ankawa
منتدى الهجرة واللجوء => الهجرة و واللاجئين => الموضوع حرر بواسطة: صابرين في 10:14 27/07/2009
-
اريد اطلع من مصر؟ انصحوني شلون؟ حتى الامم المتحدة ما معبرتنا ونحن تعبنا وحاولنا بكل الطرق ومكانك سر ..لم تتصل بنا لحد الان من اول ما قدمنا ونكتب عرايض وماكو اي تقدم
-
نصيحة اترك مصر وروح للاردن الامم المتحدة والمنظمات احسن من هنانة او اطلعين مثل الناس اليي دتطلع منانة ومن غير مكان لاوربا وهسة اكو عراقيين منانة ديطلعون للبحرين هم احسن من مصر بيهة شغل شوية
-
موسلهة الاماكنية لاتسمح بالذهاب الى عمان والعيش هناك الى ان يحنوا علينا، هم الناس اللي دتطلع الى اوربا شلون توصل وشلون الواحد يوصل الن البحرين؟
-
هسة مصر هم غالية جانت قبل ثلاث سنوات رخيصة بس هسة تقريبا مثل الاردن الاسعار بس السفر لتروح بالطيارة روح عن طريق ميناء نويبع للعقبة تطلع ارخص بهواية اذا انتوا عائلة جبيرة
بالنسبة للبحرين اعرف عئلتين طلعت للبحرين قبل اكثر من شهرين منانة صدكني ماعرف بالتفاصيل بس الي متاكد من عندة انهوا طلعوا بدون ميدفعون شي او احد يسويلهميا
بالنسبة لاوربا اني صارلي اكثر خمس سنوات في مصر شفت من العوائل من اقارب الى اصدقاء الى معارف سافروا الى اوربا طبعا اني ماعرف اي شي وماكدر اساعدك باي شي بهاي الشغلة بس الي يريد يكدر يدور وحذاري من النصب بس الصراحة العالم دتطلع وسافر وجازف
ارجع واكول الاردن روح للاردن اذا عندك اقامة هنانة بمصر روح للاردن
-
اختي صابريين انتي وين مقدمة على اليو ان لو على الاي او ام ووين وصلتي ليا مرحلة غير اذكرين هذة الشغلات حتى نكدر انساعدج ؟؟؟ وصدكيني اختي عمان او سوريا او القاهرة ترة هية كلها مجرد حض اكو ناس 6 اشهر وطلعت واكو ناس سنة وطلعت واكو ناس بلا اردن صارلها خمس سنين مطالعة فة ارجو ان اذكريين انتي وين مقدمة حتى نكدر انساعدج وصارلج اشكد امقدمة
-
نحن مقدمين على اليو ان من اول ماجينا مصر ولحد الان لم يتصلوا او يعملوا لنا مقابلة
-
اختي العزيزة صابريين اذا انتي مقدمين على اليو ان يعني لازم تنتضريين الا ان يصعد ملفج للاي او ام لان لازم يندرس الملف زين بلبنان يلة يتحول للاي او ام وبعدين يمشون بمقابلاتج بس انتي ليش مرحتي قدمتي مباشرة على الاي او ام ؟؟؟ عموما اصبري شوية الا ان ينرفع ملفج على الاي او ام بس انتي صارلج اشكد مقدمة ؟؟؟
-
اولا صار النا من 2007 شهر 7 وبعدين الـ iom لازم يكون احد مشتغل مع الامريكان ونحن ماعندنا احد
مشتغل مع الامريكان
-
اختي لعد لازم تنتضريين لان اكو ملفات الهة الاولوية طيب اتصلي باليو ان وشوفي وين صار ملفج حتى تعرفيين والج حق بلا اتصال وتستفسريين على ملفج تمنياتي لك الموفقة اخوج جوزيف