ankawa
منتدى الهجرة واللجوء => الهجرة و واللاجئين => الموضوع حرر بواسطة: ok_ok755 في 00:45 27/07/2009
-
السلام عليكم اخواني
اليوم قابلت ب IOM في بغداد في قصر الازدهار وطبعا اني مقدم من شهر العاشر 2008 وهسه يله اتصلوا بيه والي قابلني شخص مصري وقابلني مقابلتين الاولى مقابله تعريفيه والثانيه مقابله قصتي واستغرقت مدة المقابلتين اكثر من 3 ساعات ووقعت على اقوالي وبعض الاوراق الثانيه وكلي احنه نتصل بيك حتى نحدد موعد المقابله الثانيه الي هيه مقابلة المحلفين ارجو من الاخوان اذا احد يعرف الوقت بين المقابلات ان ينورني بهذا الشي مع تحياتي للجميع والله يوفق الجميع.
-
عليكم السلام
والتوفيق انشاءالله بمقابله المحلفين اما عن سؤالك فلا يوجد وقت معين لاجراء المقابله لانه يعتمد على مجيء المحلفين وهذا الموعد لا يعرفه الموظفون الابفتره قليله من وصولهم ولكن هناك بوادر وهي ان تقوم المنظمه باستئناف المقابلات الاوليه التي تسبق مقابله المحلفين
-
شكرا الك اخي على الرد
-
مبروك أكي على هذي الخطوة ولو يعني ماحجيتلنه اي تفاصيل :-\
-
يااخي انشاء الله خير . اتحله باصبر والتفائل وانشاء الله ربنه ايسهل امورك
-
الاخ ok مبروك وشد حيلك على مقابلة المحلفين وهناك مواضيع هامة للاخ عكعك في قسم اهم المواضيع اعلى الصفحة انشاالله تستفاد منها كثير اتمنى الك التوفيق
ابو فهمي
-
الف مبروك اخي وان شاء الله بالتوفيق
بس ياريت لو تنطينة رقم تقريبي لل اي زي نمبر للقضية مالتك علمود نعرف شوكت راح يجينة السرة ولو هي مو شرط بس يعني لاضير لو ذكرتلنة الرقم ---- لان اني مقدم من شهر التاسع 2008 ولحد الان كلشي ماكو ؟؟
تحياتي
-
السلام عليكم
مبروك اخي على المقابلة ..بالنسبه لموعد المقابلة محد يكدر يحدد هذا الشي بس حسب معلوماتي الشخصية والي سمعته من جماعتي انه تقريبا 3 اشهر ... بس الاهم هيه المقابلة الثانية واكو موضوع للاخ عكعك التطوى رح يفيدك كلش
ومن الله التوفيق
تقبل مروري
-
الله كريم
لا تشيل هم .... الفترة ما بين المقابلة الاولى والثانية تقريبا شهر ونص الى شهرين
والله ولــــي التوفيق
ابو راشـــــــــــــــــد
-
اخوية العزيز
احسب شهرين ورة المقابلة الاولى راح يكون موعد مقابلة المحلفين ان شاء الله
ممكن زايد اسبوع ناقص اسبوع
بس المهم بنطاق الشهرين لان همه عدهم برنامج يمشون عليه
الله يوفقك
-
اخي العزيز اوكي اوكي ان شاء الله مقابلة المحلفين مالتك اقل من شهرين لان كل اللي دا يقابلون بالجديد دا تجيهم المقابله الثانيه بشهر و 10 ايام فانت من هسه حضر نفسك واوراقك وضبط امورك وكل شي كلته بالمقابله الاولى لا تنساه لان راح المحلف يسالك عليه والله يوفقك ان شاء . ونحن ندعو ونصلي لكم .
-
السلام عليكم
اخواني اني هم جنت اتوقع من شهر الى شهرين المقابلة الثانية اني قابلت بالشهر الرابع والى حد الان مافابلت مقابلة ثانية ???
