواسطة: haider111 في 00:59 23/07/2009
-
السلام عليكم اخواني
قد تبدو حالتي غريبة جدا او قد يكون احد الزملاء بالمنتدى قد عرض قضيته لكم والتي تشابه قضيتي
ولو اني لا اعتقد ذلك لانها حالة نادرة
اني قدمت على برنامج الاس اي في والاي او ام بنفس الوقت مصارلي هوايه مجرد اسبوع واجاني منهم اميل انه يجب تكمله اوراقي وكلولي شنو المطلوب
بس اني كان شغلي قبل جنت ضابط برتبة نقيب وكنت بالفدائيين بصراحة
واني اشتغلت بشركة مقاولات ضخمة بعد السقوط مديرها عراقي بس متجنس امريكي وكنا نتعامل مع الامريكان في خوض المشاريع وانا خدمت بالشركة لمدة خمس سنوات كمدير امن للشاريع
واتهددت بوقتها بس بقيت بالعمل لحد قبل شهر يلى انتهت خدماتي لانتهاء الاعمال بالشركة
المدير دزلي الريكومنديشن وعندي الاج ار لتر
بس سؤالي هو
هل بالمقابلة من يسالوني اكول وين خدمت؟ يعني اكولهم بالفدائيين؟
بصراحة اني افضل احجي الحقيقة واكولهم حتى لو انرفضت لانه قد يشوفني المحلف اني صادق ويقبلني
واني ناوي اكوله للمحلف اريد اصير صادق وياك حتى لو رفضتني واني اعرف راح ترفضني بس احسن من الكذب
السؤالي الاخر اكو حالة مشابهة الي سمعتوها من احد الاشخاص الي قدموا على الهجرة؟؟
واريد اقتراحاتكم بالموضوع وياريت تنفعوني بالاجابة لان حاير كلش
شكرا لكم اخواني الاعزاء
-
أخويا حيدر
بصراحة انت اذا كنت قائد كبير بالفيدائيين يعني مسؤول ولك اسم ورتبة معروفة
ترة اسمك موجود عدهم وبالتجييك الأمني او الموافقة راح يصيدونك حتى لو قلت لهم مو انا
بس اذا كنت فقط بالأسم بالفيدائيين يعني مالك أي دور ستراتيجي – أنا أفضل أن لا تحكي عن هذا الشي وتوصي عائلتك أن ما يقولون ولا كلمة
وضروري اتكون أمرتب وضعك بالتحقيق بالأمور اللي راح اتقولها وشنو راح تقول وشنو ما تقول
وطالما يمك مديرك الأمريكي مسوي لك توصية اعتقد راح يقدر يقدم لك تزكية ثانية اذا انطلب منه رأيه في منهجك بالعمل وياهم
بعدين هذا مو كذب أخويا – هذا اخفاء معلومات عفى الدهر عليها بعد ماله أي علاقة بالواقع
الواقع اليوم انت متهدد لكونك كنت تعمل مع الأمريكان
يعني الواقع هو اليوم مو قبل سبع سنوات
والله يسهل لك أمرك
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الأول من السنة الخامسة انتظارا
-
شكرا اخت ام يلدا
تسلمين على الرد اختي العزيزة
بس اني مو قائد معروف مجرد رتبتي نقيب وخدمت بالفدائيين اربع سنوات بس
-
اخي حيدر اذا كانت خدمتك بفدائي صدام فهذا مؤشر قوي جدا على رفضك اما قول الحقيقه ام لا فهذا يرجع لك انت شخصيا
تحياتي