ankawa
منتدى الهجرة واللجوء => الهجرة و واللاجئين => الموضوع حرر بواسطة: مشيكان في 22:47 27/07/2009
-
السلام عليكم اخواني
اني عراقي لاجئ على منظمة الهجره الدوليه من سوريا وصلت امريكا مع عائلتي قبل 14 شهر والان انتظر الكرين كارد خلال هاي الايام يوصل راح اقدم على ترفل دوكمنت وارجع الى سوريا بيه طبعا بعد اخذ الفيزا من القنصليه السوريه في مشيكان طبعا اني صاحب مهنه حره بالعراق اريد ارجع لمده ثلاث اشهر للعراق وارجع الى الولايات المتحده علما انه عندي فروقات بالاسم الانكليزي بحدود ثلاث احرف باسم الاب والجد بين الجواز العراقي والاسم في امريكا ارجوا منكم النصيحه في هذا الموضوع كيفيه الدخول للعراق عن طريق سوريا وباي جواز ادخل العراقي ام الترفل دوكمنت وهل صحيح بامكاني نقل الاختام بين الجوازين وكذالك كيفيه رجوعي الى الولايات المتحده وهل اعلمهم اني كنت بالعراق ام لا علما اني سوف اذهب بعد حصولي على الكرين كارد والترفل دوكمنت وحصولي على الفيزا السوريه وحجز الطائره المرجع ولكم فائق الاحترام
-
كل اللي اكدر افيدك بي واللي اعرفة انه راح اثر عليك من اتريد تحصل على الجنسية لان دخولك و خروجك من امريكا راح اثر واللي اعرفة انه بالنسبة للاردن فتعطي لصاحب الكرين كارد بدون فيزة واتصور نعم لازم تبلغ انه انت راح اتسافر للعراق لان لازم يكون عندك سبب يعني انت رحت لامريكا لان خايف على حياتك وهسة ترجع ؟؟ فاتصور نعم لازم تبلغ والله اعلم
يمكن الاخوان هنا يفيدوك اكثر
-
اخي العزيز
اذا انت لاجيء فان من المخاطرة الرجوع للعراق ويمكنك الاتصال بدائرة الهجرة للتأكيد من سفرك للعراق وتستطيع تذكر لهم سفرك للضرورة الملحة
وحسب اعتقادي يمكنك ان تدخل العراق بالجواز العراقي وتسافر بالترافل دكيومنت الامريكي ولا تقدم الجواز العراقي ابدا .
والله الموفق
-
اشكركم اخواني ارجوا من باقي الاخوان اذا عدهم معلومات تفيدني بخصوص الرجوع الى العراق ونقل الاختام وكيفيه الدخول من العراق الى سوريا بطريق الرجعه وكذالك اثناء التحقيق معي بالمطار عند وصولي الى الولايات المتحده
-
اخوية الحبيب انصحك نصيحة كلشي ولا ترجع للعراق ولا سورية
اترجاك اخوية العزيز
اخوك المقهور عليك
بسمان الموصلي
-
اخويه العزيز بسمان اشكرك على مشاعرك الطيبه ونصيحتك الغاليه بس اريد اعرفك منك شغله ما ارحع للعراق بسبب خطوره الوضع الامني هاي واضحه لكن الى سوريا ما ارجع ليش تكدر توضح لي , اكرر اني شاكر جدا لمشاعرك
-
أخويا مشيكن
الله يعينك ويساعدك على مشكلتك وتفرج بوجهك
ما ترجع للعراق مو بسبب الوضع الأمني فقط
ما ترجع للعراق حتى ما تخسر حقوقك بعدين بالعودة أو عند استحصال الجنسية
انت طالع لاجئ وليس مهاجر
والوضع كله متأزم ويردون حجة حتى يسوون منها كبة
يعني رجعتك للعراق بيها أهواي مخاطر
وبالنسبة لسوريا ما اعتقد أكو اشكال انك تسافر لسوريا
وبكل الأحوال انت حاول أن تشوف لك حل لمشكلتك في سوريا
يعني لا أدري كأن أهلك يجون لسوريا وتشوف لك حل داخل سوريا افضل من الدخول في العراق وتدخل بعدين بورطة
يعني اتريد تدخل للعراق وتبقى بيه ثلاث أشهر وبعدين ترجع لأمريكا وأمريكا تستقبلك وتفتح لك حدودها؟؟
هاي ينراد لها خبير بمثل هاي المسائل انا ما أقدر افيدك
بس غير أني اقول لك اسمع كلام اللي يفيدونك قبلما تخطي أي خطوة
وضروري جدا ً أنك تخبر المنظمة بأي تحرك تريد اتسويه حتى لو كان بسيط
-
الله يوفق الجميع
محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الثاني من السنة الخامسة انتظارا
-
الله يعينك ويساعدك
-
أخوي ميشكان الله يسهل أمرك
رجائي منك إذا سألت أكثر عن الموضوع و صار عندك تصور و معلومات ، أو إذا رحت للعراق و بعدين رجعت لأمريكا بس إكتبلنا بعض التفاصيل في المنتدى.
