ankawa
منتدى الهجرة واللجوء => الهجرة و واللاجئين => الموضوع حرر بواسطة: رامي سلام في 02:55 24/07/2009
-
السلام عليكم اخوان :
والله الحقيقه واحد يحط الحتمالات كله كدامه ويقول ضجت وطكت روحي واريد ارجع واني عندي عائله ويراد مبلغ كبير ا لى الرجعه بس اريد الاخوان الي يعرفون بهل موضوع يوضجولي المنضمه ماتتكفل مصاريف النقل تحياتي :'( :'( :-\
-
عيني رامي اذا ضجت وطكت روحك وتريد ترجع الى ارض الوطن لازم تسدد الي عليك من مستحقات وهي اجره الطياره الي وصلت بيه لامريكا بالاضافه الى انك تتكفل بمصاريف رجعتك الى ارض الوطن يعني المنظمه كلشي متسويلك
-
انشااللة ربي يوفقك ويرزقك من كل الجهات وما تفكر ترجع بس شوي بالبداية تشوفها صعبة بس بعدين راح تتعلم وتتعرف على ناس ويساعدوك ويدبرون شغل الك جائز الوضع يتغير ليش لا محد ميعرف شيصير بين يوم وليلا توكل على اللة وانطي صبر وربك هو المعين ومثل ما ذكر اخي عكعك الرجوع لازم انت تدفع فلوس الطيارة مرتين وطبعا راح تكون كلش صعب على شخص عنده عائلة انشااللة ما تفكر ترجع ربي يوفقك اخي
-
اخي العزيز
اتمنى لك كل الموفقية و انشاء الله ما تصل للحالة اللي تتمنى انه ترجع او تتندم على المجئ وانا اؤيد ما قال اخونا عكعوك و هم شيء اخر بعد من سابع المستحيلات انه تحصل فيزا و تجي لاميركا بعد
-
اخي رامي ارجوا من الله ان يسهل عليك اخي خليك متفائل دائما
يعني مالكيت عمل باجر الله يفتحه بوجهك وتلكي عمل ضايج هم الله يوسع صدرك وتروح الضوجه
اخوية اهم شي خلي آمآلك برب العالمين وهوا مايقصر وياك صدكني
اما بالنسبة للرجعه اي عادي تكدر ترجع بس لازم تسد اي قرض انته ماخذه يعني اجور الطيارة او مشتري شي وعليك تسدد اقساطة او مشترك بسلفه ويه ربعك هم لازم تسده لان خطية الاخير راح ينقص عنده واحد ويضل يدعي عليك
عمري تفائلو بالخير تجدوه
-
عزيزي كول يا الله وتكول على الله هوة ارحم الراحمين وشي ثاني با امريكا بالعراق با اي مكان اذا متشتغل وتعتمد على نفسك متكدر تعيش انت وعائلتك فة اكيد با امريكا نفس الشي وانت فكر با اطفالك ياخذون شهادة زينة ويدرسون بدولة زينة وائمان وهذا شي يستحق ان تتعب علمودة وذا فكرت بالرجعة لازم تدفع تكت الطيارة الي اجيت بيهة وانت تتكفل بالرجعة مالتك وبعد ميحقلك اتقدم على لجوء لا امريكا حسب ماسمعت بهذة النقطة تقبل مروري اخوك جوزيف
-
آني اللي أعرفه انو السفارة العراقية باي دولة تدفع مصاريف عودة اللاجئين من اي مكان بالعالم للعراق (فلوس طيارة الرجعة) اما موضوع فلوس طيارة الدخول لأمريكا ما أعرف.
-
والله عجيبه؟!! ليش انته رايح للسينما اشوفلك فلم ومفكر ايجوز اضوج؟ انته تريد تهاجر.يعني اتغير كلشي بحياتك .وتكول اضوج؟ابويه اذا ماكوا عليك شئ بالعراق وانته مالك واهس لاتبهذل نفسك ولا عائلتك.
-
الاخ رامي .. تحية طيبة .. لاازيد على ماذكروه لك الاخوة الاعزاء جميعا .. واطلب منك ان تتأمل جيدا بالكلمات الطيبة والصادقة التي حدثك بها اخوانك الاعزاء هنا .. ميثم.. انجي.. و جوزيف العراقي.. والاخرين .. وتوكل على الله في ان تبحث لك عن عمل مع دراسة لتطوير وضعك ان تمكنت من ذلك .. وبعد الاستعانة بالله سبحانه وتعالى ..حاول الاستعانة باخوتك واهلك في الغربة وستجد غالبيتهم يتنادون للخير والعون وندعوه تعالى ان يعيننا جميعا على فعل الخير لما يحبه ويرضاه لعباده المؤمنين..