-
أخوية العزيز مبروك وشايف كل الخير
طبعا" المقابلة الثانية بعد شهرين واحب شي من عندك شنو نوعية الاسئلة اللي سألوها الك بالتفصيل ولو اسوي زحمة عليك لأن اني هم عندي مقابلة بعد شهر
-
اخواني الاعزاء اشكركم جميعا
طبعا الشخص الي قابلني مصري الجنسيه مو امريكي ومترجم وياه وقابلني مقابله اولى وثانيه وكلي احنه اندزلك ايميل على المقابله الاخيره الي هيه مقابلة المحلفين وسالني هوايه اسئله, واكو فد مشاركه قريتها قبل ما اروح للمقابله وفادتني هوايه والاسئله جتي نصا عبالك مستنسخه :)) وسجلت الاجوبه كلها بالدفتر ويايه اخاف انسى شي اكدر افتح الدفتر واذكر بين هوه ما يكتب بس ما قبل اكتب كلشي وياه كال ممنوع على العموم ارجو من الجميع الدخول على هذه المشاركه للاخ عكك التقوى وبارك الله بي على مجهوده:
http://www.ankawa.com/forum/index.php/topic,294296.0.html
اول شي طلب مني جميع المستمسكات الاصلي والمستنسخ وطبعا همه لمن يدزون الايميل يكولون شنو يريدون وبعدين شرحلي على البرنامج شويه بانه البرنامج كله مجاني بس تكت الطياره يتقسط لمدة 42 شهرا بعد ستة شهور من دخولك امريكا وبعدين بده يسالني للصبح :))
-
اخوية مهند هادي ---
اكدر اكول مبروك لان اجاك موعد مقابلة اولى ؟ واذا صحيح فياريت تطمني وتكولي شوكت دزولك ايميل الموعد وشكد الرقم التقريبي لل اي زي نمبر مالتك؟ ومن ياشهر مقدم انت ؟ زين اني مقدم بالشهر التاسع شتتوقع حسب وجهة نظرك يجيني موعد المقابلة علما انه اني محصل اي زي نمبر والرقم التقريبي مالتة يبدي 106XXX ؟ شتتوقع عن قريب لو لا؟
تحياتي
-
الف مبروك اوكي واتحلا بالصبر وكول يا الله ولو اني عن رئي الخاص ما اعتمد على منضمة العراق لان فاهييييييييييييييييية بس ما اريد اهبط معنوياتك بس هذا رئيي وانشاء الله الموفقة والسفر القريب
-
اخي العزيز جوزيف العراقي
اني سمعت من جماعه بامريكا هسه همه مستعجلين بالاجراءات لانه محصلين موافقه من الاف بي اي بتسريع الاجراءات قدر اللازم ويا اخي اني ما مستعجل عادي صارت صارت الحمد لله, واذا ما صارت خيرها بغيرها وانت مثل ما كلت همه بطيئيين كلش بس هسه مسرعين الاجراءات بدليل سولي مقابلتين بيوم واحد ولمعلومات الاخوه اني مقدم بشهر العاشر 2008 واجاني الايميل بشهر السابع 2009 لتحديد المقابله الاولى ورقم الملف مالتي يبدي 104XXX مع تحياتي لجميع الاخوه واتمنى للجميع السفر السريع وتخلصون من العراق الي ما شفنه منه شي بي خير طول عمرنه.
-
مبروك... موعد المقابلة اني الي افتهمت من مواضيع المنتدى انه مقابلات تكون خلال شهرين واحتمال اكثر . وان شاء الله موفق يا رب
-
شكرا suzie83 وبارك الله بيج ويوما الج اذا ما مسافره بعد
-
اخوية ok__ok
بلا زحمة ممكن تنطيني الفترة مابين استلامك لل اي زي نمبر وبين الايميل ال دزوه الك وحددوا بيه موعد المقابلة الاولى --- وممنون منك مقدما
تحياتي
-
اخي العزيز المهندس سيوفي اكو زخم كبير على كل مكاتب الاي او ام لذلك اصبر فالمده تطول بين خمس اشهر الى 8 اشهر حسب الاعداد الي دتقدم ومو شرط مرات 3 اشهر بس اني طولت 6 الى 7 اشهر وتحياتي الك.
