ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 20:40 25/07/2009
-
السلام عليكم
اخوان الي يتذكرني راح يعرف انا انقطعت عت المنتدى فترة طويله وذلك بسبب الكابه التي مريت بيها
البعض منكم يعرف انو اني مقابل مقابله توطين بكفرسوسه وصارلي 9 اشهر محد اتصل بيه
اخر شي في بدايه الشهر السابع 2009 اتصلت بيه موضفه طلبت حضوري لقسم اعادة التوطين
ذهبت ثاني يوم الها وقابلتني وكالت الان تم دمج ملف والدتك مع ملفك وسحبت ورقه الحمايه القديمه التي تخصني وتخص والدتي واعطتنا ورقه حمايه جديدة وموحدة
سالتها شراح يصير بعد هذا كالت الملف كمل دراسه وينتضر ينعرض على اللجنه
المهم راجعت يوم 14 بهذا الشهر وكدرت احصل على بعض المعلومات انو الفايل راح يتحول لبنان علما اني موقع بالمقابله على التوطين لامريكا وسالت بعدة مامتحول ؟؟؟
اجابت الموضفه لا لان المسؤله عن الفايل مجازة وراح تداوم بالشهر الثامن كلتلها اذا السبب بالتاخير منكم كالت بلكب يجيبون واحد بديل عنها وانت راجع بعد 3 اشهر اذا محد اتصل بيك
اخوان شنو رايكم اراجع بدايه الشهر الثامن لو انتضر مو انشله قلبي شلع ختى الموضفه مال يو ان كالت هو بس الفايل يطلع من عدنا الامور تمشي
هسه لو سيارة مغرزة بالطين هم تنسحب وتطلع والفايل بعدة ماطالع او لو وحدة حامل كان جابت مع احترامي للكل
شنو رايكم اسوي
تحياتي للجميع
-
اهلا وسهلا بك اخي العزيز ماجك انشااللة تكون صحتك احسن هسى بالنسبة لموضوعك اخي انت كل فترة راجع واسال بلكن يكون اكو موظف بديل عن الموظفة المجازة ممعقول ما يجيبون موظف بمكانها انشااللة ربي يفرجها عليك عن قريب بالتوفيق اخي الكريم
-
الاخت العزبزة انجي
تحياتي الك
ان شاء الله اراجع مثل مااقترحتي عليه وبلكي الله يسهل واحصل على نتيجه نهائيه
شكرا جزيلا الك ولمرورك
تحياتي
-
اخي MAGGIC اهلا وسهلا شنو هاي الغيبة الله يساعدك ويصبرك على اليو ان ومشاكلهم اخي اذا كالت لراح الى لبنان ترى ميتاخر اكثر من 3 اسابيع وان شاء الله الفرج بعد الصبر والله يسهل امورك وانت بداية الشهر الثامن روح واسئل ان شاء الله خير واحنة هم ندعي من الله يسهل امورك ......اختك ايات
-
اخي الله يسعدك على سوريا التعبانه
عليكا بلصبر ولصبر انشاءالله تفرج عليك و على اخوانا في سوريا والكل تسافر وتصير اسوالف
بلتوفيق
-
اخوية الغالي ماجك اني مو كتلك روح و اسأل على الملف و انت مقابل توطين يعني مو مثل اللي ما عندة شي و رايح يسال على ملفة انت من حقك تستفسر حتى لو كل اسبوع تروح و ان شاء الله تبشرنا انه الملف راح لبيروت
-
الله يساعدك اخويه اصعب شي بالدنيا الانتظار الله يصبرك عليهم
-
اختي العزيزة ايات
والله شنسوي كاعد بهذة الضوجه وماعندي خلك بس التفكير
الحمد لله شويه ارتاحيت من عرفت الملف دايتحرك مثا السلحفاة
ورجعت كتبت هذا الموضوع
وان شاء الله راح اروح اسال وبلكي اخبار حلوة
شكرا لمرورك ولسؤالك
تقبلي تحياتي
-
الاخوان
الشذر
help
كلامكم جدا صحيح ومنطقي الانتضار قاتل ومزعج
واكيد ماعندي غير الصبر والمراجعه والله يسهل
شكرا جزيلا لمروركم
تحياتي
-
اخي وصديقي العزيز عاشق تراب العراق
تحياتي الك والله اشتاقينالك
انا رحت مثل ماكتلي وكدرت احصل على المعلومات الي كتبتها الك وان شاء الله
الثلاثاء القادم اروح لان كالت الشهر الثامن اتداوم الموضفه واشوف والله يسهل واكدر احصل على اخبار جديدة
تسلم الي ياورد لمرورك
تحياتي