لأن ماكو أحد عنده تصور عن الموضوع بشكل واضح ، الأغلب يقولولون أنه رجعتك للعراق ستسبب مشاكل لك عند محاولة العودة لأمريكا لأن أنت قبولك في أمريكا كان على أساس انك مهدد في العراق ، فكيف تعود إلى هناك، و هذا يبدو انه ارأي الراجح.
و البعض الآخر يقول أنه ما دمت انت تملك الكرين كارد فأنت حالك حال أي مقيم في أمريكا و بإمكانك السفر لأي مكان حتى لو كان للعراق.
و الله اعلم
بس أخوي إذا سافرت و رجعت بالسلامة أترجاك ان تكتب لنا عن التفاصيل و وضعك بعد رجوعك لأمريكا
و انصحك أن تسأل أكثر من جهات رسمية أمريكية و تتأكد قبل أن تقدم على هذه الخطوة
الله يقدم لك الذي فيه الخير و التوفيق
تحياتي
wingo قيد الدراسة من الأردن
-
شكر اختي ام يلدا على هذه النصائح الطيبه وارجوا من ربي ان يفتحها بوجهك ويسهل امرك ويحقق اهدافك
-
تعيش وتسلم اخويه مهند هادي
-
تدلل اخويه wingo بس اذا الله سبحانه وتعالى كتبلي السفر الى العراق ورجعت او اذا حصلت اي معلومات جديده بخصوص هذا الموضوع راح انشرها وكذالك انت والاخوان الباقين في حال حصولهم على اي معلومات جديده تخص هذا الموضوع ارجوا منهم نشرها واخيرا ربي يسهل امرك ونسمع اخبارك الطيبه
-
اخي baraya اني ممنون جدا لك على هذا الرد اتمنى لك الموفقيه في حياتك
-
اخوان
ممكن توضحون اذا انتو د تحجون ع خطورة الرجوع الى العراق بعد حصول كرين كارد (لجوء) بكل اجزائة (شمال -وسط-جنوب) ؟
اللي اني اعرفة والله اعلم طبعا انو المناطق الشمالية في العراق (كوردستان ) مامشمولة بخطورة الوضع الامني
ولااعرف مصداقية هذاالكلام وانما اتذكر مديري كان يكولي انو شمال العراق هو مفصول واله وزاراته وحكومته الذاتية ؟؟
ف اني اخمن ان الشخص يمكنلة الرجوع الى اربيل بس لازم يدخل قجغ (ان صح التعبير) من سوريا -تركيا-اردن والله ويشوفلة حل ل رجعتة ل بغداد الحبيبة والله اعلم :-\
-
أخوية العزيز .. ...
حسب ما عرفناه من بعض المواضيع للأخوان فأذا أنت طالب لجوء فما أعتقد تكدر ترجع للعراق لأي سبب كان الأ أذا حصلت على بعض الموافقات الأمنية من الـ DHS و أذا هاي الشغلة ما أثرت على رجوعك فهي راح تأثر على منحك الجنسية مستقبلا ....فعليك تبليغ الجهات المختصة بسفرك وهو الأحسن الك طبعا ....
تحياتــــــــــــــــــــــــــــــي ;)
-
اخواني الاعزاء
اشكركم على ردودكم وتفاعلكم معي في هذا الموضوع اليوم اتصلت ب uscis تلفونيا واستفسرت من الموظف على هذ الموضوع وكان جوابه كالاتي ان العراقي الي وصل الى امريكا على اساس كونه لاجئ وبقى سنه هنا وحصل على الكرين كارد وطلع ترفل دوكمنت يحق له السفر الى اي بلد في العالم وكذالك يحق له الرجوع الى البلد الام وهو العراق لكن احتمال يطلب منه ايضاح على سفره في حال رجوعه الى الولايات المتحده عند نقطه الدخول هذا الجواب الرسمي من دائرة الهجره وسوف اعطيكم اي معلومات جديده بخصوص هذا الموضوع
واخيرا تقبلوا احترامي لكم
-
اخي العزيز ميشيكان تحيه طيبه
اني سويت نفس سالفتك بسنه 91 ولحد الان مدا اكدر ارجع لامريكا ـ اخويه اتريث وبل عرضه لا تروح لاي مكان وخصوصا العراق الا بعد ان تحصل الجنسيه ((واسال مجرب )) ولك مني فاءق الاحترام 8)
-
السلام عليكم اخواني
عندي اليوم الكم خبر مهم الكم يخص موضوع النقاش عندي صديق وصل الى امريكا على اي او ام واخذ الكرين كارد وبعد فتره اسبوعين سافر الى عمان ترانزيت وبعدين الى بغداد طبعا سافر بل الجواز العراقي جي ورجع سافر من بغداد الى عمان وبعدين رجع الى بغداد طولت وبعدها رجع الى امريكا طولت سفرته بحدود اكثر اربع اشهر وبعدها عاد بنفس الجواز ال جي الى امريكا بدون اي مشاكل ولا اي احد ساله او استفسر منه بس موظف المطار دقق الكرين كارد والصوره مالته وختم دخول في الجواز العراقي بالمناسبه هذا الصديق دخل امريكا قبل اسبوع فقط اتمنى ان اكون وضحت الصوره لكم و شكرا لمشاركة الجميع واني حاضر لاي استفسار على هذا الموضوع وتقبلوا احترامي