ankawa
منتدى الهجرة واللجوء => الهجرة و واللاجئين => الموضوع حرر بواسطة: الرجل العراقي في 20:49 23/07/2009
-
اني امقابل اللجنه النيوزلانديه من الشهر السابع 2008 ولحد الان ماكو رد من نيوزلاندا الف رحمة على والديكم الي عنده معلومات ايكوله وشكرا لكم اخوكم الرجل العراقي
-
اخوية ان شاء الله الاخوان يجاوبوك بس لو تكتب انت وين لخاطر الله .
-
اخي الحبيب haider82 اني في سوريا منذ العام 2006 ولكني قابلت توطين في 1/7/2008 ولحد الان ملفي في نيوزلانده وما اعرف اشلون تاليها وياهم
وانا اعرف شخص طلع الى نيوزلانده ومنطيه شغلات مانحلم بيه ابد
-
السلام عليكم
ها هناك اعادة توطين في نيوزيلاند مثل امريكا؟
ارجو التوضيح عن الموضوع بالتفصيل
لانه اني طالع ليي لجوء لامريكا وكنت اتمنى اكو الى نيوزيلاند
-
اخويه العزيز sami555 كل سنه تجي اللجنه النيوزلانديه وتقابل عشر عوائل اني هم من البدايه من قابلت اول مقابله كالتلي انت اتحول ملفك الى امريكا اموافق لو لا كلتله وين ماجان حتى لو جنوب افريقيا بس بعد مرور 15 يوم خابرتني وحدة انيوزلانديه وحاجتني بالانكليزي وبعدين انطت التلفون للمترجم كلي عيني تجينه باجر للامم المتحدة الساعه تسعه المهم رحت ثاني يوم وجان تطلعلي هيه ابنفسها وصاحت اسمي المهم طبينه جوة لا يرزح بالك بعيد طبينه جوة بالامم المتحده المهم كالتي انت ملفك محول للجان الامريكيه بس حسب حالتك انت ماتفيدك امريكا فبيها مجال تقبل احول للجنه النيوزلانديه واللجنه راح تجي 30/6 شتكول كلتله ليش ما اقبل كالتي الراتب مدى الحياة اذا رحت للنيوزلانده وانطيتها جميع اوراقي وهتمت اهواي بدفتر الخدمة العسكريه حتى رئيس اللجنة من قابلت خال المستمسكات بصفحة ودفتر الخدمة ابصفحة ليش ما ادري علما انو اني عندي خدمة حسنه ما غايب ولا يوم وبكاتبيها بالدفتر بالاحمر وكلي انت خادم عسكريه وانت مظلوم بالنظام السابق والحالي كلتله هذا بلدي اني مخادم صدام اني اخدم البلد طبعا صرت حيل وطني بذاك الموقف وهايهيه السالفه
-
اشكرك اخي الرجل العراقي على التوضيح
اسال الله ان يسهل امرك