ankawa
منتدى الهجرة واللجوء => الهجرة و واللاجئين => الموضوع حرر بواسطة: تيم البغدااادي في 12:03 28/07/2009
-
السلام عليكم .. ممكن مساعده :)
اخواني واخواتي الاعزاء بعد التحيه
ارجو منكم المساعده ........ قابلت المحلفين قبل عشرين يوم والبارحه اجاني الجواب مؤشر عله المربع الرابع الي هوه الاخير .... ممكن تفهموني شنو معنه هذا ؟؟؟؟؟؟؟؟؟؟؟؟؟ الله يخليكم بسرعه لان راح اتخبل ;D ;D ???
-
حبيبي لا تتخبل.
اول شي الموافقات اختيار رابع لكن لازم تكتب شنو الكلام الي بصف الاختيار .وبعدين انت وين بالعراق ؟؟؟؟
-
اخويه العزيز شكرا عله ردك السريع ......... جان مؤشر عله الاختيار الرابع .. تعرف شنو معناه ؟؟ اني من بغداد وعايش بسليمانيه وقابلت ببغداد :)
-
عيوني انت مو كلتلك اكتبلنا الكلام الي بالاختيار الرابع حتى اسهلها عليك القبول يكتبولهم :
Further review for refugee elegilibilty for resettlement in the United States .
اذا هذا هو الاختيار اكو احتمالين اما موافقة وهو غالبا او قيد الدراسة وحتى تقطع الشك باليقين وتفرقها تخابر الاي او ام .
-
اذا قيد الدراسه يعني شنو قصدهم ؟؟؟؟؟؟؟؟؟؟؟؟؟
-
اخي الغزيز انت دافع فديه عن خطف او ضابط برتبه او حزبي . فهمنا حته انفهمك
-
اخوية تيم البغدادي
اني همات اجتني نفس الرسالة البارحة وامؤشر على الاختيار الرابع
ومعناه ان شاء الله قبول بنسبة 51% او قيد الدراسة بنسبة 49%
ولا تدوخ ولا تتخبل
-
اخوان تعبتكم ويايه بس اذا قيد الدراسه يعني اكو احتمال ميوافقون ؟؟؟؟؟؟؟؟
-
اي اكو هيج احتمال
بس نسبته حيل قليلة
يمكن 1%
-
اخي تيم البغدادي
انشاءالله موافقه اخي افظل شي اتصل بل iom وهما يفهموك
بلتوفيق انشاءالله
-
زين اريد اعرف شنو الاجرائات الباقيه داخل امريكا لو داخل العراق ؟؟؟؟؟؟؟؟؟؟
ولكم جزيل الشكر
-
هلو شباب وبنات: تيم انت مثلنا احنا نفس الشي تقريبا ديدرسوووون الملف قيد الدراسة اولا ادعي انو تجي القرار بسرعا وثانيا اطمئن اغلبها تكون موافقة لان لو لا سمح الله رفض كان من الاول بت بالموضوع لكن اكو شي عالق بعد ديدسوه . لا تقلق . وكل الله ماكو احسن من الاتكال عليه وتفويض الامر اله . تحياتي
-
اخي تيم اذا بلغوك ملفك لاقرار يعني ملفك قبد الدرس يعني يروح امنيات وها عدد دوائر في امريكا
وسئلون عنك حته بالعراق وهي الشغله اتريد صبر والله ينطيك الصبر اذا اتريد اكو شرح كامل
بلمنتدى اخونا عكعك المحترم شارح من البدايه الى النهايه
-
ان شاء الله تكون موافقة
والاتصال بال اي او ام هو الافضل
سلام الله معك
اخوك يوجد امل
-
الاخ تيم البغدادي لتضوج ولا اتدوخ لان احنا دخنا قبلك واتصلنا بيهم كالو هذا الايميا اندز للكل نفس الشي وهذا معناها مقبولين مبدئيا بس مشروطه بلاجراءات الامنيه الي تتضمن الموافقات الامنيه وانتضروا بس انخابركم ننطيكم موعد السفر وحضروا نفسكم اخت رييييم
-
السلام عليكم ورحمه الله
اخويه تيم البغدادي لا تضوج ولا تزعل نفسك
اني همات طلعولي الخيار الرابع بوقتها وبعد شهر اتصلوا بيه وكالولي انت موافقين عليك الوفد الامريكي
شو خييي الخيار الرابع يتضمن التالي:
1- قيد الدراسة .. يعني يراجعون المللف مالتك اكثر ويتأكدون من كل التفاصيل الي بيه .
2- موافقة المحلفين : وهذا يجي من يكون الوفد موافق تماماً.
ومزال ما اجتك موافقة المحلف كاملة فـــ أنت هسه انتظر مو اقل من شهر
والله يصبرك يارب ويوفقك يابعد روحي
اخوك طركاعة السامرائي
-
شكرا جزيلا للاخوان والاخوات الي جاوبو عله سؤالي واحب اكوللكم انه اليوم خابروني وانطوني موعد للفحص الطبي ....................
انشاء الله للجميع يارب
-
الى الاخ العزيز تيم البغدااادب اتبع هالخطوات التالية ..........دز رساله reply هذا واحد تكتب فيه هذه الرساله..........
[I confirm that I have received this email and the attached decision letter for my refugee case with the United States Refugee Admissions Program.”
وبعدين اسم الكامل وبعدين رقم الكيس نمبر .
-
اخوان, اني هم جاني على الايميل وارجو تحديد مكاني بالضبط, علما اني قد اكملت المقابلات والفحص الطبي
ارجو الاجابة على الذي اتاني عبر الايميل( اني في بغداد)
APPROVAL FOR REFUGEE RESETTLEMENT- After careful consideration, the denial of your request for resettlement to the United States, dated , is hereby overturned and you are now conditionally eligible for resettlement, pending all necessary medical clearances, security clearances, and other required procedures.
اي انه وضعي قانوني للذهاب الى امريكا
ولكن هل هناك فترة متوقعة للسفر, و ماذا عن الذي اسمعه من المنتدى حول استلام الفايل او ختم الملف؟ هل الذي استلمته ان (attachment) هو الملف و علما ان الرد اتاني في بداية شهر تموز 2009.
كذلك ان فحصي الطبي مضى عليه اليوم July/28/2009 ستة اشهر تماما.
هل من المفروض ان اعيد من جديد الفحص , وكذلك ماذا علي ان انتظر؟
ارجو تحديد حالتي
وشكرا الى كل الاعضاء
-
اخواني ارجو ان تتأكد من انكم جميعا مقبولين والمنظمة ومن وراها امريكة متخاف من احد ومتبلغه اذا مقبول او قيد الدراسة هذا الي اجاكم يعني مقبولين ان شاء الله تبقى
المرحلة الثانية هي الموافقة الامنية والفحص الطبي ( الامنية من اسبوعين ال....... انت وحظك )
المرحلة الثالثة هي ختم الملف (من اسبوع الى شهر )
الملرحلة الاخيرة تحديد السفر
ان شاء الله تسهل امركم وتسافرون بسرعة .....اختكم ايات
-
اخت آيات
شكرا على بث الامال في نفوسنا
انا المقاتل من بغداد, اكملت الفحص الطبي,ومن المهم عندي معرفة موعد الرحيل ولو زائد ناقص 40 يوم
وشكرا
-
تسلمون اخوات واخوان احنة تقريبا كلنة اجانة نفس الايميل وهو مراجعة اكثر للقضية اني اجاني وية اليوم صارلة شهرين ولا حس ولا خبر منهم بس انتظر والله كريم.