ankawa
منتدى الهجرة واللجوء => الهجرة و واللاجئين => الموضوع حرر بواسطة: سندباد العراق في 23:55 24/07/2009
-
السلام عليكم حبابيب اخوكم مقدم من شهر الثالث ببغداد وتعرفون الحماعة اشون طولة بال عدهم فعدت عليهم الرسالة والمعلومات فكالوا اذا اتريد اتروح العمان ومكدرت انطينة خبر فاني دزيتلهم وكتلهم اني كذلك ردت ادخل عمان ومكدرت فكالوا راسل هذا الايميل فراسلتة وردولي وكالوا ارسلناكل الوثائق الثبوتية وعنوانك الحالي السؤال اولا اذا ارسللهم على عنوان عمان الجديدالقضية من بغداد تنلغي تماما؟ ثانيا اذا ردت اغير بالاسماء المرافقين معي بالقضية هل هذا يضر او ينفع بالقضية بالاحرى اني اعزب ومقدم اخي الاصغر معي هل اذا اضيف اخي هو وزوجتة واطفالة الاثنين هل هذا يسرع او ياخر بالموضوع ثالثا عندما ارسللهم المستمسكات لعمان تتوقعون دخولي سريع لو الشغلة هم اتنام فترة لان اجاني شغل بمكان ميتفوت اني اشكركم على كل حرف اتكتبوا بالرد
-
عزيزي سندباد
خليك مقدم على مكتب بغداد وماكو داعي تريل على عنوان عمان لان هي مكاتب اي او اوم نفس الشغل ولو حسب ما سمعت من اخواني بالمنتدى ان مكتب عمان شغلته ارتب واسرع شويه بس اذا قدمت على عمان لازم تكون انت بعمان وهاي شلك بهالدزخه انت
الشغلة الثانيه ادراجك لافراد من عائلتك بالبدايه يكون احسن يعني بعدين اذا تكمل مقابلاتك شغلة الاضافه راح تطول فضيفهم من هسه احسنلك
هذه حسب معلوماتي البسيطه واكيد الاخوان والاخوات مراح يقصرون وياك اذ يعرفون اي شي
تحياتي
-
1 - المعاملات في عمان - الاردن اسرع وتقديم مباشر وليس عن طريق الايميل
2 - لا تغير حاليا في المرافقين للمعاملة لان ذلك يؤخر ملفك
هذه نصائح ومقترحات وتمنياتي بالتوفيق
-
اني ممنون منكم كلكم بس اخوية انطوان من الواضح عدك تبحر بالموضوع ككل زين في حالت كالولي تعال لعمان واخي لم ياتي معي لضرف من الضروف كمرض او امتحان للدور الثاني في الجامعة شون رح تجري الامور ولو انت بمكاني شرحتويواشكركم كلكم مرة ثانية على تعاونكم السريع
-
السلام عليكم ورحمة الله تعالى وبركاته
عزيزي سندباد .. ارجو الاطلاع على موضوع الاخ RE7- Aljanoob من خلال الرابط التالي حيث انه قدم على منظمة الهجرة iom في عمان عن طريق الايميل عندما كان في بغداد .. ارجوا ان يفيدك في موضوعك.. واعوا الله سبحانه وتعالى ان ييسر لك امرك ..تحياتي الطيبة
http://www.ankawa.com/forum/index.php/topic,314488.msg3970969.html#msg3970969
-
السلام عليكم ورحمة الله تعالى وبركاته
عزيزي سندباد .. ارجو الاطلاع على موضوع الاخ RE7-ALJANOOB من خلال الرابط التالي حيث انه قدم على منظمة الهجرة iom في عمان عن طريق الايميل عندما كان في بغداد .. ارجوا ان يفيدك في موضوعك.. وادعوا الله سبحانه وتعالى ان ييسر لك امرك ..تحياتي الطيبة
http://www.ankawa.com/forum/index.php/topic,314488.msg3970969.html#msg3970969
وهذا ايميل منظمة الهجرة في عمان ammaninfocenter@iom.int
-
السلام عليكم اشونكم عساكم بخير والله يا اخوان الشغلة دوخة فوك ما احنة داييخين وحيرة يعني اني بعد ما سمعت بشغلة اخونة ريح الجنوب (لعبت نفسي)من صدك وما اعرف شسوي وانتوا انصحوني لان اني هسة خارج التغطية الذهنية احتمال شغلة اخونة ريح الجنوب حالة ثانية او يمكن بيهة مجال ومو نهائية ولو اني اتاثرة بحالته وما اعرف شكول زين هسة اني شسوي اروح واتوكل على الله علما اني اريد اروح من داخل نفسي يعني عدي دافع نفسي للذهاب الى عمان هاي اولا وثانيا في حالت كالو تعال واخي لم يستطع المجيئ معي لاي سبب مثل كمثل انه رفض الموضوع او لاي سبب اخر هل هذا يلغي القضية او ياثر عليهة هسة اني ما اعرف اشون اشكركم صدك كانما احنة عائلة وحدة اشكر وكفتكم وياية واجاباتكم السريعة والمطمئنة والله يرعاكم ويسرع قضاياكم كلكم
