ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي بسوريا في 16:39 26/07/2009
-
مرحبا شباب ممكن احد يكللنة شنو هية اجراءات الكفالة الخماسية لكندا وشنو هو المطلوب بيهة بالضبط واي معلومات شاملة عنهة وشكرا
-
الكفالة الخماسية يجب ان يكون لديك خمس اشخاص يكفلونك في كندا ولا يشترط ان يكونوا من الدرجة الاولى وممكن ان يكون اصدقاء ايضا
-
نقلا عن اخي البحار 68
معلومات عن الكفالة الخماسية
التقديم يبداء من هناك بواسطة شخص لديه حساب يؤهله لكفالة الشخص ولازم ماعندة تخلف بسجلة مال الضرائب ولازم راتبه ما يقل عن 3-4 دفاتر بالسنة
الاساس 3 كفلاء الي على هالشروط (الابية) الاثنين الباقين مثل ما نكول احنة بلغتنة متضامنين مو بمثل اهمية اول 3 حتى المطلوب منهم اقل متطلبات من الثلاثة الاوليين او الاساسيين
اني بالنسبة الي دزيت كل اوراقي وكل شي الهم ال اقربائي ومناك بدو قدمو المعاملة بس هناك الخطوات بالتفصل ما عندي علم كلش حتى ما بيها فلوس على التقديم فد شي بسيط
همة بلشو مناك من شهر ال12 -2007 ولما وصلت وكملو بالشهر3 - 2008 واتصلت بالسفارة ودزيتلهم فاكس وبعدين ردو علية وكالو تعال بشهر 6 لان الظاهر لما وصللهم الملف من اليو ان
وجانو يريدون بعد اوراق وشهادات وغيرها وصور وعافونة عالشحن لغاية 2-11-2008 سوولنة مقابلة
ثم الفحص بعد اسبوعين اتصلو كالو تعالو سووه للفحص وهو بس دم علمود الايدز واشعة
وعافونة عالشحن لغاية يوم الثلاثاء10-3- خابرو كالو طلعت الفيزة
بالمناسبة الكفيل هوة يحير بيك من استقبال بالمطار الى السكن الى حتى يجيب ملابس الك من يجي بالمطار بينما اللاجيئ ينطوه الدولة هناك بالمطار ويستقبله شخص من الحكومة ويكعدة ابشقة بلاش لمدة سنة فخل اتدير بالهابعد مرور سنة اتصير حالك حال اللاجيئ لان اللاجيئ هم تنقطع عنة المعونات بعد سنةفهية شدتها اول سنة
بالنسبة للتقديم من كندا المسالة حيل سهلة مجرد الشخص يروح لمكتب الهجرة الي يقع في مدينته ويخبرهم انه يريد ان يكفل عائلة مال كفالة خماسية فراح ينطوه اوراق يمليها بيها كل المعلومات عن هذا الشخص وعنوانه ومدخوله الشهري والى غير ذلك من معلومات وما عنده تخلف سابق بسجله بدفع الضرائب ولا عنده سجل اجرامي ثم انت لازم تكون راسل اله كل الاوراق مالتك من شهادات الميلاد والجواز والشهادات العلمية واحتى اجازة السوق وغيرها ولازم تكون مترجمة من مكتب معتمد لدى السفارة الكندية ثم يدفع مبلغ 500 دولار كندي لدى التقديم وفي حالة الرفض ترجعله 350 دولار وفي حال القبول ما يرجع اي شي من المبلغ ثم بعد فترة تتراوح بين اربع شهور كحد اقصى يتصلون بيك السفارة الكندية حتى تملي اوراق مالتك عدهم وتجري الاجراءات المعروفة الي بمصر او اي دولة اخرى من مقابلة وغيرها والعملية كحد اقصى تاخذ مع الاربع شهور سنة ونص وفي بعض الحالات اقصر من ذلك او اكثر حسب كل حالة و ضروفها
-
الف شكر اخي عالمعلومة وعذرا على تاخري عن شكرك