-
مبروك اخي على المقابلة وان شاء الله يوم مقابلة المحلفين وباقرب وقت وبالموفقية
سلام الله معك
اخوك يوجد امل
-
شكرا عالتوضيح اخوية
بس ياريت لو توضحلي اكثر --- هل قصدت حضرتك ب 6 الى 7 اشهر هي الفترة مابين استلامك لل اي زي نمبر وموعد المقابلة الاولى؟ او تقصد الفترة كلها من بداية تقديمك لحد المقابلة الاولى ؟
ممنون منك
تحياتي
-
اخي العزيز
اني دزيت الايميل بشهر العاشر 2008 استلمت الكيس نمبر بشهر ال 11 2008وضليت انتظر اخر شي ضجت دزيتلهم ايميل بشهر الثالث 2009 وحددولي موعد مقابله بشهر السابع 2009 وقابلت مقابلتين مو وحده لانه ديمشون الاجراءات على السريع مع تحياتي الك اخي واي شي تحتاج اني حاضر.
يوجد امل بارك الله فيك واشكرك ويوما الك ولجميع العراقيين ان يسافرون ويخلصون من ضيم العراق.
-
اخوية الغالي
ولو ضوجتك بس ميخالف شوية اتحملني
هل الكيس نمبر ال استلمتة بشهر ال 11 2008 كان BGD او IZ نمبر؟ واذا كان BGD لعد شوكت استلمت الاي زي نمبر ؟
تحياتي
-
اخي بشهر 11 استلمت BGD , ويوم المقابله استلمت IZ نمبر وتدلل
-
ألف شكر اخوية اوكي وان شاء اللله تسهل امورك واشوفك بأمريكابس ابقى ويانا موتكطع حتى نبقى على اتصال
أما بخصوص اخوية المهندس سيوفي اني مقدم من شهر الثامن 2008 واعطوني BGD بــ 2300 بعد اربعة اشهر وسكتوا قبل يومين دزولي رسالة مقابلة اولى واعطوني IZ 105xxx هاي بدايته وان شاء الله بنهاية الثامن مقابلتي الاولى واي شي تحتاج اني والاخوى بالمنتدى موجودين بس حاول اتصل بيهم بالايميل وكللهم على شغلتك بلكي يجاوبونك او يتذكرون لأن اني هم مثلك ايست من الشغلة بس الحمد لله الله موجود
سلامي للجميع
-
الاخ0k انشالله كلشي اوكي وياك بل المقابلة الاولى وانشالله بااسرع وقت تجي موعد المحلفين ..المدة جماعة بغداد من 45 بعد المقابلة الاولى ماكس ل 3شهور واكيد بين فترة المقابلة الاولى والثاينة راح يدزون عليك علمود الفحص ...واهم شي قبل حظر عنوانين الكفلاء واتاكد من اراقام التليفوانات حاول انطي رقم موبيل الكفيل ويا رقم الارضي ...وانشالله بااسرع وقت,,,
تقبل مروري
-
اشكركم اخوان وبارك الله بيكم وانشاء الله كلكم تسافرون وانشاء الله ما اكطع وياكم
اخي العزيز اين انا الفحص الطبي بعد مقابلة المحلفين مو بين المقابلات ؟
-
تعقيبا على رد الاخ اوكي بالنسبه للفحص الطبي خط وحده مااله علاقه بالمحلفين لان احنا هم سوينا الفحص الطبي قبل المحلفين وهمه (جماعة الفحص كال هاي شغله منفصله احنا تواريخنا حسب جداولنا )ومالها علاقه بمقابلة المحلفين ايجوز اتكون قبلها وايجوز اتكون بعدها بس ايضاح للاخوه الي ابغداد فقط بالنسبه لعمان او مصر فسياقاتهم تختلف وشكرا على الرد
-
شكرا ريم عبد على التعقيب, صحيح اني عندي هوايه جماعات مقدمين من مكتب مصر ومكتب عمان الاجراءات تختلف شويه بس كله نفس الشي مقابله اولى وثانيه وثالثه وفحص طبي وموعد سفر وتحياتي الج