ankawa
منتدى الهجرة واللجوء => الهجرة و واللاجئين => الموضوع حرر بواسطة: nonakoko في 23:40 25/07/2009
-
مرحبا اخواني اعضاء وزوار المنتدى الكرام - الرجاء من الاخوة الي عدهم معلومات عن مواعيد السفر الى المانيا او معلومات تفيد القارء الكريم حول مقابلة السفارة او طول الفترة من المقابلة الى موعد السفر - رجاء الي عندة معلومات ليبخل بيهة عن المنتدى - شكرا لتعاونكم في خدمة اخوانكم
-
يا ريت اخوان تنطون هذا الموضوع اهمية اكثر ونريد مشاركات حتى نعرف شديصير . اني اهلي حولو الملف مالتهم الى السفارة الالمانية وجان عدهم اول مقابلة بالامم المتحده حتى يوقعون على التحويل يوم 4 من شهر السادس ولحد الان ماكو اي جديد هل هذا التاخير طبيعي؟ لو معناه السفارة الالمانية ما موافقة على سفرهم الى المانيا .
اختكم ام سرمد
-
اني حبيت احجي قضيتنة حتى شوية الاخوة يبدون يشاركون مو بس يدخلون يقرون الموضوع وميشاركون نرجو التعاون بيناتنة حتى الصورة تكون واضحة - اني وعائلتي قابلنة مقابلة توطين بتاريخ 6 - 4 بالسفارة الالمانية وكان عدنة مستمسكات نقص وبعد ثلاثة اسابيع كملنة الاوراق وسلمناهة الى السفارة اتصلو بينة اي او ام علمود الفحوصات بتاريخ 28 - 4 الفحوصات طولت يومين - بتاريخ 1 - 6 اتصلو بينة كالو الوالدة عدهة بصماتهة مو واضحة وراحت عادت البصمات ولحد الان ماكو اي اتصال راجعنة السفارة عدة مرات كالو الشغلة طبيعية والناس كلهة دتتاخر
اختي العزيزة ام سرمد الشغلة طبيعية السفارة لو رافضة ملفهم جان اتصلو بيكم الامم المتحدة وكلولكم ملفكم اتحول على بلد ثاني بس هي المعاملات شوية دتتاخر لان مثل مكلنة صاير على السفارة زخم الله يسهل امر الجميع انشاء الله
-
اشكرك اخي العزيز على ردك . الله يسمع من حلكك ويكون تاخير طبيعي . انشالله نسمع منك اخبار حلوا بشان سفرك.
اختك ام سرمد
-
الاخ نونوكوكو
انشاء الله اخي عن قريب يتصلون بيك على موعد السفر
لان عائلة من العوائل الي وصلت على نفس البرنامج وكانوا بالدفعه الاولى التقيت بابنهم قبل كم يوم
وتقريبا نفس شغلتكم وهم تاخروا بسبب عدم وضوح بصمة احدهم وبعدها اعادوا البصمة وانتظروا حسب ما كال حدود اكثر من شهر ثم اتصلت بيهم سفارة وبلغتهم بموعد سفر وصلوا الى المانيا
فانشاء الله اخي ما باقي اله القليل ونكلك اهلا وسهلا بيك بدوجلاند
اختي ام سرمد طالما السفارة الالمانية استلمت الملف وتم توقيعهم بعد المقابلة بالي يو ان انشاء الله خير ويعني انشاء الله محولين على المانيا بس تعرفين الالمان شويه على كيفهم ويتعملون بكل هدوء وبرود اعصاب وانت بعد تعرفيهم شلون يتعملون بهدوء وبرود اعصاب بدوائر انشاء الله اهلك يقابلون ويصلون يمك
تحياتي
-
اختي ام سرمد
تحية طيبة
اعتقد مشكلتكم تشبه مشكلتنة
اني قبل مدة كتبت بهذا المنتدى مشكلتي وشاركوني الاخوة والاخوات الاعضاء والضيوف مشكورين.
