ankawa
منتدى الهجرة واللجوء => الهجرة و واللاجئين => الموضوع حرر بواسطة: zoromask في 14:38 27/07/2009
-
السلام عليكم ورحمة الله وبركاته ....
شون الاخوان ... شون الصحة انشاء الله بخير اني طبعا جديد على المنتدى وعاشت ايدين القائمين عليه وديفيدنا كلش هواية بس المشكلة اخوان احنة اللي بعدنه بالعراق بالبروسس معدنع معلومات كافية ووافية عن افضل الاماكن والولايات .. تسال واحد على مشيغان يكول صايرة هوسة وعبالك باب الشرجي .. تسال على غير مدينة يكولولك الحياة صعبة ياريت الاخوان يحجون بعض من قصصهم وهل فعلا اكو صعوبات لان احنه اخوانكم عدنه هواجس دتاضينة لان تعرفون عدنه عوائل ودنفكر بمشتقبل اطفالنا لذلك احنه اتجهنه باتجاه موضوع اللجوء ... اني قريت بعض القصص المفيدة عن بعض الاخوان ياريت قصص اكثر وبواقعية عن طبيعة الحياة وهل موضوع اخذ الزوجة والاطفال يشكل نقطة قوة ام نقطة ضعف على العائلة ككل منريد نروح ونتورط ولو اني قررت اروح لان بعد ما ابقة بالعراق لو يبقة بعمري يوم على اللي شفتة هاي طبعا بعد توفيق الله اما اذا الله ما سهل فانا لله وانا اليه راجعون ... افيدونا اخوان افادكم الله ببعض الحقائق المنطقية ... واد يكول بسبب الاطفال تكدر تعيش هناك
واحد يكول ايكولون الوضع صعب واحد يسهلهة يسويهة جنة ... اتصلت بصديق بمشيغان كلي زورو سبع اللي يخلي بالسلة ركي ... صراحة دوخني ....افيدونا رحم الله والكم وتحياتي وتقديري واحترامي للكل لان احنه كلنة واكعين بشدة ونريد نخلص ونرتاح ...
اخوكم زورو
-
والله يا اخي بكل مكان اذا متعمتد على نفسك وتامن مستقبل اصير الحياة جحيم وصعبة وامريكا بيهة فرص هواية بس للي يسعى ويتحمل ويشتغل والشغل اهناك اذا عندك عائلة مرح تكدر وحدك تشتغل وتعيش العائلة كلهة لازم انت والزوجة تشتغل او ابنك الكبير اذا اكو
-
واكو ولايات رخيصة واكو ولايات غالية واكو ولايات ممتوفرة بيهة الشغل واكو بالعكس
وحسب ماشفت بالموقع والمواضيع انو تكساس صح بيهة عراقيين هواية وهل شي مو مو زين بالعكس على الاقل متحس بالغربة بس تكساس بيهة شغل وزينة نسبيا وكذالك كنتاكي لان عندي عائلة هناك اقربائي ايكولون حلوة وبيهة شغل وزينة وكذاك رود ايلند زينة وبيهة شغل لان عندي خالتي وزوج خالتي هناك بالتوفيق انشاء الله واكيد الاعضاء البقية مرح ايقصرون وياك وخاصة عكعك التطوى ابو العكاعيك على كولة خالة ام يلدا ;D
-
اخوان تسلمون زحمتكم وياية ... اتمنى التوفيق للجميع انشاء الله .... ربي يسهل عليكم كلكم واتمنالكم حياة سعيدة وهادئة ...
اخوكم زورو