ankawa
منتدى الهجرة واللجوء => الهجرة و واللاجئين => الموضوع حرر بواسطة: الايمان في 18:14 24/07/2009
-
السلام عليكم ان عضو جديد فى هذا المنتدى الرائع وارجو ان تقبلونى معكم فى بيتكم الجميل الذى يحمل كل الحب والصدق واشكر كل الاخوة والاخوات الذين يساهمون بما هو مفيد لكل من يحتاج الرد على سؤاله وعندى سؤال وارجو الاجابه عليه ارجوكم انا جتنى الموافقه الامنيه والحمد لله ولكن انى ضيعت جوازى علما انى ب مصر وانى محتار شسوى اروح اكللهم اى او ام لو اشلون علما انى سافرت الى لبنان قبل متطلعلى الموافقه ارجو الاجابه انى طولت عليكم اسف جدا
-
يا هلا ومية هلا بين اخوانك واخواتك وبالنسبه السوالك ما عندي علم بهيج حالات وانشا الله الاخوة ما قصرون عليك بالرد اخوك القره غلي من بغداد
-
اهلا وسهلا بيك اخي العزيز .
سؤالك اجابته الكافية الوافية عند خبير اللاجئين الدولي عكعك .
-
اهلا بيك اخ جديد في عائله عنكاوا اللي بيهه حنية اهلنا وطيبتهم ..بالمناسبة انا هم عضو جديد...^_^...
وان شاء الله الاخوان يجاوبوك على سؤالك...
اختك نخله عراقية
عمان
-
اهلا وسهلا بيك اخي الكريم على الرحب والسعه
اخي الايمان باختصار انته بكل الاحوال لازم تبلغ المنظمه عن فقدان جوازك اخويه بالنسبه
للجواز G اذا رحت للسفاره ما راح يصدرولك جواز اخر لان الي يفقد جواز ال G ميحقله يطلع
جواز الابعد كم سنه ولا اذكر بالظبط وغرامه ماليه وهذا السؤال وجهته الى احد الموظفين
هناك وسالته اذا ردت ارجع للعراق شلون قال نزودك بوثيقه لسفره واحده تكدر ترجع بيها
للعراق واعتقد وليس متاكد تستطيع ان تعمل كتاب من السفاره بفقدان الجواز وتذكر رقمه
وتفاصيله وتقدمه للمنظمه والتي بدورها تحولك المنظمه الى الصليب الاحمر وتزودك بوثيقه
(التي عن طريقها تسافر الى امريكا وليس الجواز) الى مجمع التحرير لتثبيت الغاء الاقامه
وختم الخروجيه عليها
خلاصه القول تبلغ المنظمه وعلى ضوء كلامهم تتوجه لان اكيد مارين بهكذا حالات سابقه
تحياتي
-
بارك الله بيك اخويه عكعك الورد وفيت وكفيت
-
عكعك الله ينطيك العافه انت داينامو المنتدى انشاءالله اتصير داينامو ب امريكا وتخلص من مصر
اخي الايمان اهلا و سهلا بيك اخ عزيز شرافتنه
-
اشكرم جميعا نعم انتم نعم الاخوان وشكر خاص للاخ عكعك لصاحب الخبره الكبيره والرد السريع وكلكم متقصرون
(بس انى رحت اللبنان ورجعت هذا مياثر على قضيتى لان انى ذهبت من غير علمهم )
-
أخي الأيمان
بعد الشكر للأخ الفاضل عكعك الورد .... ل يهم ان سافرت لأي دولة عدا العراق .. حيث العراق يسبب حساسية واسقربوط وحوسان لدى المنظمة بشكل عام ولدى المحلفين بشكل خاص
أنني مانأبلغت المنظمة في عمان بسفري القريب عبر البحار وقالت لي الكنظمة لايهم لأي مكان انت مخوول بالسفر عادي ماعدا العراق العظيم لا أنصحك بالذهاب للعراق لأنه سوف يؤثر سلبآ على قضيتك
هذا ماقالته لي موظفة IOM عمان
وأهلآ وسهلآ بيك بين أخوانك
تحياتي
Baguncero
-
اخي الايمان انت من رحت الى لبنان انختم بلجواز والجواز ضاع بعد ماكو داعي تذكره هذا رئيىى
ونته بكيفك ؟ لان هذوله الامريكان مشكله
تحياتي لك
-
اشكركم على هاى الروح الحلوة وياية وية كل من عندة سؤال واقول يارب يحفضكم ويحقق امانيكم اما بخصوص السؤال ليش اذا الجواز ضايع ميكدرون ايعرفون انى وين رحت مو انى سافرت من مطار القاهرة والف شكر
-
اخي انت لجيب طاري السفر . اذا سئلوك الامريكان انت سافرت كلهم نعم واذاسئلوك ليش مبلغت
كلهم محد سئلني . اما icmc وun لجيبلهم طاري السفر
وانشاءالله محد يسئلك اخي السفر ميبين بس بلجواز . / هذا رائيى ونته بكيفك /
تحياتي لك
-
اخى العزيز اهلا وسهلا بيك بيتك الثانى وان ايضا عضو جديد بس حبيت اطمنك اهم شىءلتقلق لأن انته مارايح للعراق وهذا هو المطلوب .وان شاء الله ماقصرو الاخوة وياك بالرد على سؤالك
-
اهلا وسهلا بيك اخي العزيز بين اخوانك واخواتك مراحب
-
اهلا وسهلا بيك اخي في بيتك الثاني اختك ميسون
-