ادعوا الله سبحانه وتعالى ان ييسر لك امرك ويفتح عليك ابولب رحمته وفضله .. انه سميع مجيب.
-
اخي العزيز رامي سلام ان شاء الله يهديك الله للصالح الك
ومن هنا اقول للاخوان الذين هم ليس اهل للتعب والهجره في سبيل ابنائهم اخوان لتروحون وتبهذلون اولادكم وعوائلكم وبعدين تضوجون وتريدون ترجعون بعد مااخذتوا مكان واحد يستحق الذهاب لامريكا وديعاني في الموافقات الامنيه وغيرها
وعذرا لصراحتي ولكن هنا تعودنا الصراحه مع بعضنا
-
السلام عليكم
أن شاء الله متوصل لهيجي مرحلة ولكن الشي الاكيد بان المنظمة غير مسؤوله عن ارجاعك للعراق.
تقبل مروري
عيني بغداد
-
والله اخويه ما اظن تتكفل
بس تكدر تراجع سفارة بلدك ممكن تتكفل بيك
بس عذرا لتطفلي يعني اذا انت من هسه حاط هل شي بالك ليش ما تلغي كل شي من الاساس وما تروح مو احسن
صح هناك كلشي موجود ومرتب وقانون ونظام وكل وسائل الراحة بس الانسان لازم يتعب حتى يحصل على هل شي يعني اسهلك ياها اكثر من راح تروح هناك ان عندك فلوس او ما عندك اعتبر نفسك راح تبدي من الصفر وبعد انت ادرة من واحد يبدي من صفر شكيد لازم يصبر ويتحمل
تحياتي
تايكر
-
مرحبا
اخويه ان شاء الله تمشي الامور وياك عدله ومتفكر برجعه.... اذا طالب قرض سفر منهم يعني فلوس تذاكر الطائره, طبعا اكيد بس للذهاب, one way فالمنظمه حيوقعوك على كمبياله promissory note في المطار بمبلغ القرض والي يجب ان تسدده على شكل اقساط شهريه 'من توصل الى اميركا بس في حاله تريد ترجع فاكيد ترجع المبلغ وماعتقد ان يتسامحون او يعفوك من القرض.,واذا تريد ترجع فاكيد حتكون على حسابك الخاص والمنظمه غير مسووله على رجعتك.
ممنون
hopeforall
-
اخي كمال رحم الله والديك على هذا الجواب والله جوابك ذاهب
يعني واحدنه شيريد يحطوله سايق خاص و خدامه
اخي العزيز رامي امريكا لايسه اوربا امريكا بلد العمل والمشقه والغربه بل لغه والغربه بل تقاليد
اخي العزيز احسبه زين خاصه انت عندك عائله الله يحفضكم من كل سوء اللهم امين
اسف على صراحتي بلتوفيق انشاءالله
-
السلام عليكم اخواني الاعزاء ............اني اشكركم على هذا التوضيح المهم والصراحة اني ماعند ي اي مشكله من ناحية اللغه والعمل بل بلعكس الانسان الذي لايعمل لايحس بطعم الحياه...............بس الحنين الى الوطن شى ليس بهين وخصوصا انا صالي في مصر اكثر من ثلاث سنين والوالده في بغدادونفس الشي زوجتي وعلى الله يسهل كل شى الله كريم تحياتي لكم جميعا اتمنى لكم التوفيق والستقرار وانشالله تنالون المراد ...........اخوكم رامي سلام
-
اخويه رامي كوي الله هسه روح بلكت اكيد الله يفتحها بوجهك
-
اخي العزيز رامي الله يحفضلك الوالده من كل سوء والله ايصبره على فراكم والله ايصبرك على افراكه
اخي احنه شنو الي جبرنا على المر غير الئمر منه . خليه على الله والله كريم
تحياتي لك اخوك في الغربه
-
أخوية ترة الصبر حلو ...أول شي ترة أنت بعدك أبداية حياتك مثل ما نكول لأن أنت مو بالعراق فأبدي حياة جديدة وأصبر أنت وعائلتك لأن أذا قررت الرجوع فهاي راح تصير عليك هوسة لأن راح يصير عليك تدفع كل الي صرفوه عليك المنظمة وخاصة فلوس الطيارة ألي طرت بيها ففكر زين ولا تستعجل وتندم بعدين ...توكل على الله أكعد أنت والعائلة وفكروا زين بالموضوع...
تحياتــــــــــــــــــــــــي ;)