بسم الله الرحمن الرحيم
في البدايه أحب أن أسلم على كل رواد بيتي الثاني والي اعتبره متنفسي الوحيد بغربتي منتدى عين كاوه الغالي.... حبيت أستشيركم بشي يخص مستقبلي ومستقبل عائلتي هنا بأمريكا وشكلتي تتلخص بأني وصلت مدينة هيوستن بتاريخ 1/5/2009 وباقيلي على أنتهاء المساعدات تقريبا شهر بالفتره الفاتت عليه هنا طبعا جانت أتصالاتي باهلي بالعراق مستمره وبأحد الأيام أجاني خبر من أهلي بأن صديق ألي قديم جدا وأعزه جنت ناسيه من كثر مشاكلي ومشاغلي بالعراق هذا الصديق طبعا مسافر من زمان لأمريكا وهو حاليا متجنس ماأعرف من محاسن الصدف أو حظي يمكن سائل عليه بالفتره الي وصلت بيها لهيوستن بأحد أتصالاته بأهله وكالوله صديقك سافر هو وعائلته لأمريكا .... هنا رباط الحجي.... صديقي هذا كالب الدنيا بالتلفونات على أهله وأهلي طبعا وزعلان ليش ماعنده خبر بجيتي لأمريكا المهم منطيه رقمي وخابرني ولو تشوفون شسوى بيه من رزايل وحجي المهم هسه هو ديلح بأن اروح عنده ويكلي أني من أجيت لأمريكا بديت مثلكم وشويه شويه صعدت والحمد لله المهم الله يوفقه هسه هو يكول اني أتوسل بأحد أخوتي البلعراق حته يجي يمه ويساعده بأدارت أعماله الهوايه الله يزيده وكالي انته الله دزك الي حته توكف وياي لأن هو يعتبرني واحد من اخوته المهم أخواني الي اريده منكم وخاصة الاخوان الي عدهم خبره تساعدوني وتنصحوني شسوي اروح يمه وشلون الأجراءات اكدر انقلها وياي يعني الكيس مالي بالمنظمه سهل انقله وياي من اروح علما ان صديقي ساكن بنفس الولايه الي اني بيها ولاية تكساس بس بغير مدينة هو يكلي تعال وكلشي سهل واني خايف خاف اروح بدون ماأسأل وأستشيركم بالنسبه لبناتي الثنين هالأيام المنظمه دتراجعني على تسجيلهم بالمدارس شلون اذا صارت سهله انقلهم وباقي الشغلات الي ناسيها ارجوكم انصحوني وفهموني كل الأجراءات حبايبي الغاليين..... بالمناسبه صديقي هذا عنده بيت حاليا بمزرعه وكال بالأيام الأولي ماراح أخليك تأجر الا أن تستقر أمورك بالشغل والحياة لأن بيته حسب قوله كلش جبير وبيه ملحق يكول فارغ تكدر تعيش بيه ال ان تستقرون..... أرجوكم الرد وسلامي لكل الأعضاء الغاليين والله يسهل وييسر أموركم جميعا يارب تقبلو تحياتي
[/color][/size]
يعني معقوله أخواني ماكو أحد عنده معلومات كافيه يكدر يساعدني بيها؟؟؟؟؟؟
وينكم يمعودين أهل الغيره ....... منتظركم حبايبي :'(
[/size][/color]