اهلا وسهلا بيك في المنتدى وبين اخوانك وان شاء الله الاخوة انطوك الحل والله يسهل امورك....اختك ايات
-
شكرا شكرا اخوانى واخواتى على تعبكم ويايه والله يوكفلكم مثل ماانتو ا واكفين للكل سؤالى هو اريد اعرف اليس هناك فى المطار اجهزة كمبيوتر تدون كل المعلومات ومن خلالها يعرفون المسافر اين ذهب ومن اين اتى ولكم جزيل الشكر
-
اخي بالنسبه لسفرك الى لبنان لا توجد مشكله به ولا يؤثر عليك ولكن من الاولى ان تبلغ المنظمه عن ذلك لان هذه من تعلماتهم لكي يتصلوا بك في حاله اي تطور او تبليغ
اما بالنسبه لسفرك ل لبنان فلا انصحك بان تنكر سفرك اليها لانه سوف يثبت تاريخ اول دخول وتاريخ اخر دخول لمصر على وثيقه السفر وقد تتعرض للمسائله عن تاريخ اخر دخول لك واكرر ان سفرك ل لبنان ليس له تاثير ومعلومات سفرك الى لبنان ممكن استخراجها من مجمع التحرير في حاله لو طلبتها المنظمه
تحياتي
-
اهلا وسهلا ببيك حبي ومنور بيتنك وسط اخوانك واخوتك وماشاء الله عكعك كفة ووفى اهلين بيك مرة ثانية
اخوك جوزيف
-
اشكركم اخوانى واخواتى على هذا الرد السريع واقول للاخ العزيز عكعك المحترم الله يخليك النا وان شاء الله انشوفك بأمريكا وارجو منك اتوضحلى أكثر يعنى هم اشمدريهم اذا الجواز ضايع يعنى تقصد من المطار ايعرفون الدخول والخروج ويعرفون الاى دولة رحت ياريت اتفهمنى واكون لك ممنون وشكرا
-
اخى العزيز اهلا وسهلا بيك فى هذا البيت العراقى الجميل وان شاء الله تستفاد من خبرة الجميع واشكر الاخ عكعك على المعلومات الوافية والله يبارك بيك ويكثر من امثالك اتمنى لكم جميعا مواعيد سفر وتوصلون بالسلامة الى بر الامان
-
أخي العزيز مرحبا بك في منتدانا الرائع ومثل ما دكول منتدى حلال مشاكل ههههههههه لكل الأخوان ألي مقدمين لجوء أو هجرة ... أخي مثل ما شرحلك الأخ عكعك لازم تبلغ المنظمة بفقدان جوازك ولا تتردد بالموضوع لأن أكيد عدهم التفاصيل وراح يوجهوك بشي ...بس أكيد هم راح تصير الشغلة بيها تأخير وهذا مو من صالحك ...
تحياتــــــــــــــــــي
-
اهلا و سهلا اخي العزيز و ان شاء الله اتكون بين اخوتك و اهلك تقبل مروري
طيف السعد
-
السلام عليكم اخ ايمان
اني اشوف انه كلام الاخ عكعك كلش مضبوط
احنه حاليا يحق النه السفر لاي دولة
عدا العراق لانه البلد الي احنه تهجرنه منه واكو خطر برجوعنا
والدول المشبوهه بالارهاب عند امريكا مثلا ايران وغيرها من الدول
اما سفرك للبنان فمابي اي مشكلة
ومن الطبيعي انه تاريخ دخولك وخروجك من الدولة الي انته بيهه مدون بدوائر الهجرة والجوازات
والانكار مو بصالحك واذا سئلوك عن سبب السفر الى لبنان تكدر تكول للسياحة وهذا شي طبيعي لان احنه مهددين بالعراق يعني ممكن تكون حالتنه المادية زينه ونكدر نسافر لاي دولة لغرض السياحة
اني رأيي تلتزم جانب الصدق افضل لان احنه عند المنضمة صادقين والا ليش انطونه ورقة الحماية من الاول على اساس ادعاء بدون اثبات (اني باول مقابلة مجان عندي اي وثيقة تثبت انه اني مهدد بالعراق ) لكن اذا ثبتلهم الكذب اهنا تكون المشكلة واتمنالك الموفقة
-
اشكركم اخوانى واخواتى على هذا الرد السريع واقول للاخ العزيز عكعك المحترم الله يخليك النا وان شاء الله انشوفك بأمريكا وارجو منك اتوضحلى أكثر يعنى هم اشمدريهم اذا الجواز ضايع يعنى تقصد من المطار ايعرفون الدخول والخروج ويعرفون الاى دولة رحت ياريت اتفهمنى واكون لك ممنون وشكرا
اخي الكريم اذا دخلت مصر المفروض اتاشر جوازك بالمجمع خلال شهر والا بعدها يجب ان تدفع غرامه او تاني بكتاب اعفاء من السفاره العراقيه ولكن يجب ان لا تتعدى الشهرين من وصولك
وعند تاشير الجواز في المجمع تملاء كارت ابيض مستطيل ومن ضمن الفقرات معلومات عن اخر دخول لك والدوله القادم منها وهذه المعلومات تثبت عندهم في سجلك الموجود عندهم هذه طريقه والطريقه الاخر ى بمعرفته الدوله التي اتيت منها فيوجد سستم مشترك بين المجمع والمطار ويمكن معرفه تاريخ دخولك وخروجك والدوله القادم منها
تحياتي