ankawa
منتدى الهجرة واللجوء => الهجرة و واللاجئين => الموضوع حرر بواسطة: blackwater في 03:39 28/07/2009
-
هلو ميادة ...
اغلب العراقيين يدخلون الولايات المتحدة الامريكية يشتركون بخدمة كريكيت وايرليس .هاي احد الشركات لان هية كثيرة وطبعا اغلبها لا تستخدم الشريحة ...
يعني تروحين تشترين هاتف بدون سيم كارد....
كركيت وايرليس تقدم عدة عروض للمشتركين ..منها اقل عرض وسعرة 35 دولار شهريا ...ويصل الى 45 دولار شهريا ...
طبعا اقل خدمة هية تتضمن بس المكالمات .....يعني تتصلين و يتصلون بيج بدون البريد الصوتي ولا رسائل صورية ....طبعا وانترنت ماكو ...
الانترنت بكريكيت موبايل جدا سيئ يعني ما يحتاج تفعليه ...
الملاحظة ..انه استلام المكالمات والاتصال غير محدود يعني تتصلين ب 35 دولار شكد ما تريدين للصبح
طبعا سعر الاشتراك الشهري لا يشمل الضريبة لذلك اشتراك 35 يصير ب 42 دولار تقريبا مع الضريبة يعني تدفعين 42 دولار كل شهر ..
واول شهر مجاني ما تدفعين اشتراك شهري ..وتكدرين تشترين ارخص هاتف مع اشتراك اول شهر مجانا ب 85 دولار
باي
-
هاي كل الشركات هيج لو بس هاي ...هي زينة و مو زينة لأن شغلة الأنترنيت وباقي الخدمات ما متوفرة بيها...
تحياتــــــــــــــــــي ;)
-
سالمين بلاك ووتر
اني اشتريت تليفون ب50 $ والاشتراك الشهري 50$ وشكد متريد تخابر وانترنت وبريد وتيكست مسج ابلاش
سلام
-
شباب سبع صنايع وبلاك ووتر
اني ممنون على هاي المعلومات وجزاكم الله خير
بس اخير شىء مفتهمته
شنو اشتري تلفون ؟؟؟
يعني اللي اني اعرفه انه اغلب الشركات عدهم تنطي تلفون وبدون سم كارد ايسموه سيرفس
المهم يعني هذا التلفون هم همه ينطوه ويه ال 35$ ؟؟؟؟
لو اني اشتريه؟؟ بس يعني هم منهم رح اشتريه بس رح تنضاف قيمته فوك ال 35$ مووو؟؟
زين سؤال ثاني هذا شلون ممكن اذا واحد ايريد يتصل دولي؟؟؟ او اكو تلفونات اني سامع انه مرات حتى من الخارج متكدر تستلم مكالمات اقصد خارج اميركا طبعا ؟؟ في حاله اهلنه واصدقائنه اتصلو بينه؟؟
شباب اني ضوجتكم ادري بس اتحملوني
الحجي الفوك كله نكدر بعدين من نوصل نفتهمه لكن اهم شىء وانتو واصلين صارلكم مدة قليله حسب مااتوقع والاخ بلاك ووتر مااعرف بيا ولايه بس الاخ سبع ابو اسد ابتكساس وشويه اني اهتم ابمواضيعه لان اول شىء كلها بيها فائدة وثاني شىء اني ان شاء الله رايح التكساس بس هيوستن
يعني بين قوسين اريد تحجيلي ابو اسد سويت السوشال سيكورتي نمبر؟؟واشكد طول او اشكد رح ايطول؟؟؟
واهم شىء الكرين كارد سالت عليها؟؟؟واشكد رح اطول اقصد يعني همه اشكالولك؟؟
وتحياتي يا ورود واسف للاطاله...
ومن الله التوفيق للجميع ان شاء الله
-
شكرا على المعلومات
-
ابو العباس تتدلل
اول شي اخونة بلاك ووتر بهيوستن يعني اكثر واحد يفييدك واكو هواية مواضيع على تكساس وهسة رح افتح موضوع على شغلات متفرقة يمكن تفيدكم ورح اجاوب على اسئلتك
-
هاي شنو بلاك ووتر اشو دتنافسني مو قبل شوية حجيت ع الكركت اني بس انت ضفت وايرليس ههههه
دااتشاقة طبعا انتو طكوط بالموقع
عيني اخوان الكركت مينطي جهاز ببلاش دائما هاي بس عروض تجي وتروح بس اكو فيكة بيها انك تشتري جهاز فرضا ابو 70 ويرجعولك 50 ف يصير عليك ب 20 (هاي شون رهمت ::))
والخطط مالتة هي 1 و 2
individual plans ( يعني اذا تشترك بخط واحد بس الك)
http://www.mycricket.com/cricketplans/
family plans هاي تشترك باكثر من خط الك ول كم واحد من العشيرة الي راح تجي وياك
http://www.mycricket.com/cricketplans/
وهاي الاسعار بعد ال discount (في سان دييغو)
ولاتقلقون اشكالها كلها حلوة
http://www.mycricket.com/cricketphones/sandiego
اما اذا تخابرون من ولاية لاخرى شوية الصوت ::) :o :o
يعني من تتصلون ب العراق احسن من ما تخابرون بلاك ووتر :- X :-X :-X :-X
-
والله انصح الجميع يشتروكون بكركيت لانوا احسن شبكه
اني مشترك مكالامات مجانيه ولجميع اولايات و فويز ميل و مسج و كله ب 45 بالشهر مع الظريبه
جان قبل بي انترنيت و 411 الي هو انفورميشن نمبر لغيتهم لانوا مدا استخدمه نهائيا نقصولي 7 دولارات من الفاتوره
-
اخوان لو اكو بالولاية الي انتوا رايحين الها شركة اسمها metro pcs هاي احسن شركة بدون عقد وبدون دقائق وتحجون ليل نهار ولكل الولايات بس تدفعون 48 مع التاكس يعني صافي احسن شركة حتى تلفون للبيت ما تحتاجون وهم تكدرون تستعملون كارت للمخابرة مثل عراق وباقي البلدان
-
زين شنو ماكو شركه خدمتهه مثلنه؟؟ يعني يكطعون بكد ما الواحد يخابر
ثم صديقي بلاك ووتر
مياده منوووووووووو؟؟؟؟؟ ;D ;D ;D
-
اخويه العزيز بلاك ووتر الف شكر عالمعلومات الي كلتهه وربي يخليك امين لان تعبتك اكيد بس اني اسال على انواع التلفونات الي تشتغل هناك يعني نكدر ناخذ ويانه تلفوناتنه لو نذبهه ومره ثانيه اني اشكرك كلش هوايه وتسلم الايد الي ردت واشكر نانا الورده وكل الي شاركو بالموضوع اختك/ميادة /مصر
-
عزيزتي ميادة مثل ماكتلج اي شي عندج جيبيه لاتكلفين روحج وتشترين اني نوكيا كلهن اشتغلن بس طبعا مو وية الكركت (بس مو تجيبين نوكيا ابو طابوكة )
واذا مااشتركتي بخدمة الهاتف ابو السيم كارد
هم تلفونج يفيد عود اسمعي بيه اغاني ب الطيارة حتى لاتضوجين
وانشاء الله خير
توصلين بالسلامة
اخوان فكرو تجيبون وياكم مايكروفون مال كمبيوتر لانه هنا غالي وجيبو memory stick
ولتنسون جيبو سيديات بيها برامجكم الي متكدرون تستغنون عنها
وباقي رخيص يتدبر