ankawa
منتدى الهجرة واللجوء => الهجرة و واللاجئين => الموضوع حرر بواسطة: Sasy في 11:50 25/07/2009
-
ارجوا من الاخوان جماعه SIV الواصلين الى اميركا شنو البرنامج الي نحطوا عليه يعني همه مشمولين بالماج كراند لو اللولفر لو بس الولفر يعيني شنو المساعدات الي حصلوا عليها من المنظمه يعني الجواب على:-
1- متى وصلت
2- اي ولايه انت
3- على اي برنامج كنت
4- اسم المنظمه
5- ماهي المساعدات
6- ماهي مدتها
تقبلوا تحياتي
اختكم
ساسي
-
عاشت ايدج اخت ساسي... صدك موضوع يستحق المتابعه ..لكسب الخبرة
اني مكمل كلشي على برنامج ( اس اي في ) بس بعدني مو مسافر بس ان شاء الله من اوصل اكدر اجاوبج
-
موضوع جميل و مفيد أخت ساسي
عاشت ايدك ..و ياريت يشارك جميع الواصلين لأميركا حتى تعم الفائده ..
و أحنه أن شاء الله من نوصل أكيد نكون أول المشاركين ..
تقبلي تحياتي
-
اساله كلش حلوة ومفيدة بس المشكلة انه همه الكم واحد اللي وصلوا اختفوا معذورين او لا من فالكون الى شبح طبعا عدى ابو نور وانتي وسبع لحد الان وكم واحد كتبولهم موضوع مقتضب مال جفيان شر وفلتوا
بالمناسبة انتي مو ما مقدمه عالمساعدات؟؟ شتسوين بهالمعلومات لعد ؟؟
-
عزيزي فنزوا ان المساعدات هي من توصل الى اميركا تقدم عليها هاي الناس المثلي الي راحوا على حسابهم الخاص طبعا عدنا مستحقات حالنه حالي اي واحد راح على iom
هي اكو ملاحظه انه انت اذا عندك شغل ممكن تبقى بمحل شغل ورى متحصل الفيزه وتتصل بجماعه iom وتزلهم نسخه من الفيزه مالتك وتطلب منهم يحطوك على السكجول مالتهم مال رحلاتهم هنا انت تطلب المساعده واذا طبعا ماعندك كفيل رح يرتبولك ويا منظمه على ولايه معينه او يحطوك يم الكفيل وهاي بحذ ذاتها تاخذ وكت بس اذا صرت سبع مثلي ههههه وتروح على حسابك الخاص لا من توصل الولايتك هنا تروح تقدم على الفيزه سنتر مال الهجره ويحولوك على برنامج ومنظمه وتبدي تاخذ المساعدات بعد متملي فورم .
اتمنى وضحت الصوره هسه
بالنسبه الي اني ليحد الان مرايحه للولايه مالتي بس اروح وقدم اكون واحده من الي رح يجاوبون انشاء الله
والفائده للجميع لان هوايه ناس لازم تعرف شنو رح سوي قبل متروح.
تحياتي
ساسي
-
هم خوش فكره
وينهم الاعضاء؟؟؟ غير يجاوبون
-
اي فنزوا ...آني هم سمعت انه اكو نوع من المساعدات من توصل الولاية تكدر تقدم عليه...يعني ما يسمى بالـ welfare و ماشابه....
و الله يا ساسي...ما عندي علم...و خاف اكول من اسافر...ان شاء الله اكتب...و بعدين اصير مثل الشباب البقية(اكيد عذرهم وياهم، و محد يعرف شنو الظروف)....بس اتمنى انه من اوصل....اكدر اكتب عن هواية شغلات.....
ان شاء الله......سفري بداية الشهر القادم بإذنه تعالى.....
عموماً....
و للعلم بالشيء...آني مقدم على المساعدات و متجه لولاية تينيسي....و المنظمة المسؤولة عني هي:
nashville world relief organization
-
والله ناطرين جوابهم وهم معذورين نهنا الحياة تلهي الانسان بين مدور على شغل وبين مترتب وضعك وخاصه اذا بيها عوائل الله يكون بالعون بس ياريت يجاوبون لان الفائدة للجميع
تحياتي
ساسي