-
الاخ سندباد العراق اذا اتريد نصيحه فاني اكلك ابقى بمكانك وهيه الشغله خليها تمشي من بغداد
و اذا انت عندك شغلك ابغداد واخوك كذلك ابقوا على شغلكم وكاعدين ابيتكم مصاريفكم اقل من عمان وشوكت متجي خلي تجي لان الانتضار بعمان راح يفقدكم صبركم
وثانيا كل الي بالمعامله لازم ايحضرون بالمقابلات يعني اخوك لازم يحضر وياك اذا رحت لعمان
وثالثااذا اتريد اتضيف اشخاص وانت قبل المقابله الاولى تكدر اتضيفهم بالايميل
واحنا قدمنا من بغداد المقابلات بس اثنين وكلش اسهل من مقابلات عمان انت كاعد ابمكانك بس اتراسلهم بلايميل
وهذا راي وانت شوف الي ايعجبك سويه والله ايوفقك
-
والله ما اعرف شكلكم صدك عائلة هسة اني اقتنعت انه ما اروح لعمان لان الاخوة والاخت ريم ايضا نصحتني بعدم الروحة لعمان وذكرتني بالمصاريف الي تكسر الظهر زين هس السوال هو بعد ان صارت المراسلات هاي بيني وبينهم حول التحويل العمان وهمة هسة كالولي ارسلنا مستمسكاتك الثبوتية وية الامريكان هاي جماعة عمان اني شسوي اخاف لغوا القضية من بغداد واخصر المشيتين بس اني استاهل لان كان المفروض اسال اخوتي قبل ان ارسل اي رسالة والله اشكركم على هل الرد السريع وما اعرف شكول بس اكول الله يوفق الكل
-
عيني سندباد ماكو مشكله انت كاعد وره الحاسبه ودز ايميلات شكو عندك
اني هم كلولي اذا اتريدين اتحولين على عمان بس كتلهم مااكدر اروح لعمان اريد اكملها من بغداد فكالوا ماكو مشكله واستمرت متابعة الحاله من بغداد
فدزلهم وكلهم اني لظروفي وظروف اخي الامنيه مااكدر اتحرك من مكاني والسلام
-
الاخ سندباد العراق اذا اتريد نصيحه فاني اكلك ابقى بمكانك وهيه الشغله خليها تمشي من بغداد
لان اني افتهمت مكتب عمان ديقلصون الشغل بيه لان مقررين ايسدوا
وثانيا اذا انت عندك شغلك ابغداد واخوك كذلك ابقوا على شغلكم وكاعدين ابيتكم مصاريفكم اقل من عمان وشوكت متجي خلي تجي لان الانتضار بعمان راح يفقدكم صبركم
وثالثا كل الي بالمعامله لازم ايحضرون بالمقابلات يعني اخوك لازم يحضر وياك اذا رحت لعمان
ورابعا اذا اتريد اتضيف اشخاص وانت قبلل المقابله الاولى تكدر اتضيفهم بالايميل
واحنا قدمنا من بغداد المقابلات بس اثنين وكلش اسهل من مقابلات عمان انت كاعد ابمكانك بس اتراسلهم بلايميل
وهذا راي وانت شوف الي ايعجبك سويه والله ايوفقك
اختي مع احترامي لكلامج من وين جبتي الكلام انه مكتب عمان يسدوه ؟؟؟ هو اصلا فرع عمان نقلوه وكبروه هواية ويكولون الاخوان انه هو راح يصير المركز الاقليمي بدل مصر !!
-
والله اخ حيدر هوه هذا الموضوع مااخذته من مصدر رسمي لان كتلك سمعت بس من احد العاملين بالمنظمه وتعرفم معظم الموجودين بالمنظمه من العراقيين همه من اهل الولايه مثل ميكولون.. بس حاليا لقلة التخصيصات ديقلصون العمل بس هذا الي ردت اوضحه والعهده على الراوي وتسلم على الرد
-
السلام عليكم اخواني واخواتي كلكم بدون استثناء وخاصة الي ردو عالموضوع
اني استفدت هواية من الردود واكلكم اني دزييت الملفات الرسمية اليوم والله كريم
ودزيت حتة الصور بس بدون قصة بس اريدكم تدعولي
واشكركم مرة ثانية وثالثة ورابعة لان تسوة الشكرومع السلامة
-
السلام عليكم
الصراحة مااعرف ايهما الافضل عمان ام بغداد
لو كنت مكانك كان سويت استخاره !!! (اتكلم عن نفسي) وراه يله اقرر
تقبل مروري
عمار
-
عيني سندباد بغداد اذا عندك النيه بالذهاب الى عمان لتكمله اجراءاتك وعندك امكانيه للعيش هناك فتوكل على الله وروح لان اسرع بكثير من العراق وبالنسبه لااضافه اي شخص من عائلتك ماكو مشكله
وخصوصا اذا كنت بعدك ممقابل ولكن اذا كنت مقابل وحبيت اضيف واحد من افراد عائلتك راح تنعاد المقابله
واذا اي واحد انسحب من عائلتك ميأثر على قضيتك وبالنسبه للشغل الي معروض عليك فانت ادرى بمصلحتك
اكثر من
تحياتي واتمنالك التوفيق