احنا قابلنا التوطين في كفر سوسة يوم 26 شهر الخامس ووقعنا على المانيا بنفس يوم المقابلة
وكالولنا باليو ان ان ملفكم راح انحولة على السفارة الالمانية (هذا الكلام بنفس يوم التوطين)
بس بعد المقابله بكفر سوسه ما اتصل بينا احد لا من المفوضيه ولا من السفارة الالمانية ولحد الان
بس اني رحت بعد مرور شهر ونص على المفوضية للاستفسار عن التاخير
فجاوبوني بان ملفكم الى هسه بعده ما متحول على السفارة الالمانيه وما ايكولون السبب
بس كالو انتظرو لمن ايصير اتصال بيكم واذا ما اتصل احد بيكم راجعونه بعد 3 شهور
بس اريد اعرف انتو اتصلو بيكم المفوضية بعد مقابلة التوطين بعدة ايام وكالولكم حولنا ملفكم للسفارة الالمانية لو لا ترى التوقيع وحده بالمفوضية ما يكفي
وان شاء الله الخير للجميع
ويا ريت الي مشكلتهم مثل مشكلتنه ايكتبون اهنا حتى نعرف على الاقل مجرى الامور
اخيك الشمس الساطعة
-
الاخوة والاخوات الاعزاء
بالنسبة لموعد السفر لهذه الوجبة فسيكون يوم 28 \ 7 \ 2009
اما بالنسبة للمعلومات
اليوم كنت في السفارة الالمانية وخرج المترجم واجاب على بعض الاجوبة هي
محد لا يراجعنة الا بعد مرور شهرين من تاريخ عمل الفحوصات
وبالنسبة للمقابلين بكفر سوسة فقط لا تراجعون السفارة لان اذا كان ملفكم عندنا سوف نتصل بكم
وتكون مراجعتكم لليو ان لان ليس لنا علاقة بملفاتكم الا بعد ان نستلمها هنا وعند استلامنا سوف نتصل بكم
وشكرا
-
الاخ نونو كوكو اشكرك على ردك وانشالله نسمع اخبار زينه عن الكل.
الاخ الشمس الساطعة اني اهلي نفس مشكلتك بس وقعوا على التحويل وصارت سكته لحد الان ماكو شي .
ام سرمد
-
يا جماعه اكو واحد مار عليه هيجي فلم . يوم الثلاثاء راح اخوية ديسال على الملف مالته كللولا انت منو كلك احنا محولين الملف مالتك . لعد ليش كللولا حولناكم توطين وحولناكم لالمانيا وقعوا بالموافقة . احد يكولي هذا التصرف طبيعي لو ديلعبون باعصاب الناس .
اختكم ام سرمد
-
اختي العزيزة ام سرمد - من يتم تحويل الملف الى اي دولة مثلا المانيا او امريكا فورا يتصلون بيكم من كفر سوسة ويكلولكم انتو تحول ملفكم الى السفارة الالمانية مثلا ويكللولكم انتظروا اتصال من السفارة - انتي تكولين انه اهلج وقعو على المانيا هذا مو يعني انه فورا اتحول الملف الى السفارة الالمانية لان الملف بعد المقابلة اكو عدة مراحل دراسة وبعدين يتحول الملف الى لبنان يندرس مرة ثانية وهناك ياخذون القرار الاخير ويحددون البلد وثاني شئ السفارة دتتاخر كثير مو مثل بالبداية جانت الامور دتمشي بسرعة وبسهولة - ماكو احد يعرف شنو الفلم وليش هالتاخير - نطلب من الله انه تفرج علينة وعليكم وعلى كل اخوانة العراقيين
-
اختي ام سرمد
قبل كم يوم كتبت بخصوص هذا الموضوع و عرفتي انتي بان مشكلتكم مثل مشكلتنة
وآني همينة راجعت يوم الثلاثاء الماضي مرة ثانيه لان قبل اسبوعين همينة راجعتهم وجاوبوني ان ملفكم ما متحول الى المانيا الى هسه بس هوه مفتوح على المانيا ولكن المانيا هسه ما اتريد ملفات جديدة لانها اكتفت بالعدد المطلوب -------وهسه احنا انسينا المانيا ودايخين ودنفكر بالحل البديل ويا فرحة ما تمت
الله ايكون بعونه وعونكم واذا اكو شي جديد عود خبرينا اول ما اتسمعين الله يرضى عليكي
اخيك
الشمس الساطعة
-
الاخ نونو كوكو والاخ الشمس الساطعة :
شكرا على ردودكم.
بس اكيده هاي شغله المانيا بعد ما تريد لاجئين ؟؟؟؟؟