ankawa
منتدى الهجرة واللجوء => الهجرة و واللاجئين => الموضوع حرر بواسطة: سارة 2000 في 10:56 29/07/2009
-
الى كل اعضاء بيت عين كاوة الكبير السللم عليكم
مثل ما اتعرفون خابرونة قبل اسبوع حددونة مقابلة وية الوفد البرطاني طبعا ما اكلكم شنو القلق والخوف والسبوع صار عبالك سنين الى ان اجة يوم المقابة وهمة ال يو ان اكدو الموعد قبل يوم واكدوه الصبح
المهم رحنا وورة ساعة تقريا دخلونة كلنا اخذولنا صور هو نفسة الضابط اخذلنياها ووراها طلعونة بالانتضار
وراها دخلو زوجي ( يقابلون كل واح على حدة ) حتى الاولاد اللي فوك العشرين سنة واللي جوة العشرين ايقابلوهم همينة بس بوجود الاهل
زوجي طول تقريبا ساعة ونص سالة عن نفس القصة وشلون تلاكينة اني وياه وتواريخ وعن بقية اهلة وبعدين طلع ورة ربع ساعة قابلني اللي وحدي هم فد اتلث ارباع ساعة ونفس الحجي وليش اتريدين اتروحين هناك وراح ترجعين البغداد لو لا اخير شي كلنالة شوكت راح نعرف ان انقبلنا او لا كال يعني فد اتلث اشهر يجوز اكثر يجوز اقل لان هسة هاي المقابلة وملفكم وية الفحص الطبي مالتكم راح ايروح البرطانية وهناك يقررون فكونو صبرورين كتلة يلة بقة على هاي ننتضر والله كريم
وثاني يوم سوولنا الفحص الطبي الاول والسريري المفروض باجر بس اللي افتهمتة انه اليون شارطة على الحكومة البرطانية تقبل عوائل مترجمين ونفس العدد من العوائل العادية وسمعت همينة ان الشهر الفات اكو تقريبا اتلاثين عائلة رايحة البرطانية وهاي هية كل الاخبار
واي سؤال اني حاضرة
سارة
-
شكرا على المعلومات بس بريطانيا من اصعب الدول الي تنطي لجوء للعراقيين مع تحياتي الج والله يسهللكم
-
بالبداية اتمنالكم كل التوفيق..... وان شاء الله الموافقة تجي باسرع وقت
-
اي والله ادري من اصعب الدول بس الله يسهل
شكرا عيني عيون دجلة وان شاء الله يوم اللج
-
شكرا على التفاصيل بالمقابلة يا اخت سارة
-
شكرا جزيلا , ولو جنت اتمنه تفاصيل اكثر , صحيح بريطانيا متشددة بس الوصول لبريطانيا بيه فوائد فوك ماتتخيلون وأول شي وآني اعتبره من اهل الأشياء هوه اللغة الأنكليزية , سهلة التعلم وعدنه اساس بيهه.
-
الف مبروك اختي على هاي التطورات
اختي سؤال بس انتوا عدكم اقارب درجة اولى لو شنو
يعني هسة احنا طلبنا منهم بريطانيا لانه النا اقارب هناك بس مو درجة اولى
بس ما اعرف ليش اتصلوا بينا من ال iom
وكالوا عدكم توطين اميركا بحيث استغربنا كلش هواية
من الموضوع واتصلنا بيهم وكلنالهم احنا على بريطانيا
ف كالو سحبوا الفايل مالتكم
ما اعرف هسة شنو رح يصير ويانة وشنو لازم نسوي
اذا اكو احد يكدر يساعدني وينطيني معلومة
والف شكر الكم جميعا
والله يسر امركم اختي وتتوفقون
وتروحون المكان الي تريدوه
-
صباح الخير عل الكل
شوفو عيني اجتمعو بينة هي اللجنة نفسها وانطونة معلومات على برطانية ومن انروح شنسوي ووين نكعد وكل شوية ايكولولنة ترة مو شرط تنقبلون هاي الملفات مالتكم وية الفحوصات راح ناخذها ونروح ونعرضها على الحكومة وهي لو تقبل لو لا واعتقد هي هاي اللي يسموها الدورة التثقيفية بس ابرطانيا ايسووها راسا لان الوفد مو دائما موجود يجي فترة ويرجع ففضوها كلها باسبوع واحد
واي سؤال اني حاضرة
-
الاخت سارة2000 تحياتي لك ..والله يسهل اموركم وتنقبلون ان شالله وتوصلون بالسلامة بس اذا امكن نعرف انت بأي دولة الان
-
شكرا على مشاركتكم الحلوة وعواتكم الاحلى وان شاء الله لكل يتسهل امرة ويوصل للي يريدة ان شاء الله
اخوية arch.s اعتقد ان همة حولوكم على اميركا يعني اصلا ما حولو ملفمن على برطانيا بس لازم تبقى اتحاول اتخابر اليو ان طبعا مو راسا راح اتحصلهم فد خمسين مرة اتخابر يمكن ياله اتحصل وتسفسر على الملف مالتك شوبة لح عليهم لان مرات ايكولون ما ندري ومنهالحجي وحاول كل اسبوع اتخابر ترة هاي الطريقة اتحرك الملفات احسن
وبالنسبة للاقارب اي عندي اخوية هناك عايش بس ما اعتقد يعتبروه درجة اولى
اختي ام زيكو شكرا اعلى دعوتج الحلوة وان شاء الله الكل يا ربي اني هسة ابعمان
تحياتي